كان عندك موضوع متعسر (ووثقتي بالله و احسنتي الظن فيه) وربي جعل لك يسر فيه(قصصكم)

متابعة النقاش، صفحة 8

شاركي في النقاش

سجلي الدخول لإضافة تعليق.

التعليقات

50

  3. @lafontyn

    ومن يتوكل على الله فهو حسبه..قررررررررررررررررريب ببشركم وبكتب قصتي هني باذن الحي القيوم الي ماتنام عينه القادرالقاهر فوق عبادة الذي لايعجزه شي في الارض ولا في السماء

  4. ومن يتوكل على الله فهو حسبه
    والنعم بالله
    أنا كانت قصتي معجزة
    ولله الحمد انفرج همي بسبب الثقة بالله هو وحده من يساعدنا
    ثم بر الوالدين
    هو أيضا سبب رئيسي في حل المشاكل
    تخيلوا في رمضان اللي فات:
    كنت أقلي سمبوسه في قلاية زيت
    الزيت غزير مرة وحااااااااار بس جيت أقلي عشان أساعد أمي
    وانكب على صدري الزيت الحار وصدري بمووووووت من الحرارة وحطيت عسل وأنا ميته من الألم
    قلت لأخويه يروح يشتري لي كريم حروق المعروف (ميبو) من الصيدلية
    المهم وأنا قاعده أتألم فجأة أمي تصيح أتاريها فتحت علبة كلوركس وسكبت على البانيو عشان تنظفه ونطت قطرات على عينها
    المهم أروح جري عندها وأسمي عليها واضمها وأطمنها
    طبعا أنا متألمه موووت بس أمي أهم
    اخويه قاعد يدق علي عشان يسألني عن اسم الكريم وأنا اعرف نغمته ومتأكده إنه هو اللي يدق بس طنشت المكالمه مارديت عشان اقعد مع أمي واطمنها واغسل عينها
    طبعا اخويه رجع البيت وحلف ما عاد يروح(صايم وقرب آذان المغرب) وأمي الحمدلله طابت عينها , وأنا باقي اتقطع ألم من جوى بس اصبر وما أبين لأمي عشان ماتتضايق
    وأول ما أذن المغرب أكلت كم تمره وأنا على أعصابي بموت ألم وطلعت على طول الغرفة عشان أصلي المغرب وادعي الله
    تخيلوا والله العظيم إني صليت وقبل التسليم دعيت الله((يااارب أنت الذي تعلم أني مارديت على أخويه وهو يدق إرضاء لأمي وبر بها فاللهم ساعدني في ألمي))
    والله بس سلمت وقمت رفعت السجادة لقيت نفس الكريم اللي أبغاه تحت السجاده معصور طبعا شكله كان عندنا من زمان بس ربي هو اللي ارسله لي
    فالحمدلله رب العالمين المطلع على مافي القلوب

تابعي تجارب أخرى من هذا القسم.