ولد اخو زوجي بيدمر حياتنا لاحول ولاقوة الا بالله

السلام عليكم ورحمة الله وبركاته

بدون مقدمات بشكي لكم مشكلتي مع زوجي الي ماعرف واش اوصفه هي هباله فيه والا طيبه زايده عن الحد انا عن نفسي اشوفها هباله وعدم مسؤليه اليوم يابنات قال لي انه بيكفل ولد اخوه بمبلغ 90 الف ريال في سياره شراها وياليت يابنات ولد اخوه موظف والا له دخل لا عاطل فاشل عاق والدين والله والله الذي نفسي بيده ان هذا الولد يضرب امه ويتكلم عليها كلام تستحي يدي تكتبه كلام شوارع امه جاها مبلغ ضربها وضرب اخوانه وخذه بالقوه عشان يصرفه على اصحاب السؤ واهله مو راضين ياخذ سياره لانهم عارفين مصيرها مصير الي قبلها مره شرو له ب40الف سياره ثلاث شهور وعدمها باعوها 2000ريال بس ودباب شراه ب7000باعه بالف وزوجي الخبل راح اليوم يكفله وانا عارفه انه ماراح يسدد الى زوجي من وين له واهله حلفو مايدفعو له ريال قلت انت كذا تعصيه على اهله ونصحته يبعد عن الكفاله قال انتي حاسده وسبني ودخل الغرفه ونام وانا باموت من الحسره علينا ديون الله مولها قلت مانصدق نخلصها وبغى نشتري لو شقه هلكنا الاجار كل سنه يزيد الاجار وهو لاهمه انا الصراحه تعبت منه ومن اهله يستغلونه والله يابنات انهم يستغلونه في اشياء والله لو محتاجينها ماتكلمت لكن اشياء هم قادرين ياخذوها بس كذا حب استغلال عندهم اولهم اخته الله لايوفقها كل شهر كنها ضرتي تتصل تطلب اخرتها الشهر الي راح تطلب شريحه ويدفع لها اشتراك ببي وزوجها راتبه فوق 8000ماتطلبه تقل باقول لاخي يجيب لي تعلمني سلفتي تقل والله انها تحسدك على كل شي ودايم تكرر عندنا تقول ان زوجها يجمع فلوس بتشتري بيت ومستلازمتها هي وعيالها تقول الله يخلي اخواني بطلبهم والى بس يصرفو على زوجاتهم انا اولى من حريمهم شفتم الجشع والطمع والله ماكذبت عليكم بحرف في رمضان اشترا زوجي جوال جلكسي وشرا واحد ثاني كلفته فوق ثلاث الاف توقعو من اعطى الجوال الثاني اعطاه ولد اخوه ذا الي اقول لكم سالفته وانا قلت وانا وين هديتي قال بعدين الحين انا الي صابره المر معه وصابره على الدين وبعت ذهبي كله اول ماتزوجت عشان يشتري سياره وكل ماجاني مبلغ لو بسيط حطيته في يده ومهتمه فيه وصابره على اهله يجون والله اني اخدمهم ومايرتاحون الى عندي وهذي بشهادتهم اولهم ابوه وزوجته الحين هذا الجزاء انا بعدين واخر تفكيره وغيري لهم الاولويه عنده وياليت ولد اخوه ماعنده جوال الى عند بلاك بيري وجوال ثاني يروح يهديه جلكسي وانا لي شهور اطلبه يغير جوالي يقلي بعدين الحين ماهمني الجوال المصيبه هذا الدين الي ورطنا فيه الى متى بنقعد في الاجار وتسديد الديون لاحول ولاقوة الا بالله انا طقت روحي ومليت منه ومن اهله حسبي الله عليهم صابره المر والحين زعلان حضرته ويقول لي مالك شغل في حياتي اذا انا مالي شغل اجل ليه متزوجني يقول عشان تخدميني جرحني يابنات بذي الكلمه اااااااااااااه الحين الزوجه خدامه انصحوني يابنات واش اتصرف معه اذا صحي واش اقول له والله من الصدمه ماعد اعرف افكر والى واش اقول ساعدوني وادعولي يابنات مجروحه روحي وتنزف بدل الدم هم من الخلفه ومن تعامل اهله معي ومن كلامه وكلام اهله الجارح ودق بالكلام في كل مناسبه اخرها في العيد يوم فرحة المسلمين ابوه يقلي وانتي مافيه رجا عاد تجيبي ولو ولد واحد حسبي الله عليه جرحني قدام بنته وسلايفي ويعلم الله كم بكيت :icon33:

لاتنسوني من دعاكم يابنات الله لايكسر لكم خاطر ويفرج عني وعنكم همومنا يارب العالمين

ملاحظه بس يابنات عشان لاتفهموني اني بس مابغى يشتري لاهله شي لاوالله بس هو كل ماطلبه شي يقلي بعدين وماشوف شي قلت مديون وخلني اصبر وهذا الدين الجديد الي ماانزل الله به من سلطان لو لواحد يستاهل قلت ماعليه بيسدد هو دينه بس الولد عاطل مافيه وظيفه وعاق والدين هذا يستاهل بالله وانا صابره قلت يخلص ديونه والحين يوم قربت رجع يحط هذا الدين كله لاحول ولاقوة الا بالله

58 تعليق 8,382 مشاهدة

شاركي في النقاش

سجلي الدخول لإضافة تعليق.

التعليقات

57
  1. @alhadr_ahly

    حسبي الله ونعم الوكيل س نصيحه ياقلبي أسحبي منه فلوس ولو مالغ بسيطه خمسين عشره حتي لو ريال وجمعي وقولي له مديونه وطالبي بقيمة ذهبك واشتري ذهب ولاتحسسينه انك متضايقه من هبالة واذا قصر معاك لاتسامحينه تعاليه بطيب وقولي له بشكل بريء وبمزحه ماشاء الله اخن تقول زوجي يجمع عشان نشتري بيت وأغراضي أنا وعيالي على أخواني

    وأولا واخير الدعا ء بأن الله يسخره
  2. @hhh_5

    هاذي المشاكل كلها بسبب سلبيتك

    انا بداية الموضوع حزنت عليك

    بعدين لا والله ماحزنت

    فيه وحده عاقله تبيع ذهبها

    انتي الي رضيتي لنفسك انه تعطين زوجك

    واخته عودته انه يعطيها وحتى ولد اخوه بس انتي ماعودتيه الا على انه ياخذ منك

    لاتسكتين عن حقك مهما صار

    لو تقلبي الدنيا فوق تحت

    حلال زوجي ويروح لغيري مو حسد او شي بس على قد لحافكك مد رجليك ماله داعي الجولات وغيره

    الله يهديك بس ويسخر لك زوجك
  3. @mdad_altyf

    ماله وهو حر فيه وانت نصحتيه وجزاك الله خير ولا يعرف مصلحته لاتتدخلين فيه مع اهله لانه ماراح يسمع لك لكن حاولي توفرين في المصروف للزمن مايندرى ويش يصير والله يرزق الجميع
    النقطة الثانية اخبري امه او ابوه تنصحه كيف يحفظ ماله

تابعي تجارب أخرى من هذا القسم.