اسأل الله العلي العظيم ان لايبقي لك هما إلا وفرجه ..((لاتبخلو علي بالنصيحه))

السلاااااام عليكم ورحمة الله وبركااااته

كيفكم يالغاااليات ؟؟

اسأل الله العلي العظيم لكل واحده منكن التوفيق والسداد ..واسأله ان يريح قلوبكن ويفرج همومكن ويرزقكن من حيث لاتحتسبن.. وان يرزق البنات والمطلقات والارامل بالازواج الصالحين وان يرزق كل محرومه بالذريه الصالحه وان يسخر لهن ازواجهن بفضله ومنه وكرمه ...

موضوعي ..

تعودت منكم النصيحه وحب الخير ومااذكر والله اني طلبت نصيحه او رأي او مشوره الا ولقيت منكم الخير الكثير

انا مطلقه بدون اطفال وجلست فتره والان متملكه والحمدلله ...يابناااات عندي خوووف فضيع من الطلااااق لدرجة

اني اتمنى امووووت ولااتطلق ..الطلاااق كسرني ..صرت ادعي ربي اني اموت وانا على ذمة زوجي الثاني..

واذا رحت اقرا مع اي احد لراقي يقولون عين وحسد وانا اكثر انسانه بهالدنيا ماوسوس بهالامور ومهملتها للاسف

قبل يومين حلمت وفسرته وقالي لازم لازم ترقين نفسك من العين والحسد قبل زواجك ...يابنات يجيني خوووف

فضيع لما ابي اطلع الرقيه من النت ماادري خوفي انو يطلع فيني شي وانا مااحس ان فيني شي المهم اطلعها بس لما ابدا اسمعها اخااااااااف واسكرها ...ماادري ليش؟؟

انا في زواجي الاول كنت اسقط او يصير حمل ضعيف ... ويطلع لي بقع خضرا وبنفسجيه دايما بسيقاني وافخاذي ...هل كل هالاشياء تدل على العين او الحسد ؟؟

بس انا اسمع سورة البقره عاااادي واصلي والحمدلله ....ماانام الا لما اشغل سورة البقره وانام ...احيانا اقول لو فيني شي ماكان حبيت اسمعها

يابنااااات والله اني ساعات من خوفي من الطلاق اقعد ابكي وادعي ربي من كل قلبي اني استقر بحياتي واشوف عيالي :44:الي متقطع قلبي على شوفتهم .. اخترت اساميهم واخترت كيف اربيهم ...

بنات ابي منكم نصيحه ابي رايكم ايش اسوي ؟؟ والي ترد والا ماترد تكفووووون لاتنسوني من دعوتكم بظهر الغيب .... يكفي انو فيه ملك يقول لك ولك بالمثل ...