تجمع الموقنات برحمة الله ( خبرات متبادلة حول مراكز تأخر الحمل في مصر ) ج 23

حبيبة قلبى بندقة بعد الشر عنك صلى ركعتين لربنا وقولى ياحى ياقيوم برحمتك استغيث فاصلح لى شأنى كله ولا تكلنى الى نفسى طرفة عين

ياه يا اوكسي
كل ده طلع في الست:39:
عموما انا شفت العنوان اتخضيت ولما قريت وعرفت انها مشكلة في الحقن مش استوعبتها قوي فقلت تشوفيه وتحكمي وانتي ادري
الدكاترة اسباب مش اكتر بس ما يمنعش نكون عندنا خلفية عن نشاطه وأخطاءه
هما في الاخر بشر والواحد ياما حصله لخبطة واتبهدل من ناس كل الدنيا بتشكر فيهم

ربنا يكرمك ان شاء الله ويجعله سبب

كتر خيرك يادوعه انتى كانت نيتك خير والاعمال بالنيات ... النكته بقى فى منتدى لك واحدة برده بعتتلى مشاركة البنت دى لكن مدتنيش اللينكه وبالرغم من انى كنت لسه مقرأتش مشاركة البنت اللى ردت غيبه الدكتور الا انى حسيت كده ان كلامها مبالغ فيه وميطلعش من الدكتور لأنى سمعت عنه من اكتر من حد ان فيه ناس ريحاله تعمل حقن وهو رفض وحاول معاهم لحد ماحملوا طبيعى .. يعنى مش استغلالى زى ماهى قالت ولا همه الفلوس .

:06::06::06:
عاااااااااااااااااااااا
انا رجعت الشهر السادس ياعيال
الدكتور المرة اللي فاتت قالي ميعاد متاخر اسبوع والنهاردة اخره اسبوع كمان يعني رجعت الاسبوع ال25

انا اتخضيت وقلتله كده في حاجة غلط في وزنه او تكوينه قالي لا انا متاكد وقاسه كذا مرة وقالي هو طبيعي خالص وكويس ماشاء الله وعمره ده طبيعي

انا عارفة انه ممكن يكون طبيعي لاني زي مانتو عارفين مجتش لجوزي غير في اليوم ال20 من الدورة بس الواحد كان تنفس الصعداء بدخول السابع
يلا الحمد لله

الغلاسة التانية بقي ان الباشا قاعد والدكتور بيقولي كده حتبقي قيصري
وعموما حستناه لنص التاسع لو ما اتعدلش حفتح ومش جستني يجيلك الم ولادة

ربنا يسترها من عنده

هههههههههههه الواد مربيكى من اولها يا دوعة على فكرة انا كنت زيك كده وبردوا زودوا لى اسبوع لانهم كانوا حاسبين على ميعاد الدورة والحمل الطبيعى بدون منشيطات بس انا كنت عارفة انه حساب خطا لانى الميعاد الاول كانت الدورة لسه على اصلا وفعلا الميعاد التانى هو اللى انا كنت حاسبة بيه
ربنا ييسر لك الحال