شاركي في النقاش

سجلي الدخول لإضافة تعليق.

التعليقات

206
  1. الله يعينك بس احتسبي الاجر ولا تهينينه خاصة بالطعام وقدام عياله انا اعرف ناس كثيره مثل حالك بس صبرين ترى الرجل حقود واخاف من ان يثور في يوم عليك احسني الى زوجك وربك كريم
  2. @akht_hkymh

    حبيبتي صراحه زوجك اسلوبه وقعدته واعتمادهـ يرفعون الضغط بس والله مايبيحلك تسوين كذا اذا موعشانه
    عشان رب العالمين هذا زوجك لازم تحترميه وتقدريه ادري بتقولي قاعد في البيت وانا اشتغل واصرف عليه وعلى عياله بس برضوا موعذر عززي ثقته بنفسه شجعي يشتغل حسسيه برجولته
    وجيبيلك شغاله تشتغل باليومي وتروح بدل ماتتبهذلي بالبيت وخارج البيت وخذي اجازه واطلعوا غيروا جو صفوا النفوس بتقولي اطلعوا على حسابي اقولك معليش اكسبيه بصفك بس صارحيه بشعورك وانك نفسك تحسي برجولته ونصيحه نصيحه لاتقللي من قدرهـ وشأنه قدام عياله اذا مو عشانه عشان عيالك بكرهـ لكبروا ماراح يحترموهــ والطفل قدوته ومصدر قوته ابوهـ اذا شافه ينهان وينسب بتقل ثقته بنفسه وبأهله والله يهدي زوجك ويرزقوا الوظيفه يااااااااااااارب
  3. @mooon_flaor

    الله يصلح حالك يارحمن يارحيم
    اتخيلي نفسك مكانه ..بيعايرك ..أكيد لا
    نصيحتي لك اتذكري جمايله .. ترى الفلوس مهي كل شي ..مين يوديكي ..مين يجيبك ..ولمن كان بالوظيفه .. كيف افعاله ..
    انا صراحه ألومك على أسلوبك معاه ..مهما كان وربي مايسير تسوين له كذا أو تسمعينه كلام زي كذا ..
    اتخيلي حياتك بدونه ..تخيلي طفش ومل من حياة التهزئ وقله الاحترام ترى ألزم لا على الرجل والله كرامته ..انتبهي يمكن تطلع فجأه ويمل من الحياه اللي هو عايشها ..ويروح ويتزوج عليكي ..ترى البنات سايرين يقدمون زي الهدايا وبدون مهر كمان
    طيب ...ما العمل ..؟
    1- ادعي له كل صلاه بأن يصلحه الله لك ويسخره لك ولأولادك ..ويرزقه بالوظيفه الممتازه التي تشغل فراغه وكرري في كل سجود لك (( ربنا اجعل لنا من أزواجنا وذرياتنا قرة أعين واجعلنا للمتقين إماما )) ووثقي والله إن الله لن يردك.
    2- عودي لسانك على الكلام الطيب معاه حتى لو كنتي معصبه تعوذي بالله من الشيطان الرجيم واكتمي غيضك والله لن تري إلا كل خير ولاتروحين لسريرك إلا وهو معاكي وقولي له ترضى إني اسهر وأنا وراي دوام محيتجاوب من البدايه لكن بعد كذا حيقوم احتراما لكي وليس رغبة في النوم وأيضا بيني له أهمية النوم بدري والصحوه بدري واذكري له حديث النبي صلى الله عليه وسلم " بورك لأمتي في بكورها " .
    3- بالنسبه لشغل البيت في شغالات يجون لك يشتغلون ويخلصون ويمشون بس تعطينها حق السواق خليها تمسكك لك شغل البيت وقت ما انت موجوده وريحي راسك .
    4- اجلسي معاه جلسة روقاااااااااااااااان عالآخر تكونين في أحسن حالاتك وتكلمي معاه وقوليله يشغل واقترحي عليه وبينيله أهمية العمل كاستقلال مادي ونفسي .
    5- حاولي تاخذين قرض ولو بسيط أو تسوين جمعيه وافتحي له بقاله أو مكتب عقاري أو محل خدمات الكترونيه اللي يبغاه أو ساعديه واشتري له سيارة اجره يسترزق الله عليها وتكون له دخل مادي .
    وأخير
    عاااااااااااارفه اني قرقت على راسك كثييييييييييير مره عربي ومره عامي بس اتحمليني لأن والله وضعك كسر قلبي
    بس أهم شي عليكي بالدعاااااااااااااااااااااء وكثرة الصلاة على النبي محمد صلى الله عليه وسلم وكثرة الاستغفار بنية حل جميع أمورك في الحياه والله والله والله ستتحسن حالتك للأفضل وتبشريننا
    وفقك الله لما يحب ويرضى وأسعدك في حياتك وبارك لكي في زوجك ومالك وولدك أنت ومن قال آمين .
  4. @mona_raja

    رجال هالزمن تنابلة ماالومك عندي نسختة بالبيت اخوي قاعد لاشغلة ولا عملة ولا من وراه فايده

تابعي تجارب أخرى من هذا القسم.