هلا اختي دارين
ان شاء الله تكون امورك تمام دحين
حبيبتي انا يمكن اضافتي ماراح تكون زياده على اخواتي الفاضلات .... وبصراحه انا ماقريت كل الردود ...
بس حبيت اكتب لك نصيحه من كل قلبي ...
اولا يا عزيزتي كلنا نمر بحالات كسل وتعب وملل من الروتين اليومي للتنظيف ... بس حتى و الوحده طفشانه مننا وما نظفت بيتها بتطفش اكثر ...
نظافة البيت تغير في النفسيه 180 درجه وانتي عارفه هذا الشي
قبل كل شي ان الله لا يغير ما بقوم حتى يغيروا ما بانفسهم .... فيه فرق بين شي انتي تطمحين انك توصلين له وبين شي تتمنين فقط لمجرد الامنيه من دون اي مجهود ....
يعني انتي تبغي التغيير ... ياللا من دحين قومي سوي اي شي في بيتك ... وانا اقول لك مستحيل نظافة بيتك على اللي انتي تقولي عنه وحالة الكسل اللي انتي فيها حيجيبه اسبوع بحاله ... فخديها حبه حبه ...
قبل اي شي طفي التي في والكمبيوتر والله هم اللي بيشغلوا الوحده عن بيتها ....لا تخلين اي شي يلهيك موجود عندك
ولا تشتغلين الا وانتي في قمة نشاطك ... صح انو الصباح فتره بركه .. بس مو شرط على بال ما تنظمين وقتك وبيتك ان شاء الله كل شي بينعدل معاك حتى قومتك بالصباح
لا تنسي الاذكار + كوني قريبه من الله .. الصلاه اهم شي لا تهمليها
اذا انتي في منطقه فيها عماله يشتغلو بالبيوت يكون احسن واحسن ... انا ما اقول لك انك تعتمدي عليهم على طول ولا حتى بنظافتهم اللي بينظفونها لك لو جبتيهم ..بس على الاقل يشيلو عنك الشغل الثقيل ويصير عليك بس الشغل اليومي ..
لو جبتي وحده اليوم تنظف لك خليها تشيل عنك كل شي ثقيل وما يبقى الا الخفيف اللي المفروض تسويه كل يوم ....بس النظافه العميقه والدعك والفرك خليه لها ... وانتي بعدها تبداين بدايه خفيفه ومو متعبه ... ومو شرط عاملات لو حتى عمال اهم شي احد يشيل عنك الثقيل ...
ابداي اول شي بالمطبخ ... ومو شرط بالمطبخ انتي سوي اللي انتي تشوفي انه بيريحك وانتي تحبي تبداي فيه...... ممكن غرفة النوم ...بس اهم شي انك تبداي بالغرف اللي تستخدميها انتي وزوجك وسيبي عرف الضيوف اخر شي ...
ابداي مثلا بالمطبخ خديها درج درج ... من مسح الدروج الى غسل الاواني ادا كانت وسخه .... مروحة الطرد والفرن كل شي بالمطبخ ... الله يعينك راح تطولي شويه بالمطبخ بس الغرض انك ما تخرجي من المطبخ الا وهو نظيف ... ومو شرط بنفس اليوم ممكن اليوم تاخدين ربع المطبخ مع مثلا كنس البيت كله ... يعني تقسمين شغل ونظافة مطبخك على مثلا 3 ايام ..((( ترى الشاطره ببيتها تخلصه بيوم بس قلت لك عشان حالة الكسل اللي انتي فيها ما حتقدري مره وحده عليه )))
واليوم التاني كملي المطبخ ((( انا اعطيك افكار انتي شوفي نفسك من النوع اللي ادا بديتي بشغله ما اتحبين تتركينها الا لما تخلصين كدا بيكون احسن وافضل ))
وخدي معاه مثلا الباقي من غرفة نومك من ترتيب ملابس + تصفيتها اللي للصدقه في كيس او شنطه + اللي للغسيل على سلة الغسيل + مسح الدولاب وتبخيره
التسريحه رتبيها وامسحي الغرفه السرير والجدران والشبابيك وكل شي ...
الحمام كمان اذا مررره جيبي فلاش وعليه كلو ونظفيه ...
اذا تبغي اقول لك كل شي بالتفصي الممل من ناحية النظافه من عيوني بس حبيت اعطيك فكره عن المطلوب منك والمفروض تعمليه ..او حتى مواضيع للبنات هنا جدا روعه راح تفيدك
خلاصة الكلام انتي عودي نفسك انك ما تجلسي بمكان وسخ ...
وتخيلي انو في ناس جو عندك بهذا المنظر ... وش راح يكون موقفك انتي راح تتحملين كلامهم والا نظراتهم ..
اصلا ماراح ياكلو من عندك شي بيتقرفوا منك ... اسمحيلي بهالكلام
وكمان اذا ميزانيتك تسمح اشتري لك اجهزه كهربائيه ((( غسالة صحون+ غسالة ملابس اتوماتيك ))
ان شاء الله تطمنينا باشياء تفرح وتكونين للافضلل يارب
كل الي حولي منصدم من منزلي ونظافته بتعرفون شنو اقصد اجل تعالو هني[اخذ حقه من النقاش]
متابعة النقاش، صفحة 47