شاركي في النقاش

سجلي الدخول لإضافة تعليق.

التعليقات

27
  1. ياحياتي الناس تختلف في اهتماماتها واولوياتها
    في حريم تتزوج واهتماماتها وافكارها محصوره في غرفة النوم والفسح
    ولاتبي اي شيء ينغص عليها هذه المتعه

    وفيه حريم تتزوج وبين عيونها الامومه وتكوين اسر ه
    وحياة قلبها الاطفال لدرجة ان منظر ام وهي ترضع صغيرها يفرحها اكثر من احلى نزهه
    او الف عزومه ماوراها إلى الغيبه والنميمه

    ولاتقولين القلال يتربون احسن الصلاح عند الله
    ياما وحيد اهله يطلع فاسد
    وسبعه وسته وعشرة بعد مصلحهم الله

    ونصيحه يا اختي لاتتفسقين على النعمه (وع/قطاوه/حملت ونا ماخططت)المخطط رب العالمين
    ترا النعمه زواله ماتدرين لومات هالي في بطنك وماحملتي بعده ياكثر ماصارت هالحاله
    (لاسمح الله)
    ثم والله اول من بيشوتك هو هالزوج الي حاطاته اكبر همكم
    ترا ما نافعك الى عيالك صدقيني وهذا الكلام معروف منذ قديم الزمن
    الرجال مو راس مال

    اني لكن ناصحة امينه
  2. صاحبة الموضوع
    السلام عليكم يا أخواتي الغاليات
    أشكركم خواتي على نصايحكم اللي والله أثرت فيني كثييييير
    الصراحه هذا كلام دايم أكرره ماحد فكر ينصحني مثلكم
    وبالنسبه للحريم اللي يحملون وهم فوق الاربعين الصراحه أنا ماقصدهم كلهم
    لاوالله أصلآ أمي كانت وحده منهم كانت ما عندها غير ولد واحد وهذاسبب حملها
    لكن اللي قصدي اللي ماشاء الله عندها أولاد وبنات كثير وبعدها تحمل
    لكن الحين خلاص بعد هالنصايح الثمينه
    عرفت أن الوحده مو بيدها تحمل أو لا لكن طبعآ تعمل بالاسباب وإذاحمات ترضى
    وأنتم يابنات فهمتو أني كارهه حملي هذا لا والله أنا مو إلا هذا الحد أنا أحب الاطفال وأموت فيهم وأسأل الله العلي القدير أنه مايحرمني منهم ولايحرمكم
    أناالحمد لله فرحانه بحملي كثييييرالله يتمم حملي ويتمم علي وعلى كل حامل بس أنا خااااايفه من الولاده لأن ولادتي السابقه ماكانت ولاده كانت قصه مأساويه أن شاء الله أكتبهالكم فموضوع
    أستغفرالله العظيم استغفرالله العظيم استغفر الله العظيم استغفر الله العظيم
    بنات أنتم خوفتوني والله يديني ترتجف مو قادره أكتب أخاف الله يعاقبني علموني وش أسوي
    ردو علي الله يخليكم أحس بستفرغ من الخوف
  3. @donat_3

    اتقي الله في كلامك
    الابناء نعمة من رب العالمين ,,,, واذا هم ماهم عاجبينك ,,فغيرك يتمناهم
    ويدفع كل مايمك ويسافر اخر الدنيا ,,,علشان كلمه
    ماما ,,, بابا

    هذا انتي حملتي بالغلط على كلامك ,,,,
    هل فكرتي تجهضين الحمل ,,, او تلومين نفسك ,,, او تعتزلين العالم علشان شكلك

    كل وحدة متزوجة ,,, تتوقع انها تحمل في اي وقت ,,, سواءا كانت توها متزوجة او عمرها فوق الاربعين

    لكن تحاول تبذل السبب باتباع طرق تنظيم الحمل ,,, اللي مافيهم ولا طريقة مضمونة 100%

    وعلى فكرة ,,,, انا عندي 3 اطفال الله يبارك لي فيهم ويحفظهم
    والفرق بينهم 3 سنوات الى ستنين وثمان اشهر
    والحمد لله ماني حاسة باي ثقل في تربيتهم بالعكس ماليين على البيت
    ولا ني مقصرة في حق نفسي ولا حق احد

    صحيح اني في بعض الاحيان تجيني نوبات انفعال ,,, لكن الامر طبيعي وعادي

    وعلى فكرة ,,, الوحدة منا ماتدري وش اللي يصير عليها واللي الله كاتبة لها

    فيمكن انك تحملين بعد ماتوليد حملك هذا على طول ,,,
    او
    يمكن الله يقدرلك انك ماتحملين غيرة
    او
    يمكن الله يرزقك بحمل توئم او اكثر
    او
    تحملين وانتي عمرك اربعين سنة او اكثر
    او
    تحمليت بعد مابنتك تتزوج ,,,ويكون ولدك او بنتك اصغر من عيال اختة

    فكل الاحتمالات واردة ,,, والله وحدة مقسم الارزاق وادرى بعبادة

    فاذا كان الحمل والولادة و الرضاعة و تربية الاولاد ,,, ماهم عاجبينك ,,,

    فنصيحتي لك انك تستغفري ربك وتحمدية على النعمة ,,, فالله قادر على كل شيئ

    وعلى فكرة من فترة التقيت بوحدة قريبتي وماتصدقين اذا قلت لك ان عيالها 5 ماشاء الله وكلهم مافي فرق بين الحمل والثاني الا 3 اشهر
    وماشاء الله عليها ,,,, عيالها على طول معاها ,,, وماتسمعين لهم صوت وقمة في الادب والاخلاق ,,,, وحتى هي مهتمة بحالها وعلى الرغم من انها حامل الا انها لا بسة احلى واشيك جلابية و قاصة شعرها ومكياج وعدسات
    الله يهنيها و يتمم عليها ,,,,,,,,,,,,,,,,يارب

    على فكرة يمكن يكون كلامي قاسي عليك ,,, لكنة في مصلحتك
    لان الدنيا ماتجي على هوانا

    والله يهون عليك حملك ويسهل لك ولادتك ويرزقك بالذرية الصالحة ذكور واناث
    ويرزقك برهم

    الهم امين

    اختك في الله
    دوناتة
  4. @hal_1

    الله المستعااااااااااااااااان....

    ناس تتمنى وناس تتهنى.؟؟؟؟؟؟؟؟؟؟؟؟؟؟؟؟؟؟؟؟
  5. @gold_star

    كلامك صحيح بالنسبه للي عمرها صغير كلش يعني تحت العشرين او بدايته

    و الي تحمل مادام امها موجوده اريح لها لان فيه احد يساعدها شوي في الحمل والولادة انا طبعا امي توفت قبل لا اتزوج بسنة والصراحه حسيت بحاجتها الحين لان مافي من يساعدني..الله يخلي لكم امهاتكم ويطول اعمارهم يارب..فالظروف الزينه ماتتوفر دائما


    وطبعا مو كل وحده تقدر تنتظر سنوات لما تحمل بالثاني لان فيه ناس ماحملوا الا عقب سنين من الزواج وكبروا ..وفيه ناس تزوجوا على كبر ..والحمل على كبر صعب و فيه مشاكل ..فيحملون فوق بعض ..

    يعني ماندري في الناس وظروفهم ..و محد يبغى التعب والعذاب..

تابعي تجارب أخرى من هذا القسم.