مستشفى احمد ابانمي والولادة الايام هاذي

السلام عليكم ورحمة الله وبركاته

كيفكم بنات

بنات قريت كثير عن مستشفى احمد ابانمي بس كلها مواضيع قديمه

وفيه اللي يمدح وفيه اللي يسب

لكن لاحظت اكثر اللي يمدحون يكونون محولين عن طريق قوى الامن او قيصري

المستشفى جنب بيتي وانا بكريه وودي اولد فيه

تنصحون فيه او لا وياريت احد يكتب لنا اخر التجارب لان الكل عارف المستشفى جديد وماادري عن الدكتورات ايت افضلهم الموجودين حاليا

واذا ماتنصحون فيه بروح مستشفى دله بس انا بالشهر الثامن هل يقبلون يولدوني اذا شرطت عليهم دكتورة معينه زي ممتازة مثلا ولا كيف


الله يجزاكم خير لاتبخلون علي بنصيحه

10 تعليق 33,085 مشاهدة

شاركي في النقاش

سجلي الدخول لإضافة تعليق.

التعليقات

10
  1. اختي توها والده فيه قبل شهرين
    ماتسبهم تقول كويسين
    بس انا اشوف فيهم عيوب
    اولها مايسمحون احد يدخل معك قسم الولاده
    لا ام لا اخت لا زوج
    ثانيا
    بعد الولاده تنتظرين ساعتين بعدين تكشف عليك الدكتوره كشف داخلي ضروري <<< لو أنا كان هجيت
    وخلال هالساعتين لو تموتين مايدخلون احد من اهلك
    الاقامه عندهم ليله وحده
    وقبل تطلعين لازم كشف داخلي << اطب من الشباك ولا اخليها تكشف :(
    اختي مو تأمين ولا تحويل
    ع حسابها واظن ب4500
    امممم وش بعد
    البيبي بعد الساعه 10 او 11 ماعاد يطلعونه من الحضانه
    ولبس البيبي سيء ومو نظيف
    امممممم
    اكلهم حلووو شفته عند اختي وتمدحه
    وبسسسس
    الله يهون علي وعليك
  2. @kshksh_frfsh

    هلا حبيبتي حبيت افيدك انا شخصيا والدة فية وكنت محولة من مستشفى قوى الامن عن تجربتي جدااااا رائعين روحي وانتي مغمضة بس الافضل استخيري لاني كنت اراجع بدلة ووقت الولادة استرخت ولا ارتحت ورحت لقوى الامن وحولوني لاحمد ابانمي اولا اخلاقهم جميلة ثانيا اللي تولدك استشارية مو قابلة ثالثا خياطهم رائع مرة كويس من برا وجوا ويسكرونك عدل البيبي عنايتهم فية رائعة بس عيبهم النظافة لازم تناديهم انتي ينظفون المكان واي استفسار انا حاضرة اتمنى اكون افدك
  3. انا لي عشر ايام والده فيه المستشفي حليو ماعليه كنت اراجع في التاسع عند الدكتوره مي ابو صفيه الممرضات انفسهن عسل الدكتوره اللي ولدتني زينه فلبينيه والتساهيل من رب العالمين بس الوحده تبي نفس طيبه و تقعدين ساعتين بعد الولاده تحت الملاحظه يخافون من النزيف ولازم الله يعزك تبولين وعلى مااعتقد كل المستشفيات كذا لكن العيب انه مايدخل عندك احد من اهلك بهالساعتين والطفل يهتمون بملابسه بالعكس اكلهم حلو والاقامه من قال يوم لا انا جلست عندهم يومين ب 4200 واي استفسار انا حاضره
  4. بالنسبه للكشف الداخلي لابد منه والنظافه باليوم مرتين تمر حقت الزباله والتمسيح تجي الصباح وتمسح كل الغرفه
  5. الله يتمم حملك ويسعد قلبك .. ويهون عليك ولادتك
    انا جربت الولاده عندهم وتجربتي كانت رائعه وما عندي مشكله اعيد التجربة عندهم باذن الله
    ومع اني ولدت برمضان والظهر وكان وقت صيام وكنت خايفه ان انفسهم تكون خايسه علشانهم صايمين
    بالعكس والله انفسهم حلوه والصراحه وقت الولاده ما جتني الدكتورة مي لا ولدتني فلبينيه
    بالنسبة للاقامه ليله وحده ... 4500 ...بالنسبة للبيبي يمنعون انه يطلع من الحضانه بعد 10 بالليل
    بالعكس اريح لي ..اذكر انه الاضاءه بالغرفه تعطلت وغيروا لي الغرفه على طول ..
    اممم تنظيف الغرفه مرتين تقريبا خلال اليوم ..ملابس البيبي انا اعطيتهم ملابس من عندي ..
    يعطونك موعد بعد اسبوع من الولاده رحت ليله العيد ودخلت على استشاريه سعوديه ما اعجبتني ابدا ..
    الخياطه ما ادري لي شهر الان وممكن تبحثين عن قصه ولادتي كتبتها هنا ..

تابعي تجارب أخرى من هذا القسم.