زميلتي اللي ارسلت صورها لزوجي!!!!!!!!اعطوني رايكم بسرعه؟؟؟

وزوجك وش له دخل يختبرها ؟


قطعي علاقتك فيها

انبهي من زوجك الصررراحه والله يخوووف ترى الرجال مالهم امان وبعدين زوجك حركته مو صاحيه يالحلوه اسبوعين وهو يتراسل معها اختي بليز فتحي عينك لزوججك زين لا مايبيك تروحين انتي خييييييييييييييييير ان شاء الله مين اللي غلط انتي ولا هالحقيره روحي وانت مرفوعه الراس يابنت الرجال ماسويتي شي

نفس الكلام لو كنت مكانك كان انهبلت من القهر

السلام عليكم,,,
اشكر كل البنات اللي شاركوا واخص اللي اعطوني الراي السديد..
بالنسبه للي قالوا انو الغلط هذا من زوجي..
اقولهـــــم....
انا ماذكرت لكم القصه بالتفصيل لاني
ماكنت ابي اشكي كنت بستشيركم بالوضع الحالي..
بس بما اني شفت الهجوم على زوجي والوقف مع البنت على قوة الحركة اللي سوتها..
اظطريت اشرح لكم شي بسيط عن الموضوع..
البنت ارسلت رساله عاديه وطبعا انا قريت الرساله وعرفت انها من البنت هذي طبعا ماقلت لزوجي سكت ..
من بكره العصر ارسل زوجي رساله كتب
شكرا على المسج بس ماعرفتك منو انت؟؟
ردت هي الساعه وحده بالليل وكان زوجي نايم انا فلانه ياويلي من فلانه اللي هي انا بتذبحني..
طنش زوجي الموضوع ودقت علي وقالت ان الرساله راحت بالخطا سويت تحديد للكل
وراحت لزوجك قلت اوكي..
الليله الثانيه ارسلت لزوجي ثلاث رسايل
كلها من بعد الساعه 2 بالليل
اول وحده يسعد صبااااحوا
ووحده يسعد صباح ناس عزهم قلبي من بين الخلايق
الله يجعل مزاجهم على هالصبح رايق..
والرساله الثالثه نفس الشي بس طويله
زوجي لقى الرسايل الصبح وهو رايح للدوام...
الساعه ثمان الصبح ارسلت الرساله الرابعه
قلت انا حابه يكون بيننا تواصل بالرسايل وزوجي عنده عادي بس انت زوجتك عادي عندها..
زوجي يقول بوقتها قلت خليني اكشفها وش اللي تبيه بالضبط علاقه من اي نوع
وهل هي تفكر تسوي شي لي او لعيالي او لسمعتي
يقول ابعرف وش المقصد من وراء الحركات هذي علشان انتبه منها وانبهك منها
وخصوصا انه ملاحظ عليها من قبل بس ماقال..
رد وقال زوجتي عادي عندها وبدات سوالف
وزوجي والله ماكان يعطيها وجه وكان اسلوبه جاف وكل عشر رسايل منها يرد برساله..
بعده باربع ايام قال ابي صورك عادي
قلت اي عادي وترسل الرساله الاولى خمس صور
وكل يوم ترسل صوره صورتين..
زوجي بعد الصور ارسل لها رساله وقال
اتمنى الرسايل اللي صارت ماحد يشوفها
وانا ابدا ماتوقعتك انسانه بهالحقاره
ووحده خاينه بهالسهوله خنتي امانة زوجك والعشره اللي بينكم
وقال انو الله اللي بيحاسبك على الشي اللي تسوينه من وراء زوجك
واسمحيلي انو زوجتي مستحيل اسمح لها تمشي معك لانك انتي مو مراءه ولا كفو للثقه..
طلبته انو مايقولي وانو يستر عليها وهذي نزوه ومن هالكلام...
قال عموما انا طالع اجازة شهر واتمنى
منك ماتزعجيني وتحذفين رقمي وخففي علاقتك بزوجتي...
طبعا طلعنا لمنطقة اهلنا وبقى رمز القفل
اسبوع لاني قلت لكم حط رمز مدة اسبوعين
كان مايبي يقول لي الى اذا انتهت الزواجات اللي عندنا
يقول خفت تتعبين نفسيا ويبين عليك
بعد مانتهت الزواجات جاء وصارحني باللي صار...
وانا اقول الحمدلله انو زوجي طلعها لي على حقيقتها
لاني تذكرت نصايحها لي خراب مو نصايح
من ضمن نصايحها تقول اذا رحتي تقضين للبيت قضي بــ800 او 1000
والاواني مو كل يوم تغسلينها كل ثلاث ايام مره...
وخليه يجيب عامل ينظف البيت ..
وانا والله تاثرت بكلامها الله يخلف علي..
وخوذي منه مصروف حتى لو ان مضغوط
خوذي بالغصب اقل شي500!!


هذي نبذه بسيطه للي هاجموا زوجي
وزوجي والله طيب وعلى نياته ماعنده لف ودوران..


انا اللحين عندي طلب للي قالوا اقطعي
علاقتك فيها وفي زميلاتك

كيف وش ارد عليهم والله اليوم احراج
يتصلون يقولون ليش غيرتوا رايكم
كذا قال زوجي والله زوجتي متفقه مع وحده
على طلعه من الاسبوع اللي فات وتوها تقولي..
يعني الاسبوع هذا ارتبطنا مع ناس..
بس زوجة واحد منهم اتصلت علي وقالت بناجل الطلعه علشان تحضرين قلت لا
اطلعوا وحنا نطلع مره ثانيه
خيرها بغيرها
قالت خلاص يوم السبت اجازه وبنطلع
سوا مالك عذر اشتقنا للمه والوناسه
ماعرفت وش ارد عليها قلت اشوف
اذا حسيت نفسي نشيطه طلعت
انحرجت مو عارف وش اتعذر فيه هم كل
خميس يتصلون ويقولون بنطلع خصوصا
انهم مع زوجي طول ايام الاسبوع يعني
مدري كيف بنقطع علاقتنا فيهم؟؟؟

ياليت تشيرون علي برد مقنع؟؟