بسم الله الرحمن الرحيم
سمعت سالفة عن وحدة تقرب لنا ضيقت صدري
هي قريبة لي من الرضاع وابوي محرم لها المهم راحوا اهلي عندهم امي وابوي واخوي المتزوج واخوي الي ما تزوج يمكن عمره 24 سنة تخيلوا دخلت عليهم هذي وعليها بنطلون جنز ضيق مره تتمايل فيه..
اخواني وابوي تقول امي نزلوا روسهم!!
لو كانت من ديرة ثانية كان هانت بس هي من قرى نجد الي معروف عنهم الشدة !!
ولا تقولون مراهقة هي مطلقة وعمرها بنصف الاربعينات او اكثر!!
وعادي قاعدة تصب القهوة وما جابت خبراحد!! :(
فجلست افكر معقولة فيه ناس تستهين بعورتها عند محارمها ؟؟
وبهالزمن صارت الوحدة تخاف على نفسها حتى من محارمها.. :30:
هل عادي عندكم هالشي وانا الي متشددة بس؟؟لاني من اروح لاهلي البس جلابيات او تنانير واسعة استحي من ابوي واخواني..
او تعتبرون هالموضوع عادي؟؟
شاركي في النقاش
سجلي الدخول لإضافة تعليق.
التعليقات
56- لا والله الستر زين.
الله يستر علينا وعليكم وكل مسلم - ماعرفت البناطيلل ولا العريان الا بعد الزواج لزوجي جتني فتره البس عريان لكن اللحين قررت اتركه
- مايعني محارم يعني ناخذ راحتنا امامهم الستر زين حتى لو قدام اخوك ابوك خالك عمك
صدق اني البس بناطيل قدامهم لكن عمري مالبستها ضيقه او فوقها بديات عاريه اذا قصر بيكون نص كم بس
والله اني اشوف مناظر تشيب الراس اعرف وحده تقربلنا الله يستر علينا وعليها كللللل لبسها قدام اخوانها فساتين عاريه ومفتوحة الصدر وقصيره والله ماابالغ كل لبسها كذا الي المفروض ماتلبسه المراه الا لزوجها بس ومو مراهقه ولاصغيره في السن عمرها فوق الثلاثين
ومره رحت عند وحده تقربلنا بعد والله لابسه لبس يفضح اكثر مما يستر واخوها ماشاء الله شاب فوق العشرين وامها قاعده وتضحك وعاجبها حال بناتها الله يهديهم بس المفروض هالامور مايستهونون فيها 
يا شيخه الله يسعد ايامك دائما مواضيعك هادفه وتصب في تهذيب النفس ما شاء الله عليك
حبيبتي عندي ملاحظه بس....
انتي ما انتي متشدده.........انتي صحححححح!!
انتي ما خرجتي عن المالوف والمفروض والواجب او غاليتي فيه
انتي صححححح
لكن الدور والباقي على المخالفين؟؟؟؟؟؟؟
انا نفسك مخليه كل الشخلعه لزوجي وعند اهلي البس مثلك
لدرجة اني اذا كنت رايحه مناسبه وكاشخه وطبعا اكيد بيكون في المساله ضيق ومفتوح وغيره
ومر احد اخواني وشافني ..... اخجل والله
بس تدرين وش الغلط في مثالك بعد؟؟!!!!!!!!
ان اللي لبست البنطلون المحززززق حرررمه في الاربعين؟؟؟
لكل سن لبسه واحترامه واناقته ونظرته؟!!
مومعناتها ان العولمه طغت في كل شي واولها اللبس اننا ننقاد لها كالراعي يقود القطيع؟!!!!!!
ترى لبس البنطلون وبالذات الضيق حرام الا امام الزوج وهذا كلام المشايخ مو كلامي :)
واللي تقول بنلبس عليه بلوزه طويله للركبه باقولها الى متى موضة البنجابي خخخخخ
بالعكس الموضه كل ما لها تضيق وتقصر؟؟!!!!! :30:
والله تساهلوا النساء في امر دينهم والحريم في المجالس صاير لبسهم يحزن؟!!
وترى الاناقه مو بالتعري او البنطلون ويا كثر اللي يلبسونها على غير سنع :D
خصوصا ان اجسام الخليجيات بالذات من الله تكوينها ما ينفع للبنطلون والعريان يطلع انواع السيلوليت والبقع ؟؟ :angry:
ويا ما بنات لابسين وقمممممه في الاناقه من غير بنطلون والا عريان فاصخ ماصخ؟؟
والادهى ان اللي ما يتعولم يعتبر متشدد!!!!!!!! :16:
طيب اهل العولمه هذول ليش ما هم يقلدونا؟؟؟ :27:
طولت....
المغزى ان اللبس الساتر نعمه من الله
ولكل لبس زمان ومكان!!!- انا صراحه ما البس جدام اهلي الا الشي المحتشم
مواضيع مشابهة
تابعي تجارب أخرى من هذا القسم.