السلام عليكم ورحمة الله وباركاته ..
كيف حالكم يا بناااات جميعا ان شاء الله تكونوا بخير
لا نزال بحاجة لدعواتكم لتحرير أرض المختار من الطاغي وأولاده
متابعة النقاش، صفحة 278
شاركي في النقاش
سجلي الدخول لإضافة تعليق.
التعليقات
2,128- مرحبا بنوته ,, احنا بخير دامك بخير ,,
البنااات شكلهم نايمات ,,
كيف حالك وشنهي أخبارك وأخبار ليبيا ؟ - اللهم كن لأخواننا في ليبيا اللهم انصرهم و تقبل شهيدهم و اشفي جريحهم و فك اسيرهم
اللهم مكن لهم و اشرح صدورهم
اللهم ارنا في القذافي و اعوانه يوما اسودا كيوم فرعون و هامان و جنودهما
اللهم احفظ اخواننا في ليبيا و بلغهم مرادهم و فرحنا بهم عاجلاً غير آجل ام محمد كون بنوتة كيف حالك وحال بنيتك بالله طمنيني شن الاحوال في طرابلس نبي نروح في 10 علي خاطر الصغار يخشو المدارس والا اني نقدر نقعد هني ل3 الجاي لكن استاحشت الغالية ليبيا بس مش عارفة امي تقول اقعدي لين تستلمي الشهادة اللي حتكون في شهر3 وعزوزتي تق…
اهلين ام محمد احني الحمد لله بخير ونعمة وبنتي فرحانة توتي للروضة
ان شاء الله ..
الاحوال في طرابلس الحمد لله ممتازة والناس تطلع والشوارع معبية حتى المناسبات رجعت وبدوا يديروا في عراس وسباويع:icon28: والبنزينة توفرت والكهرباء ما عادش هربت والمواد الغدائية موجودة وكله تمام والله الحمد.
.في شوية طحالب يحاولوا يتمردوا لكن مسيطرين عليهم الثوار
وما فيش منهم خوف بأذن الله
.وبالنسبة للمدارس الابتدائي ان شاء الله هدا الاسبوع بيبدوا وفي دوة انها بتتأجل لين تتحرر المدن المحاصرة مش يبدوا القراية مع بعض لكن الى الان الابتدائي السبت والاعدادي اللي بعده والثانوي الاسبوع اللي بعده .
يعني تقدري تقولي ان الامان رجع بنسبة كبيرة والامور كل يوم احسن من يوم وكله يبي صبر اهم حاجة ارتحنا من بو شفشوفة وتنسمنا الحرية طرابلس كاني اول مرة نشوفها الحرية حاااااجة كبيرة واحني ما نعرفوش تو ان شاء الله تجي وتشوفي ..
يالى لو عندك شي ضروري كملي لشهر 3 انتي صبرتي صبرتي والايام بسرعة ما تجري وكان هدا مرحبتين بيك في بلادك في شهر 10تنوريها وتأنسيها وتو نجي نستقبلك حبيبة هههههه :22:
ربي يسخرلك الخير اينما كان ويسهلك الامور وتوصلي سالمة غانمة ياااارب
7878 مرحبا بنوته ,, احنا بخير دامك بخير ,, البنااات شكلهم نايمات ,, كيف حالك وشنهي أخبارك وأخبار ليبيا ؟
مرحبتين بيك حبوبة .تسلمي ربي يحفظك .
ايه الباين انهم نايمات نوم العوافي يارب اني كل يوم نبداء ندور بروحي في هالوقت كخخخخ.
اني الحمد لله بخير وليبيا ممتازة وربي يدوم علينا نعمته ويكملها لنا على خير الى الان ما شاء الله اصوات التكبير في الجوامع في طرابلس اجواء ايمانية رائعة ..
وان شاء الله بس تتحرر كل ليبيا ونرتاح من الطاغية لازم نعزمك وتجي تزورينا في ليبيا.. وهدا اقل شيء نقدمهولك انتي وكل اخواتنا اللي وقفوا معنا في محنتا ..
انا في الاول كنت نتوقعك ليبية لكن بعدين عرفت انك سعودية واثبتي انك قمة الاخلاق والذوق والحمد لله كلنا اخوات تربطنا الاسلام والعروبة وربي يديم المحبة يارب .
مواضيع مشابهة
تابعي تجارب أخرى من هذا القسم.