الموضوع مغلق

معاناة المعلمه مع شريك العمر/قديم

السلام عليكم
حياكم الله اخواتي العزيزات حبيت اطرح مشكلتي امامكن لعلي اجد في ارائكن مايريح خاطري مشكلتي انني معلمه والمعلمه في هذا الزمان مطلوب منها ان تكون رجل وامرآه في نفس الوقت انا اسكن في دور صغير مثل مايقال نصف دور او دور مسروق صغير جدا واحلم بالبيت الكبير لكي اتوسع انا وابنائي وزوجي يريدني ان اتشارك معه واتدين من البنك حتى نشتري بيت علما ان راتبه ضعف راتبي ومثل ماتعرفون الرجال ليس لهم امان وانا لااريد ان ادخل في ديون وزوجي ليس فقير ولا محتاج وانا اقوم بواجبات كثيره من استقدام الخادمه
وراتبها والقيام بكل احتياجاتي وكسوة اطفالي وتغيير اثاث البيت والمشاركه في السفر وفاتورة جوالي وفاتورة الهاتف واحس خلاص مليت حتى البيت لازم اشارك في شرائه والاخ جالس ينتظر متى اتنازل واوافق اتشارك معه وانا رافضه الفكره نهائيا بس مليت من الضيق ولا هو راضي يطلعني من هالبيت الصغير لبيت اكبر حتى لو اجار عشان يضغط علي وش الحل والله تعبت

36 تعليق 3,284 مشاهدة

شاركي في النقاش

سجلي الدخول لإضافة تعليق.

التعليقات

36
  1. @maatbaa_almkfyn

    اختي نصيحة لوجه الله لا تضيقين على نفسك وعيالك وانت قادرة ولا يهمك الرجال سواء شارك او لا
    وافضل الصدقه صدقة الانسان على نفسه واهل بيته
    انا شاريه بيت من راتبي وزوجي مقتدر ولا همني اهم شي نتوسع انا وعيالي
    اتكلي على الله ولايهمك كلام الناس
  2. @kyann

    اشتري بيت بسسسسسسسسسسسسسسس
    يكون بسمك لك وللزمن

    واعيدها واكررها يكون البيت باسمك وتروحي انتي بنفسك تحطينه باسمك
  3. حبيبتي لاتهتمي سوي الي بخاطرك

    بس انتبهي لازم تكتبين حقك في البيت اذا وافق على افكره خلاص اما

    اذا رفض حقك انس الفكره لانه مايستاهل

    زوجة اخي ساعدته وكتب اخي لها نص البيت

    تضمن حقها وحق عيالها بعدين

    الحق مايزعل
  4. @am_nana_odno

    صاحبة الموضوع
    مشكوره اختي على ردك الله يعطيك العافيه ماهمني كلام الناس بس زوجي خذلني في اشياء كثيره ويصرف على ناس من قرايبه وعياله انا الي قايمه فيهم وغير كذا اذا صار بينا مشكله رفع يده من كل شي وخلاني ابلش لحالي مع اني الان في اجازه ومااخذ الا ربع الراتب لذلك انا كرهت هالوظيفه وهالراتب الي حملنا مسئوليات محنا قدها

تابعي تجارب أخرى من هذا القسم.