تجمع فركشنال ليزر [الرجاء فتح تجمع جديد]

كيفكم بنات أنا حجزت الجلسه 4 يوم السبت الله يستر خايفه من الألم لكن في سبيل الجمال يهون الوجع
ههههههه
المهم رورتي نصيحه مني أنا جربت أكثر عيادات جده حتى أوباجي رحته لكن تستفيدين وقت الكورس لكن بعدين يرجع كل شي زي ما كان والله أوباجي غالي مرررره سويت عندهم التقشير الأزرق الجلسه ب 1500 ريال لكن تبغين نصيحتي أنا اروح لدكتوره سبأ عبدالله في عيادات الموج في حراء وأسعارهم روعه أنا عملت 3 جلسات ب2000 ريال وألحين بجدد 3 جلسات ب2000 ريال برضو
والحمدالله النتيجه حلوة خفت الحفر لكن باقي شي بسيط حتى كريماتها حلوه عطتني كريم واحد شوي غالي بس أهون من أوباجي الكريم كنت أخذه من هناك ب 900 ريال حسبي الله عليهم

هلا شذى الحجاز كيفك وحشتينا ومبروك على النتايج الحلوة أنا بكمل 6 جلسات كلها لأني تعقدت من بشرتي خلاص
أوراق الخريف والله ألم فظيع والله دموعي تنزل غصب عني لكن زي ما قلت وجع 10 دقايق بنتحمل عشان الجمال توكلي على الله
ولا تأخرين عشان تحصلي على نتايج حلوه
وشوفي أول جلسه ما تلاحظي فرق كبير حتى أنا تحطمت أول جلسه لأني ما حسيت فرق كبير لكن بعد الجلسه 3 يبان الفرق
والمكياج بعد أسبوعين عادي تقدري تحطي

تسلمي ياقلبو
طيب والجلسات على طول سعرها كذا والا انتي اخذتيها وقت كان عليها عرض
وبالنسبه للحجز كيف ؟ اتصلبهم قبل اجي والا عادي اجي بنفس اليوم ؟

وكم المده اللي يتقشر فيها وجهك ؟؟
يعني اسبوع وعادي يرجع لطبيعته ؟
هههههه غثيتك بأسئلتي :35:
لاني ان شاء الله راح ابدأ فيها قبل العيد اذا سمحتلي الميزانيه وخايفه اتأخر بالجلسه ويجي العيد ووجهي كله قشور :hahaha:

سبحان الله وبحمده سبحان الله العظيم