!₪∫ ∫ ∫ ∫ ∫.» سَذاجة صِغارٌ ... خَلّفها الِكَبارْ .. «.∫ ∫ ∫ ∫ ₪≝

صباح الخير هلا بكل الأخوات الكريمات الي شرفوني بالمرور وبالقراءة
ربي يسعدكم ويخليكم ويخلي لكم أولادكم ..
دخول سريع لعدم توفر اتصال ثابت وبإذن الله لي عودة لكن في حال تحسن الظروف
قلبت الصفحات ومريت ع الردود ع عجل وتقريبا الكل اجتمع على كيفية بناء شخصية الطفل وفطنته >> هذا الي لاحظته
بالاول ياغاليات ضروري تكون مساحة بينك وبين ابنك وهالمساحة اقصدها مساحة صداقة ومشاركة
يعني لا تتوقعي طفلك تكون عنده ثقة بنفسه او يتنبه لخطر ممكن يؤذيه اذا انت ما بنيتي هالثقة ودعمتيها
او اعطيته صور عن بعض مايدور خلف الجدران اي في وسط الشارع والمحيط
فيجب اعطاءه فرص المشاركة اوالتعبير والانطلاق بسرد مجريات يومه وانت تسمعينه وتتفاعلين معه
او المشاكل الي تصير معك لازم يعرفها الطفل ولازم يتعرف على كيفية خروجك منها اقل مشكلة فالبيت لازم توصل للطفل و
تكون بشكل حوار واخذ وعطاء وباسلوب مبسط وغير مباشر و بنفسية مرتاحة منك بحيث ما يحس ان هالمشكلة أثرت عليك
عشان ما يتوصله شعور الخوف ويكون بدل مانكحلها نعميها وهنا يكون بحسب عمر الطفل
وطبعا ماتحكيله المشكلة وتخلينها بدون حل لازم يعرف هو كيف انهيتها صح عشان يتعلم منك
تاني شي عودوا اولادكم مايتنازلون عن حقوقهم الا برضا ومو اي رضا هالرضا لازم يكون له اسبابه
مثلا الاحظ كثير من الامهات تجبر الاخ الكبر بانه يعطي لعبته لاخوه الصغير مجبرا وهذا اكبر غلط ا
ولا هنا تلغين فيها شخصية ولدك الكبير وحقه في رفض هالشي
فهنا تعلمين ولدك انه يتنازل عن اشياءه وخصوصياته بسهولة فإذا كان اليوم لعبة فتوقعي بكرا يفرط في أشياءه الثمينة
بدون مايبالي لانه تعود كذا حتى لو مااحد طلب منه
فلازم تسألينه هل إنت حاب تعطيه هيا اذا قبل فيه الخير أما إن رفض خليه يبرر رفضه وتحاوري مه عن سبب هالرفض
اذا مااقتنع اتركي الأمر له بدون ماتفرضين عليه اي شي
في شي تاني والي هو بعيد عن مجتمعنا الا هو ثقافة الطفل حتى في اتفه الامور
اشوف اولاد 12 سنة لو القيتي عليهم السلام مايعرفوا يردوا لانهم مايعرفوا بإيش يردوا !!
اركان دينهم مايعرفوها طريقة صلاتهم غلط ويبلغوا وبرضو يصلوا غلط الورد اولاذكار ماعمرهم سمعوا عنها
مايعرفوا يعتنوا بأنفسهم ولا بنظافتهم وهنا ما أتكلم عن الأطفال الصغار اقصد بها الموضوع من هو في مرحلة التأسيس
والي تستمر معهم تصرفات أشبه بالسذاجة إلى مرحلة البلوغ وهنا صعب يتعلموا !!
وكمان الاحاديث العامة سوا مع الاكل او اجتماع الاسرة ممكن تزيد من ثقافة الطفل وتوعيه
وامر آخر الي هو جسم الولد والبنت ياليت ننبه اولادنا ان اي عضو في جسمهم ملك لهم محد يشوفه ولا يلمسه مين مايكون ..
ويكون التنبيه ما فيه صيغة التخويف يعني يكون كلام عابر لاتخلي الموضوع مشكلة او تحسسي الطفل
ان مرعب عشان الطفل يقدر يتكلم لو صار معه موقف بهالخصوص والا لو حس بكبر حجم الأمر راح يخاف يتكلم
هذا شوي من الي يحضرني الحين وإن شاء الله ارجع مجدداً
بس تأكدوا ان موضوع التخلص من سذاجة الصغار ما يحتاج الا بعض التوعية بدون تخويف وترهيب عشان ماينفروا من أنفسيهم ومن المجتمع
والموضوع للكل عزيزياتي والي حابة تضيف شي حياها الله

هلا بك اختي ملاحظتك في محلها ومثل ماقلتي ما نعمم بس الغالب ومن وجهة نظري افسرها انو هالبسيطين دايما يكونوا ببال طويل وطاقة صبر
وصدر وسيع وما يحملوا انفسهم التكلف والضغوطات الي يتحملها المتعلم و هالاشياء بعض من البساطة إن ماكانت مجملها
رغم ان الضغط على البسيطين يكون اكبر والتعامل مع اولادهم اصعب ولو لاحظنا آبائنا وأمهاتنا واجدادانا ماشالوا هم التربية مثلنا
وتبارك الله نادر مانسمع بمشاكل او مصائب جت من الابن
الامر الثاني كانوا يلجأوا لله دايما وكانت كل الحلول لمشاكلهم هو الدعاء لأولادهم بالهداية والصلاح والحين ومع كل هالتطور والأخصائيين نعجز في حل مشكلة الولد !!
ودايما المتعلمين يقيسوا اولادهم بالنماذج المثالية الي مرت عليهم في حياتهم ويقطعوا انفسهم عشان يصيروا اولادهم يكونوا مثلهم بدون مايلتفتوا للجوانب الثانية الحلوة فيهم
والي ممكن تخليهم افضل من الصورة الي راسمها له الاب فهنا الاب يضغط على الابن من جهة وحدة مثل ماهو يريد وتارك الباقي مثل ماهو
فمستحيل الولد يبدع في شي هو مايحبه او شي فرضه ابوه عليه
وممكن يكون انشغال هالمتعليمن بتنمية انفسهم وتطويرها عن اولادها سبب في تراجع مستوى ذكاء ابنائهم بينما البسيطين يكون اكبر همهم الاسرة والاولاد ..
والتكنولجيا كمان لها دور الآن في تراجع مستوى الذكاء لان الطفل صار يقضي وقته ع النت والبلاي ستيشن والقيم بوي وهالاشياء تقفل العقل ماتفتحه
وكمان دايما البسيط يكون مكافح ويعلم اولاده الكفاح وما يحصل على الي الي يبغاه الا بتعبه ومجهوده
حتى المعلومة يتعب لحد مايلاقيها عكس اولادنا يبغوا كل شي بالسهل بدون مايتعبوا وكل شي متوفر لهم وفي متناول ايدينهم وليته يرضيهم !

الله يجزاك الجنه ووالديك بجد موضوع مهم جدا
ولاننسى اهميه الورد واستودعيهم ربك سبحانه قبل كل شي
المشكله انك بالبيت تكونين مسيطره تمام ومجرد خروجهم ينفلتون ولا كانك قلتي شي من شوي اااه بنتي الله يصلحها لو شافتني ابكي في البيت ونروح لامي علطول امي صاحت ذاك الامس
(ماتنسى لو من اسبوع)واي نصيحه تعبت فيها خلااااص ماسحتها من قاموسها