خذي ملابس وكثري على قولة البنات وخذي لك تنورتين وكم بلوزه لايام العيد لان هناك بتتفاجئين في البنات يكشخون لا تصيرين اقل منهم معليش لاتبالغي بس حلو انك تلبسين شي ناعم مو كل الوقت جلابيات
حاولي تكون ملابسك بارده وخفيفه مو حاره وخصصي لبس للحرم ولعرفه لانهم بيكونون حر اكثر من المخيم بمنى
اممممم وبعد الحاجات الشخصيه شامبو وصابون وفرش اسنان ومعجون مع ان الحملات بغضهم يعطون مع الشنط بس خذي زياده
ومشابك للملابس احتياط وكماماااات المتينه مو الخفيفه احس ماتسوي شي وانتبهي وقت الاحرام ماتتعطري والصابون اللي تغسلي فيه يكون بدون ريحه وكذا انتبهي لذالاشياء
خذي ادوية للمغص والاسهال تكرمون وبندول وفيتامين سي للوقايه من الفيروسات وكريمات العضلات لان بتتعبين من المشي افضل تاخذين احتياطك لان مو كل الحملات فيها طبيبه .. حملتي كان فيها ومع ذلك خذت ادويه
لاتاخذي فراش ابدا تضيقي على نفسك الفرش تجهزها الحمله حتى بعرفات ولاتنسين بعرفات تاخذين سجادتك ومصحفك وكتاب ادعيه وكذا والبسي لبس بارد بعرفه انتبهي حر مره هناك
استغلي كل وقت بالحج بالدعاء وقراءة القران والتعبد لانها ايام معدوده .. الله يتقبل منا ومنكم يااارب ولا تنسينا من الدعاء
مقبول الحج مقدما ان شاء الله الحمد لله اتم الله علي الحج السنة الماضية وكانت رحلة الى الله سبحانة وتعالى رائعة مهما تكلمت ما اقدر اوصف جمالها لكن قبل ما اقولك الاغراض راح اكتبلك الاشياء اللي كانت حملتنا موفرتها لنا فوق فرشة كل وحدة بطانية ومخدة وشرشف جديدة وكيس موجود به سجادة ومظلة للشمس ومصحف وشنطة صغيرة. اختي طبعا اللي راح تاخذية معالك: الملابس خذي لكل يوم تغييرة كاملة من جلابية خفيفة طبعا والوانها ياليت تكون غامقة افضل وملابس داخلية لفيها داخل الجلابية يعني كل جلابية راح تكون ملفوفة على شكل رول لسهولة اخذها من الشنطة عند الاستخدام والافضل انك تاخذي تغييرتين اضافية وطبعا ملابس العيد تكون مختلفة تنورة وبلوزة او جلابية تكون حلوة حبتين-- شرشف -- منشفة للاستحمام -- شرشف للصلاة -- جزمة وتكون واطية ومريحة وشبشب للمخيم للتنقل فية ولدورات المياة -- شنطة صغيرة او مثل الحافظات تاخذيها معاك لدورات المياة يكون فيها مشط وفرشة الاسنان والمعجون ومزيل العرق ومراية صغيرة (وكحل ليوم العيد فقط) وفازلين ومقص صغير -- وطبعا من الضروري انك تاخذي فوط اولوز للاحتياط -- وشاحن جوال -- بنادول--وكريم للعضلات احتياط -- واكياس صغيرة لوضع الملابس المتسخة فيها عند تغييرها --وطبعا العباية يفضل انها ما تكون طويلة والطرحة قطن اما الغطاية فهناك غطاية الحج اللي هي مثل النقاب لكن بدون عيون.
وان شاء الله اني اكون افتك بتجربتي وابغى منك دعوة في الحج ان الله يصلح لي زوجي وولدي ويرزقني بالذرية السليمة المعافاة