.•.°.•ஐ•||||•ஐ.•.°.• - منتديات عالم حواء

ماعطوك مسكنات ؟؟

ريما
مش معقول ياختي
شكلك ماسويتي التحريض ؟
على عالعموم اذا انتي توينزك اوزانهم قليله لاتستعجلين لكن لو كانت فوق الكيلوين ونص سوي تحريض

بنات في احد فيكم ولد في مستشفى قوى الامن ردو الله يسهل عليكم

لسلام عليكم يا بنات سامحونى مش عارفه ابدا ادخل من يوم ماولدت علشان احكي الاكشن عقبالكم كلكم ربنا يكملكم على خير ويفرحكم وتنشغلوا احلى مشغوليه في الحياه

انا يوم فجر الخميس واللى هو اول يزوم في التاسع كنا سهرانين انا وجوزى وماما واتعشينا متأخر الساعه 3 قريبا وبعدها قمت ادخل الحمام استعدادً للنوم لقيت بقع دم أحمررر رحت جررري على المستشفى على طابق الولاده زي مالدكتوره اتفقت معايا في اخر زياره كنت عندها حطولى جهاز التخطيط لقوا ان عندى طلق مع انى مكنتش حاسه بأى الم لدرجه ان ماما كانت فاكره انى يادوب كنت هكشف وأروح البيت معاهم تانى
وبما انى كنت عامله ربط لعنق الرحم مكنوش عارفين يقيسوا اتساع الرحم ومينفعش ينتظروا علشان الطلق مع الربط غلط
اتصلوا على الدكتوره قالت لهم يحضرونى للعمليات وطبعا كان لازم قيصري لان التوينز واحد منهم وضعه كان بالعرض

طبعا لحظات عدت عليا عمرى ماهنساها وقت دخولى غرفه العمليات وحقنه الظهر وسماع صوت الولد وهو بيعيط والبنت نزلت بعده بجد احلى لحظه عدت عليا في عمري كله انتظرتها كتير وربنا اكرمنى وشفتها

الولد نزل وزنه 2 كيلو و 200 جرام والبنت كيلو و 900 جدا صغيوره
الولد كان سكره منخفض وعلشان كده دخل الحضانه لكن البنت الحمد لله كانت كويسه ولله الحمد والولد استمر في الحضانه نص اليوم الاول تقريبا

العمليه اول يوم كانت متعبه جداا بس من تانى يوم بدأ الالم يقل شويه بشويه خصوصا ان من اول يوم على بليل خلونى اقوم امشي وادخل الحمام بس فعلا يا بنات نصيحه لوجه الله الحركه بعد العمليه مهمه جدا علشان تتعافي بسرعه والالم يخف لازم مهما تحسي بألم انكم تتحركوا وتمشوا حتى ولو في الغرفه بس يادوب للحمام وترجعى بس بلاش النوم المستمر في السرير

اما عن أسمائهم الولد سميته عمر والبنت فريده

متشكره جدا لكل اللى باركولى نفسي ارد عليكم واحده واحده ربنا مايحرمنى منكم

اه كمان انا كنت شاريه جميع الملابس من صفر ل 3 شهور طلعت كبيره عليهم وجوزى راح اشترى فانلات داخليه وسلوبتات نيوبورن

وهى دى كل القصه وان شاء الله اى سؤال انا معاكم وسامحونى لو أتاخرت في ارد بس فعلا التوينز مسئوليه وبتلاقي نفسك طوول اليوم وراكي 100 حاجه بس احلى 100 حاجه في الكون يارب متحرمش اى حد من الشعور ده وفرح قلب كل مشتاق