بسم الله الرحمن الرحيم
بنات بغيتكم بأستشارة عاجله جدا
انا عندي ولد عمره 5 سنوات
الطفل هذا من حملي فيه اتضح انه معاه ضمور في العضم
بطرفة الايمن
الحمدالله على كل حال
المشكلة مو هنا
هو مركب طرف صناعي زي العامود برجلة ونربطه باحزمة ويمشي فيه ولله الحمد يطلع درج ينزل درج بس يتألم اكيد لان الطرف غير مريح
هو يتابع بمستشفى الملك فيصل التخصصي وقالوا هذا الجهاز الوحيد اللي يناسبة
نهاية الموضوع
نفسي ادخله تمهيدي
وهو متحمس كثير للمدرسة اجتماعي حبيبي الله يحفظة ويحب اللعب والوناسة
رحت فية لاقرب مدرسة عند بيتي
اهلية فيها بناتي المدرسة هذي ممتازة مع بناتي كتعليم ورعاية
لكن في حاله ولدي مدري ...
هل تتوقعون بينتبهون له ؟؟
كلمت المديرة وقالت لي بنكون فصل مخصوص عشانة بانه يكون الاطفال بصفة هاديين واغلبهم بنات ونسبة قليله جدا اولاد عشان مايتعرض للعنف
انا كل خوفي
انه يتعرض للضرب او يدفونة الاطفال
او يطيح من الزحليقة او او او مية فكرة براسي شينة
شوروا علي ادخله السنه هذي
ولا انتظر شوي لمن يكبر
ولا استعجل عليه
شاركي في النقاش
سجلي الدخول لإضافة تعليق.
التعليقات
6- [الله يحفظه لك ويشفيه
استخيري قبل كل شي
وخصصي دادا تهتم فيه حتى لو تزيدينها فلوس
وحصنيه دايم واستودعيه الله
شفت حالات اصعب من ولدك وماشاء الله تبارك الله اهاليهم يرسلونهم لحالهم من غير شغالة حتى الرحلات مايتغيبون عنها
اختلاطهم بأقرانهم من الأطفال يرفع معنوياتهم للأفضل
وبالتوفيق يارب/B] - الله يكون بعونك المشكلة مثل طفلك والمعاقين الحركين مالهم اي اهتمام خلي الشغاله تروح معه هذا اقرب حل
- للا سف دخلته وداومنا 10 ايام وطلعته
عنف كبير وقت اللعب والمدرسات لاهيات سوالف وضحك
ووقت الحصص كمان عنف
ولاعرف يتعامل معهم
رحت لجمعية المعاقين
قالوا لي في مدارس تقبل هالحالات ويسمونه دمج
مدري وين الممدارس اللي فيها دمج بالرياض عندكم اي معلومة ؟؟ - الله يشفى ابنك ويعافيه
اختى اذا ابنك سليم عقليا حرام تدخليه دمج لان الدمج عندنا هو فصل خاص بذوى الاعاقه وفى الغالب عقليا كصعوبات التعلم
او غيرها
لاكن الدروس غير عن الاطفال الباقين اقل من عمره العقلى
استخيرى الله واستودعيه الله وحاولى تبحثى عن مدرسه نموذجيه فى كل شى راح تلقى اهتماام باذن الله
هو مصيره بيروح ابتدائى ويتختلط بالاولاد
واذا تبين تعرفى اماكن الدمج اسئلى مكتب الاشراف التربوى بيدلوك
الله يشفيه - الله يشفي ابنك ويشفي بنتي وجميع مرضى المسلمين والله اختي عندها بنت مكفوفه ومدخلتها بمدارس الدمج والله ان مدرستها عسل ما شالله عليها لدرجه انها تنتبه لها هي والبنات الي معها بالفصل بس كلهن مثل حالتها عاد انتي شوفي احسن مدرسه وحطي ابنك عندها او مدرسه اهليه وتروحين معاه او شغاله اذا موجوده
مواضيع مشابهة
تابعي تجارب أخرى من هذا القسم.