تجمع الموقنات برحمة الله ( خبرات متبادلة حول مراكز تأخر الحمل في مصر ) ج 23

آه يانى حموت حطق حيحصلى حاجة من الناس ومعتقداتهم الخاطئة .. وقل ربى زدنى علما .

شوفى يا مصريتى .. التمر له مزايا كثييييييييييييييرة جدا ومقدم على باقى الاغذية ولو شفتى عدد المرات اللى مذكور فيها التمر والعنب فى القرآن حتعرفى أد ايه ربنا حط فوايد كتيرة قوى فيهم .. التمر يعتبر غذاء كامل لأنه يحتوى على كم هائل من الحديد والكالسيوم وباقى الاملاح المعدنية والسكريات ويعتبر هو واللبن غذاء كامل ممكن التغذى عليه شهور بدون مايحدث للفرد نقص تغذية وكان يمر الشهر والشهران فى بيت النبى ولايوقد نار .. تفتكروا يعنى وقتها السيدة خديجة كانت بتاكل ايه وهى حامل !! ؟؟
حكلمكوا شوية بالعلم يمكن تقتنعوا .. يحتوى التمر بالاضافة الى ذلك الى مادة تشبة فى التركيب البروستاجلاندين المسئول عن انقباض الرحم لطرد دم الحيض وقت الدورة ولاخراج الجنين وقت الولادة .. طيب مين يحل المعادلة الصعبة دى ........... فى الواقع المعادلة اسهل من 1+1=2 عارفين ليه لأن ربنا سبحانه وتعالى جعل لكى تعمل مادة البروستاجلاندين وتقوم بوظيفتها لابد من ارتباطها بمستقبلات خاصة بها وهذه المستقبلات تكون بقدرة إلهية مغطاه طوال فترة الحمل ولايتم كشفها الا وقت الولادة

الخلاصة كلى تمر وبلح وعجوة زى ماانتى عاوزة طوااااااااااال فترة الحمل ولن يحدث لك شىء بإذن الله ... صنع الله الذى أتقن كل شىء

أم حفصة يا حبيبتى .. الكلام ليكى ولكل البنات مفيش أكل خلقه ربنا ومحرمهوش ممكن انه يسبب أذى للانسان
مين اللى دخل فى راسك الحلوة دى ان الخضار بيعلى هورمون اللبن .. اللى قال كده يفهمنا ازاى ولا هى اشعات وخلاص ... كل شوية حد يطلع بإفتكاسه يا عالم الرحمة شوية ..

سارة المحتارة ... انا شايفة ان ده انسب وصف ليكى وسط عصابتك الصغيرة ربنا يعينك ده اللى عنده عيل بيشد شعره ورموشه .. حتفضلى طول عمرك منتظره بكره يمكن تستريحى لكن لازم تفهمى كويس قوى ان احنا فى دنيا وربنا قال وخلقنا الانسان فى كبد .. علشان كده حولى تستمتعى بوقتك فى عز لخمتك :06: ومتعمليش زى ناس كثير علطول منتظرين بكره اللى عمره ماحيجى ابدا لأنه لما يجى بيبقى فى بكره جديد

( الاول احنا صغيرين منتظرين بكره نكبر .. بعدين كبرنا ودخلنا المدرسة منتظرين نخلص وندخل جامعة - بعدين منتظرين نتخرج ونفسنا نقبض اول مرتب من الشغل - بعدين منتظرين العريس اللى حيخلى حياتنا فيها استقرار ويبقى لينا بيت لوحدنا ومملكة نحكم فيها - بعدين منتظرين الحمل - يجى الحمل منتظرين نولد ونشوف ولادنا - بعدين ياريتهم فضلوا جوه نفسنا نستريح وننام - بعدين امتى يكبروا ويعتمدوا على نفسهم - بعدين يدخلوا المدرسة ونزاكر معاهم ونتخنق من الامتحانات والدروس - أوف امتى يخلصوا - امتى يتخرجوا - امتى يتجوزا - امتى يخلفوا ... وهوووووووووووووووب - يلا محطتك انزل ... نلاقينا فى حياة تانية خالص تتضائل معها حياتنا اللى عشناها فى الدنيا ... الخلاصة كن فى الدنيا غريب او عابر سبيل )
تانى حاجة انتى مش محتاجه استئذان علشان تبعتيلى على الخاص ده يبقى يوم المنى

تمام يا بندقه بس برضه لازم طبق السلاطة بالليمون وزيت الزيتون جنب كل أكلك .. ده انا ببطل اكل لو السلاطة خلصت .. هو مين العجيب انا ولا انتوا :angry:

بوبا خسارة كل ده يروح فى مشاركة على الفاضى .. فياريت لو تعمليه موضوع مسنقل وتتطلبى يتثبت يا اما تحفظى صفحة المشاركة وتتطلبى من البنت اللى حتفتح الموضوع الجديد تحطه فى اول الملف ويبقى ثابت فى ملفنا