الله يوفق الي تساعدني .

أخواتي الحبيبات .
أنا عندي تشوهات في جسمي . في منطقة الظهر والأكتاف والصدر .
زي الندبات . مشوهتني تماما .
جربت مره حطيت عليها لزقات عاديه الي تنطبع بالماء . وطلعت تجنن . اختفت تمام . وحضرت زواج وكنت لابسه فستان مفتوح . وما كنت حاسه بأي مشكله ولله الحمد .
لكن اللزقة مدتها يومين بالكثير وتروح .
أنا أبحث عن شي يدوم معي فتره أطول . لا تفهمنوي غلط . مو قصدي وشم ولا تاتو . لأني أعرف أنه حرام .
لكن شي يدوم على الأقل فترة أطول من يومين . وممكن أجددها بسهوله بنفسي في البيت .

الي تعرف ياريت تساعدني الله يوفقكم .
جزاكم الله خير .

5 تعليق 822 مشاهدة

شاركي في النقاش

سجلي الدخول لإضافة تعليق.

التعليقات

5
  1. @mog_althkryat_1

    اختي ماني فاهمه ويش هي اللصقات وايش مفعولها ومن وين تشترينها وضحي لنا اول مره اسمع بهالشي
    الندبات ماحاولتي تعالجينها عند طبيب
    الله يشفيك شفاء عاجلا غير اجل
  2. @naseem_ali

    صاحبة الموضوع
    اللزقات هذه عباره عن رسمات . أي رسمه . مثلا ورده أو نجمه أو أشكال هندسيه .
    أطبعها على جسمي فوق المكان المتشوه .أحط الورقة الي عليها الرسمه على المكان المصاب . وبعدين أبلل القطنه بالماء وأحطها فوق الورقه . تقوم الرسمه تنطبع على جسمي . وأشيل الورقه شوي شوي . يطلع شكلها حلو . زي كأني مسويه وشم .
    فهمتوني ؟؟؟
    دفتر كامل ينباع في محلات أبو ريالين . جابته لي بنت أختي من جده .
    لكن هذه الرسمه تجلس معاكي يوم أو يومين وبعدين تروح . مع الاستحمام أو العرق . تروح .

    فأنا أبحث عن شئ مثله . بس يكون مفعوله أطول .
    فكرت بالحناء . بس صعبه مين بيسويلي حنه في ظهري ؟؟
    كل شويه بروح عند محنيه أو نقاشه صعبه .
    بعدين حتى الحنه تروح بسرعه .

    طبعا أكيد أنا حاولت أتعالج . بس للأسف مافي أي نتيجه .
    يا ستي مو مشكله ... هالجسد مسيره بياكله الدود . ما هو أكبر همي بصراحه .
    لكني أحيانا أحب ألبس مفتوح شوي . خاصة قدام زوجي . يعني . الوحده تشتهي تلبس ملابس كمها قصير أو ظهرها مفتوح شوي .

تابعي تجارب أخرى من هذا القسم.