الموضوع مغلق

ابي اشتري هالاشياء يابنات منيييييين ؟؟/ تجهيزات ضيافة





اهلين يابنات
انا بالرياض
وبجنوب الرياض
ابي اشتري هالاشياء بكمية بسيطة يعني بالكثير 12 حبة من كل نوع
لان عندي عزومة وبسوي بوفية قهوة وشاهي باذن الله
طبعا ابيكم تدلوني على افضل المحلات اللي تبيع هالاشياء اللي بالصور
من ناحية الطعم وهو الاهم
ومن ناحية السعر والالتزام بالموعد
طبعا اتمنى تكون بجنوب الرياض بس اذا مافي عادي اطق مشوار لاي مكان المهم شيء يواجه
بس اتمنى ان تكون الاماكن قريبة من بعض
يعني اذا بالجنوب كلها بالجنوب
اذا بالشمال كلها بالشمال
عشان المشاوير الله يرضى عليكم
واللي تدليني على مكان ارجوووووووووووكم ياليت الوصف الدقيق
1- اسم المحل
2- مكانة وان حصل رقمه ماقول لا
3- السعر
والله يوفق ويبارك ويصخر لكل وحده ترد

يالا هذي الاشياء اللي ابيها
اول شيء الحلو
1- قهوة وبهارات قهوة تكون من النوع اللي تواجه


2- تمر يواجه وافضل يكون محشي باي نوع


3- شوكولاته ولا تقولون لي باتشي لاني ماحبه


4- حلاوة حجر عشان بحطه بفازات كديكور


5- تورتة ل 8 اشخاص يكون سعرها مناسب وطعهما وشكلها روعة


6- سكر مناسبات باشكال حلوة وسعر اوك


2- مناديل وشموع وعدة ضيافة ملاعق وسكاكين باشكال حلوة


3- كب كيك شكل وطعم


5- ماكرون


6- قطع قاتوة طعم وسعر اوك


7- فواكة مقطعة باسياخ او عادية او بسلة فواكة


8- كوكيز



9- حلاو مارشميلو


وبالنسبة للي مع الشاهي
1- كبة ابي طعم وسعر


2- معجنات


3- ورق عنب


4- سلطات






طبعا انا هالحوسة ذي كلها عشان اسوي زي هالركن بإذن الله





بنات تكفون تعبت بتحميل الصور
لاني ابيكم تتحمسون وابي الموضوع يسير حلو ومرتب
ويفيدني ويفيد غيري تكفوووووووووووون الله يصخرلكم جاوبوا
واللي عندها اي اضافة او تنصحني باكله معينة او شيء معين تقولي
علماً باني يمكن ما اجيبهم كلهم يعني اضيف اشياء واحذف اشياء حسب الميزانية والترتيب
واذا تعرفون محلات معينة تبيع صياني مميزة وكذا برضو افيدوني
او اللي عندها فكرة بالتقديم وكذا تفيدني او تسدحلي صورة
الله يوفقكم ويصخرلكم

36 تعليق 7,450 مشاهدة

شاركي في النقاش

سجلي الدخول لإضافة تعليق.

التعليقات

36
  1. @aayon_nmlh

    انا حابه افيدك
    بأواني الهزازي
    عندكم برياض
    يمدحووونه ويقولون روووعه
    و كيك سعد الدين
    كيك توفي
    كيك الكراميل
    وترى اغلبها كريمه
    حلوه للقهوه
    واتمنى اني افدتك باللي اقدر عليه
    دعواتك
  2. @bsh_mghmdh

    هلا حبيبتي حبيت افيدك باللي اعرفه بالنسبة للقهوة انا اشتريها من الرفاعي فروعه كثيرة في في بنده اللي بالملك عبد الله الشمال وفي في بانوراما مول .....واحمسها واطحنها بالبيت ...جربت قهوة بن منقاش بمخرج ٩ محموسة ومطحونة جاهزة حلوة برضه اما بهار القهوة جيبي بهار القصيم رهيب يخلي طعم القهوة خيال علبة بلاستيك بيضا وغطاها ازرق تلاقيها عند العطارين انا شريتها من الحمود اللي بالعويس حتى عنده سكر المناسبات
    التمر ما قد جبت المحشي بس اعتقد بتيل او تمور المملكة يجيبوه بس ناسية موقعه
    الحلى والكيكات سعد الدين فيه بالملك عبدالله جنب السدحان واسعاره مناسبة حتى الفطاير بس فطاير الدبلوماسي احلى لكن اغلى تلقيه بالعروبة وبالملك عبدالله قبل بنده
    الفواكه من ايدبل ارينجمنت بالتحلية اعتقد في توصيل بس غااااااالي ارخص شي ب٣٠٠
    الصواني عندك الهزازي بمخرج ٩ جنب بن منقاش حلو زي ما قالت الاخت
    معليش كل اللي اعرفه بشمال الرياض لاني هناك ساكنة بس شوفي الاستعلامات ٩٠٥ وخدي الارقام يمكن لهم فروع بالجنوب
    وبس اتمنى اكون افدتك
    وبالتوفيق
    دعواتك
  3. @hdolh2010

    لا إله الا الله الحليم الكريم .. لا اله الا الله العلي العظيم ..
    لا إله الا الله رب السماوات السبع و رب العرش العظيم ..
    لا إله إلا الله وحده لا شريك له ..
    له الملك .. و له الحمد و هو على كل شيء قدير ..
    الحمد لله الذي لا إله إلا هو .. و هو للحمد أهل .. و هو على كل شيء قدير ..
    و سبحان الله .. و لا إله إلا الله .. و الله أكبر .. و لا حول و لا قوة إلا بالله ..

تابعي تجارب أخرى من هذا القسم.