النظافه بشكل عام

هلا بنات عالمي .........

احلى عالم والله>>>> وراها مصلحه

المهم..انا جايتكم وطالبتكم <<<عاد قولو عطيتك

محسوبتكم يعني انا >>>>>اجل من غيرك

ساكنه بيت جديد وسي السيد زوجي مو راضي يجيب عماله عشان ينظفون البيت يقول البيت مايبغى له نظفيه على راحتك كل يوم اخذي لك غرفه وجلسي فيها شغل لمن تقولين بس وانا مهوسة نظافة والله احس جاتني حاله نفسيه من كثر ماحاتي بشي اسمه نظافه ابي كل وحده تيسر لي الله ييسر لها وتعطيني برنامج اقعد اشتغل عليه وخلي البيت يلق لق من النظلفه
ابيكم تعلموني شنهو اللي ينفع حق بقع البويه مع الاسمنت في ارض السيراميك لانه عيوني طلعت شي راح وشي مابرح كانه وصخ شي جامد

شلون تنظفون الجدران من البقع بشكل عام وخاصة البويه اللي كانها زيت وعامة شخابيط عيالكم اللي ماتحسون متى سووها
حمامتكم وانتو بكرامه كل كم تغسلونها

تهوياتكم شلون تتخلصون من هالغبار والرمل شلون تنظفون جدرانها كل شي كل شي علموني عنه وراح ادعي لكل وحده تدخل وتفيدنا

16 تعليق 4,252 مشاهدة

شاركي في النقاش

سجلي الدخول لإضافة تعليق.

التعليقات

14
  1. @lylas_11

    شدي حيلك انا لما سكنت شقتي كانت شيء مهووووول

    جبنا شركة تنظيف لجلي السراميك والكيشاني

    ومااحسه نظف

    جبت اندونسيتين وهاتك يافرك وتنظيف يومين

    وبعد ماعجبني استمريت ادعك وانظف الله يكرمك خاصة الحمامات لمدة شهر الين نظفت بالمستوى المطلوب

    البوية طبعا ضربنا جديده لأنه محال تتنظف الشخابيط مرررره كثير

    شقتي الان ماشاء الله كل من شافها مدحها

    الخلاصة::
    حتتعبي الفتره هذه شهر يمكن الين تترتب امورك وتلاقي النظافه خصوصا انه ماعندك خدامه
    شهر مع التنظيف المستمر توصلي لنظافه ترضيك

    لكن استعيني بالله وابدأي بدري بالبركة بالبكور وافتحي قناة القران واحرصي على التهوية الجيدة وقت النظيف عشان ماتنكتمي

    وإبداي بغرف الضيوف وحمامهم وقسمهم نظفيه من إلى وقفليه

    وبعدين الغرف الداخلية النوم - الجلوس الصالة ان وجد تنظيف جدرانها ومراوحها شبابيكها

    أخر شيء خلي المطبخ والحمام لأنك مع التنظيفات كل شوي رايحه ترمي مويه او تشطفي منشفة مسح

    البوية البلاستيك ينفع معاها موية + العملاق الاخضر او موية +فيري
    ادعكي وامسحي بفوطة مبلولة تشيل اثر الصابون بعدها فوطه ناشفه

    وإذا فيه اثر اقلام يشيلها ريد او بف باف بس انتبهي لتنفسك

    البوية عالسيراميك يشيلها التنر ينباع بمحلات البوية


    حمام الضيوف مايستعمل اغسله مره بالاسبوع وقبل مايجون الضيوف ازيد اغسله

    حمامي الخاص كل يوم اغسله بالعملاق

    واغسله مره بالاسبوع بالكلوركس + غسل الكيشاني < يعني تنظيف عميق مره بالاسبوع

    ان شاء الله افدتك والله يعينك ويساعدك ياقلبي
  2. @shosho_1400

    يالله ذكرتيني اول ما خلص بيتنا و سكناه الله يا تعب تعبته لا وكنت حامل بالشهر الخامس
    الله يعينك و سكن مبااارك عليكم

تابعي تجارب أخرى من هذا القسم.