!₪∫ ∫ ∫ ∫ ∫.» سَذاجة صِغارٌ ... خَلّفها الِكَبارْ .. «.∫ ∫ ∫ ∫ ₪≝

السلام عليكم ورحمة الله...


موضوع جداا مفيد.. اشكرك غاليتي آنين على طرحه ويجزاك الرحمن الف جزاء


عندي مشكله اتعبتني ...

توني جايه من الاجازه والحمدلله على شوفه اهلي وهم بخير وكل عزيز علي..

عندي طفلين صغار الكبير ٤ سنوات والصغير سنتين

مشكلتي تتكرر كل صيف،،

هي اخذ طبائع وتصرفات اطفال العائله او اطفال صديقاتي
من الضرب والشتم والعصبيه والعناد وكله كله والتمرد على الام كوم ثاني،،
افقد اعصابي وافقد السيطره عليهم،.

اشيل هم الاجازه لاني اولادي يتغيرون للاسواء

طبعا انا من النوع الي ماأحب اعطيهم شكولاتات باستمرار او بطاطس وغيره من السكريات
والاهم الغازيات مايشربونها ابدااا

واذا اعطيهم حلويات وغيرها يكون مره وحده باليوم او باليومين

البقالات والطلبات ماعندي ولا يعرفون لهاا

حوش اهلي ماحبهم يطلعون فيه من غير مراقبتي واذا طلعو وقت معين

الحدائق والاسواق اكيد معي انا او ابوهم او جدتهم
لان اطفالنا عادي يطلعون مع احد من الاخوان او مع خواتي والاطفال كثير ولا ارتاح كذا الا انا معهم .. لاقدر الله ضياع او غيره

والكل للآسف واقف ضدي ويقولون خليهم يعتمدون على انفسهم،، واتركيهم بدون أوامر او عقاب


وشي ثاني تعبت نفسيتي منه وهم الضرب،، عيالي مايضربون الاطفال واطفال العائله يضربونهم ويعتدون عليهم باخذ الالعاب منهم ،،،

انا بالبدايه كنت اقول لهم لاتطقون الي يطقكم روحو لماما الكبيره واشتكو>>قصدي ماماتي

ولما شفت ان عيالي يبكون حتى من الاصغر منهم ولا يعرفون يدافعون على انفسهم ،،ويبكون من اقل شي

مليت وتركتهم يضربون ويدافعون ،، وياقلبي عليه ولدي الكبير الي يخطي عليه او علي اخوه صار يطقه وهو خاايف
ويجري لي او لام المطقوق ويخبرها بالسالفه..


هذي مشكلتي العويصه،،مع الاختصار وذكر الاهم



ارتاح لما ارجع لبيتي لانهم خلاص يبدئون يعرفون انه مافيه الا انا وابوهم وسيطرتنا عليهم
والحضانه فقط

ارجع اربيهم من جديد وابداء بالعقاب الصارم والحرمان لكن يأخذ وقت طويل ومتعب

الان يبون بيبسي وتشبسات وايس كريم،، غير الطق والصراخ مع بعض والاعتداء بدون اسباب

والصراخ علي او على ابوهم وكل دقيقه يقولون كلمي بقاله ونعطيه فلوووس >> عن جد توهم يعرفون البقالات والفلوس هههه

هذي هي مشكلتي ...لكن الي ابي اسأل يابنات

بعد سنتين خلاص برجع من الغربه بأذن الكريم ،،

وراح استقر خلاص ،،،،
لكن شايله هم تربيتهم مع الاطفال وشلون راح اكون معاهم والي حولهم يناقضون تربيتي
وهم انفسهم راح يشوفون الفرق ):

مشكلتي وطرحتها بعد اذنك عزيزتي انين ،، نصائحكم لي عسولات

واكرر شكري لك على موضوعك القيم ...  

سؤال مهم عزيزاتي هل تشوفون تربيتي لهم سذاجه او براءة اطفال
تعبت منهم ومن التربيه الصالحه وبعدها التربيه المرتده ..اسميها.. لاني ترتد علي باسواء