خيانه زوجي لي بعد حب دام 12 سنه..""

بسم الله الرحمن الرحيم
الحمد لله والصلاة والسلام على رسول الله وعلى آله وصحبه اجمعين
أنا عضوه جديده بالمنتدى وأتمنى اكون خفيفه عليكم كما اتمنى تقبلوني كأاخت لكم
وانا والله ما سجلت بالمنتدى الا اتمنا الاقي الحل عندكم

عندي مشكله مع زوجي واتمنى تفيدوني .... جزاكم الله الف خير

مشكلتي اني مخطوبه لولد عمي من يوم كنت صغيره وتخرجت من الثانويه وتملكة واستمريت 5 سنوات
متملكة بعده تزوجت وانا الان كملة سنه و3 شهور متزوجه وانا من كنت صغير كنت احبه:heart: وكان يحبني
وتزوجنا عن طريقة قصه حب والصدمه بعد ماتزوجت انصدمت فيه صدمه ما كنت متوقعتها:( حاولت امشي امور الحياة لاكن لافائده اكتشفت انه له علاقه من قبل ومكلمات وصور حريم بس قلت هذا شي قبل الزواج ومالي خص فيها مع انه استلم
هديه ذكرى ميلاده قبل زواجنا بأاربعه اشهر بس حكمت عقلي وماقلت شيء .. ومقصر معاي في طلعتنا وتمشيتنا مع العالم اني ساكنه مع اهله (باقي بيتنا ما خلص)
حتى لما اقول اجلس في الغرفه خلنا نسولف مع بعض يقول لا مشغول بجلس مه اهلي طيب مو من حقي اجلس معاه صكت وماقلت شيء حتى لما يكون معاي بسيارة احس باله مو معاااي دايمن شارد الفكر مع اني مو مقصره بأي واجب من واجباااته واعطيته فوق حقه ناقشته من شان البنات الي كان يعرفهم يقولي هذا شيء يخصني قبل الزواج
واذا شفتي شي بعد الزواج ذاك الوقت تكلمي ليلة اصبح رمضان كنا بسوق وانا وحماتي جالسين نتسوق ورجعنا لزوجي كان يلعب اولاد اخوه في الالعاب وانصدمت كان يغازل ويسولف مع بنت حسبي الله عليها انصدمت اخته كمان انصدمت بس جلست تهديني وتقول هي فتره وتعدي:icon33: ... بعدها دخل رمضان وحاولت اني ارتاح وربي
زادت حالتي سوووؤ مره حتى نفسيتي تعبت بعدها يوم8_10 فتحت جواله ولقيت رساله مرسله وكاتب فيها ((وحشتيني طول هالفتره ماسمعت صوتك)) بعدها ماصرت في ووعي قلت لها من هذا الرقم قالي وش دخلك وليه تفتحين جوالي وحط لي سالفه
قلت له دق على الرقم اذا ولد ماراح اقول شيء بس اذا بنت وربي ماراح اسكتلك قال اطلع قلت اذا مادقيت وشغلت السبيكر وربي لعلم عمي "ابو زوجي" بكل حركاتك واخليه يوقفك عند حدك بعدها طلعت انا سكت وطلعت على طول
وقلت لــ أبوه وامه وقلت لهم خلاص ماعاد ابغ اعيش مع واحد خاين بعده طردني من البيت ورماء ملابسي برا في الصاله قدام حماي اخوه يقول اهداء هاذي ماهي تصرفات رجاااجيل طنشه وقام زوجي يتكلم بدون وعي ويقول لي اطلع انتي ملعونه الله يلعنك ويلعن ابوك
وقتها كلمت اهلي وجاء ابوي اخذني بس عمي ابو زوجي قال لبابا انا بودي البنت عندك وانا الي راح ارجع اخذها لو يكلمك فلان "يقصد زوجي" من الي بكرة لا ترد عليه وانا راح أدب نماي واعلمله معناة الحياة وخلي بنت تقفل جوالها ولا ترد على زوجها وانا بتصرف مع
ولدي لان بنتك صبرت على نماي بما فيه الكفايه وبنتك ماجاء منها اي قصووور ولا اخطتك وانا الحين لي 20 يوم ما دق ولا كلم يتطمن علي مع انه تعبانه ويقول لي اشوفك مثل الشيطانه قدامي وقت العلاقه حتى يغتسل ولا يتحمل من أي تصرف وكل شيء يعاسرني فيه
واذا دخلت الغرف طلع هوه منه واذا دخل وشافني يطلع ولا حتى يطالع في عيوني يقولي وهوه يبكي يقول انا محسود فيكي
مع انه يحبني والحين بيودونه اهله لرياض من شان يقراء عليه الشيخ وتتبين حلته مع العلم ان زوجي ماشاء الله تبارك الله جميييل مره .........وربي ماامدح زوجي بس هاذا الحقيقة...
(اسمحولي تكلمة بالعاميه)
في كلام كثير صار بس حبيت اختصر مع العلم اني كثرة الكلام ولا وعيت بنفسي بس هاذي مشكلتي وابي الحل عندكم ...؟؟

32 تعليق 4,375 مشاهدة

شاركي في النقاش

سجلي الدخول لإضافة تعليق.

التعليقات

31
  1. دامه فعلا مريض مالك الا الصبر اختي وتحمليه ووقففي معاه بعد

    لين ربي يفرجها ولاتنسي الصلاه اخر الليل والاستغفار


    اما اذا غير وطلع مو تعبان
    اقولك من الحين من اولها مدام مافي عيال خليه يولي
  2. @sobrmama

    الله يفرج همك ويشفي زوجك

    واذا هو مريض يااختي مالك الا الصبر

    والزمن بيظهر الحقيقه
    الله يكتبلك الخير

تابعي تجارب أخرى من هذا القسم.