شاركي في النقاش

سجلي الدخول لإضافة تعليق.

التعليقات

56
  1. مشكوره على هذا الموضوع
    بقول الصدق ولا حد يزعل رحت قبل رمضان للعمره وزيارة المسجد النبوي وماهي أول مره أروح للعمره قد حجيت قبل في فترة الحج رحنا بطريق البر وما ألوم لأن الحجاج كثير ولازم بيكون في فوضى في المحطات اللي في الطرق لدرجة رقدنا أنا وزوجي في سيارتنا في البر بين مكه والرياض لكن بعد رحت ذا الصيف أنا وعيالي بصراحه قرف وقذاره فيكل مكان حتى الإستراحات ليه ما يوظف صاحب الإستراحه موظفين نظافه لو فيه عمال ما حد تجرأ ووسخ المكان والسباكة الزفته غير غرف الإستراحه اللي تجيب الهم ليه كذا أصحاب الإستراحات يعرفون إن المسافر مجبور إنه يوقف لمشقة السفر وطول الطريق همهم يجمعون الفلوس بس طيب المسافر دعوته مستجابه لما يشوف المكان زين بيدعي لصاحب المكان وأصلا بياخذ أجر لأنه ساعد الناس حتى لو فيه مقابل ما لقيت مكان نظيف رحت للشفاء في الطائف قلت نتمشى لما نوقف في مكان نجلس فيه ويلعبون العيال تعالي شوفي القذارة في كل مكان البامبرز والأوساخ وكل مايخطر في بالكم الله يكرمكم غير الروائح الهم استأجرنا غرفة في الشفاء من برا هالله هالله ومن داخل يعلم الله شو لقينا الأرضيات ملبده لما نمشي عليها تلزق الأحذيه الفراش والمكان كله قديم البطانيات والأثاث كله مغبر ليه خاطري أعرف صاحب المحطة ما يشوف


    غير ذا كله المساجد وأحط ألف خط تحت هذه الكلمة طول رحلتي غير الحرمين ما شفت مسجد نظيف إلا في الرياض كان مسجد في حي ما أعرفه بصراحه كان على طريقنا دخلت مسجد في الشفاء جنبه مطاعم ومحطة بنزين والمسجد في الطابق الثاني مغبر وما هو منظف الحمام يمشي حاله صليت وأنا خلاص مقهوره شفت وحده قلت لهامافيه هيئه اشتكي لها من المساجد اللي مهمله بيت الله والمشكله والقهر في بلاد الحرمين
    بنيت مسجد زين جزاك الله خير حط حارس وحرمته أو الإمام وزوجته يهتمون فيه بكنسه ومسح الغبار وخادمه تنظف الحمامات واحتسب الأجر أو يستأجر منظفين كل فتره معينه ينظفونه حتى مكه كنت خلاص راجعه الإمارات وفيه محطه بها مسجد قبل ما ندخل طريق الهدا والله ما قدرنا ندخل الحمامات والله الله يكرمكم تقولون همج اللي استخدموه وكنت متوضيه لكن بنتي الصغيره أبي أغير لها ولا قدرت طلعت أصلي حاطين طابق علوي من الحديد للنساء وشوفي الوساخه والغبار

    أخواتي أنا صدق مقهوره أولادي و بناتي كرهوا شي اسمه محطات الطريق طويل وتعب عليهم ميقات السيل جيناه ما جلست إلا ساعه لبسنا الإحرام وطلعنا غرفه تجيب المرض لا وساعتها بمئة ريال خذيت خمس وأربعين دقيقة أو أقل والله لما وصلت للحرم راح زوجي يعتمر وأنا قعدت مع عيالي ولدي عمره عشر سنين جسمه حساس ما لقيت إلا كل جسمه متنفخ تقولون قرص باعوض وهو لا على أكبر والسبب الغرفه اللي في الميقات على إن ما حد مسك شي

    أنا معكم في الحمله اشتكوا طلعوا صوتكم للتجار اللي بس همهم تجميع الفلوس اشتكوا في حماية المستهلك أو الصحه أو أي أحد

    وأسمحوا لي طولت عليكم 
  2. @hoaaa_134

    للفائدة :

    السؤال
    ما مدى صحة ومصداقية الحديث الشريف هذا: "النظافة من الإيمان والوسخ من الشيطان"؟ أرجو الإفادة.


    الإجابــة


    الحمد لله والصلاة والسلام على رسول الله وعلى آله وصحبه أما بعد:

    فـ (النظافة من الإيمان والوساخة من الشيطان) ليس حديثاً نبوياً، وأما معناه فصحيح وردت به نصوص الكتاب والسنة الكثيرة الآمرة بالطهارة والنظافة في البدن والملبس والمسكن، كقوله تعالى: وَثِيَابَكَ فَطَهِّرْ.
    وقوله صلى الله عليه وسلم: طهروا هذه الأجساد طهركم الله، فإنه ليس عبد يبيت طاهراً إلا وبات معه ملك في شعاره. رواه الطبراني، وقال الهيثمي: أرجو أنه حسن الإسناد.
    وقوله صلى الله عليه وسلم: طهروا أفنيتكم، فإن اليهود لا تطهر أفنيتها رواه الترمذي والطبراني، واللفظ له. قال الإمام الهيثمي: رجاله رجال الصحيح خلا شيخ الطبراني.
    والله أعلم.


    http://www.islamweb.net/fatwa/index.php?page=showfatwa&Option=FatwaId&lang=A&Id=32475

تابعي تجارب أخرى من هذا القسم.