تجمع الموقنات برحمة الله ( خبرات متبادلة حول مراكز تأخر الحمل في مصر ) ج 23

السلام عليكم

ازيكم يابنات

نادو اخبارك ايه وحشتينى ربنا يوفقك انتى
واوكسى

بندقه وشيمو ربنا يكرمكم عاجل غير اجل

وكل الحوامل ربنا يسهل حملكم ووضعكم

انا حاولت اكتب مشاركة فى رمضان بس مكنتش بتوصل

اتمنى تكونوا بخير جميعا

اهلا يا قطوس فينك من زمان يا بنتي اخيرا ظهرتي بلاش تغيبي عننا كثير كده طمنينا عنك وعن اخبارك اية واخر خطواتك ان شاء الله ربنا يوفقك ويرزقك الذرية الصالحة يا رب

بندقة عاملة اية واخبار الاجازة اية ف مصر يا رب تكوني مبسوطة يارب انا ان شاء الله احتمال كبير انزل ع شهر 11 اسكندرية ان شاء الله كنت اتمني اني اشوفك بس انتي من القاهرة صح وممكن تكوني سافرتي كمان يارب يوفقك يا جميل ان شاء الله

عزيزة
اخبارك اية واخبار البنات يارب يكونوا بخير دلوقتي الحمد الله وان شاء الله تعملي السبوع قريب وتفرحي بيهم انتي والدهم يارب يبارك فيهم ان شاء الله
نادو
عاملة اية وان شاء الله المنظار بكرة يعدي ع خير والله انا شايفة ان خطوة المنظار ديه صح هيشوف كل حاجة ولو فيه مشكله ف الرحم فعلا زي ما بيقول هيحلها قبل ما الواحد يدخل ف خطوات الحقن فعلا لازم يكون مطمئن من كل حاجة وان شاء الله تقومي بالسلامة ونطمن عليكي قريب يارب لان انا اخر حاجة عملته كان منظار الرحم بعد فشل مرتين الحقن واكتشف ان ف التصاقات برده ربنا كريم يا نادو ويكرمنا كلنا يارب ان شاء الله
شيمو
انتي فين مش باينة خالص تعالي طمنينا عنك وعن اخبارك اية وعملتي اية ف موضوع الاقامات بتاعتك انتي وجوزك يارب يوفقكم ان شاء الله قريب
مصرية
حمد الله علي سلامة ماما وان شاء الله تكون كويسة وبخير وانتي تكوني عملتي اكله حلوة كدة ترفعي بيها راسنا هههههههههههه لان احنا كلنا خايبين ف موضوع الاكل بصراحة لان اي ام من امهاتنا اكلها بصراحة تحفة ربنا يخليه لك يا مصرية يارب
توفي
الحمد الله ان البنات بقي بخير يارب ربنا يبارك فيهم يارب ويحفظهم لك من كل شر يارب وتفرحي بيهم ان شاء الله
اوكسي... ام حفصة ....دوعة ....ميكو كل البنات سلامي ليكو ويارب تكونوا بخير وجمعة مباركة علينا جميعا يارب

اوكسي وماما: وحشيني اوي.
ماما: ربنا يكرمك مع الدكتور الجديد.
توفي: ربنا يشفيهملك وبصي مايا عندها سنة و5 اشهر ولسه بتشرق. تخيلي انا بستعملها حلمة الببرونة اللي بخرم واحد ولسه بتشرق منها رغم انها المفروض تشرب من اللي ب 3 اخرام.

مرمر: ازيك يا قمراية....