مرحبا
بنات بدخل بالموضوع على طول
انا نزلت قبل كذا مشكلتي مع البنت اللي توزع رقمي بالشات :icon33:
علمت زوجي واخوي عن السالفه , وكلمها زوجي يوم دقت علي وخبصت الكلام
المهم زوجي ماصدقها مع اني كنت متوقعه العكس بس ربي صار معي
المهم
انا وقفت الخدمه عن جوالي مؤقتآ وطلع لي زوجي رقم سوا
اليوم الفجر الساعه 4 اتصلو المستشفى على زوجي وطلبو حضوره فورآ , وع الساعه 7 جتني وسائط على جوالي :icon33:
صورة زوجي مع وحده معفنه تجيب المرض :icon33:
وكاتبه كلام يسم البدن
وبالاخير تقول هذا هو زوجك المحترم ,
زوجك مأخذ راحته مع الممرضات والطبيبات بالمستشفى :icon33:
وربي يوم شفت الرساله دموعي نزلو بدون مااحس :icon33:
زوجي جاء من دوامه ع الساعه 2 ماجاني صبر علمته باللي صار ووريته الصوره
يحلف لي الصوره مركبه وانه ماله بهالسوالف , ويقول لي تهقين افكر اخونك اموت ولااسويها
انا صورته هذي اول مره اشوفها , وهو يقول لي هذي بكفي
الصراحه انا زوجي اثق فيه ثقه عمياااء , ولاعمري لاحظت عليه اي شئ
مايطلع من البيت كثير
بيتوتي وقليله طلعاته ,معطيني الباس حق جواله افتحه دائم عمري مالقيت اي شئ يخليني اشك
محافظ على صلواته ويخاف الله
بس يابنات كل عقلي تلخبط من شفت الصوره , صرت اوسوس واقول يمكن اكون على نياتي وهو يلعب من وراي
الدنيا مالها اماان
بنات اللي عندها اي خلفيه وتعرف اذا كانت الصور مركبه اولا تراسلني على الخاص
ومااحلل اي وحده تراسلني للفضول وهي ماتعرف شئ
تكفوون بنات ايش اسوي
عدةاسئلة براسي ليه الرساله ماجت الا اليوم يوم زوجي طلع بدري!
مين اللي يعرف رقمي الجديد ؟
كلهم ناس محدودين وهالشخص يعرف عمل زوجي وكل شئ عنه
تكفوون شورو علي شسوي
:44:
شاركي في النقاش
سجلي الدخول لإضافة تعليق.
التعليقات
98- صصصصصصصدقيني صصصصوره مركبه
وفيه ناس محترفين بالفوتيشوب
تشوفين صورة شخصين مع بعض تحلفين انهم سوا مصورين
وهي كلها لعب بالفتويشووووب
بعدين يا حلوه زوجك لو يخونك زي ما تقولين ماراح يصوور مع اي وحده يخونك معها
هذا شخص يبي يخرب بيتك هو الي ارسل الصووره
لا تعطين احد مجال يخرب حياتك
تعوذي من ابليسسس
ولا تضايقين زوجك بهالسالفه
والله يخليكم لبعض - صادقة الاخت لمى ماقصرت
الله يخليكم لبعض ولايفرقكم يارب
اللهم صل على النبي لمى20 صصصصصصصدقيني صصصصوره مركبه وفيه ناس محترفين بالفوتيشوب تشوفين صورة شخصين مع بعض تحلفين انهم سوا مصورين وهي كلها لعب بالفتويشووووب بعدين يا حلوه زوجك لو يخونك زي ما تقولين ماراح يصوور مع اي وحده يخونك معها هذا شخص يبي يخرب بيتك هو الي ارسل …
- لاااا
تصدقين هذي وحده من البنات العوانس ميته على زوجك وتبي تخرب بينكم
نصيحه لاتعطينها فرصه ولا تخلينها تفرح او تحس بزعلكم
وحتى لو زوجك خاين لو نفرض مثلآ يكفي انه شاري رضاك ويهتم لزعلك وجلس يبرر لك موقفه احمدي ربك ياما رجال يخونون ولاهمه لازوجه ولا اولااد - حافظي على زوجك ووفري له الجو الحلو - اولا : يالغلا ما اتوقع فيه احد مننا يقدر يفرق الصورة الحقيقيه عن المفبركه ... فنصيحه لا تعطي الصوره لاي احد يقول انا اعرف ...
ثانيا : كل وحده تعرف زوجها وتعرف كيف يفكر وانتي ادري بزوجك ... بس اساليه مو يمكن احد أخذ جواله ونقل رقمك منه ... اسليه اذا فيه واحد والا وحده استهبل عليه وخبى جواله وبعدين عطاه ... حتى لو قبلها باسبوع ... وليه راح بدري هذاك اليوم هل فيه احد اتصل عليه والا صدفه روحته بدري ... والله اعرف وحده جاها ازعاجات من لما يطلع زوجها على ما تغير برقمها واخرتها طلع صديق زوجها يتصل على زوجها يشوف اذا طلع من البيت رجع يدقق على الحرمه ويزعجها وهذا اللي خلاها تشك انه يعرف تحركات زوجها ... لما جاء زوجها وهو يتصل عليها لانها خافت من كثرة اتصالاته ... تذكر انه كلمه وهو بالسيارة واعتذر عن الطلعه .. رجع يدق من جوالها على الرقم اللي يزعجها منه ويدق عليه من جواله برقمه المعروف. . ايش سوى عطى مشغول للرقم المزعج ورد بسرعه على زوجها من رقمه المعروف .. وطلعت واضحه الحركه ... طبعا الرجال انكر وحلف على المصحف كذب لانه بعدها وقفت الازعاجات عنها ...ومن وقتها ما بينهم الا سلام وبس ... وخاصة ان زوجها كان يحكيها ان له علاقات مع بنات وكان يحرش زوجها على المعاكسه .. والحين زوجها مسميها بجواله اسم ولد... فانتي حاولي تتذكري ايش كان يقول لك زوجك عن احد بالشغل والا احد الاقارب ... ترى مو صعبه على اللي يبغى الشر والفتنه انه يجيب رقم جوالك من جواله ..
اهم شي فتحي عيونك اكثر وخليك مصحصحه بس مو معناته تتهمي زوجك لا لا بس انتبهي لبيتك الواضح ان فيه احد حاول يجي العيب منك ما قدر فتحول لزوجك ..
وعندي طريقه وربي وربي وربي ما تخييب .. انا جربتها فتره ست شهور تخيلي ازعاجات من رقم غريب بكل وقت ورسايل وقرف ومدري وشو طبعا ما رديت عليه ابدا بس سبب لي توتر لاني احسه يعرفنا ... المهم بعد هالفترة كلها نصحتني وحده بنصيحه وطبقتها ...واللي هي اقوم الليل قبل الفجر بساعه تقريبا .. واصلي واوتر وادعي في سجودي وبعد الصلاة ..ابكي من قلب ان ربي يكفيني فيه وتذللي لله .. وادعي على من اراد الفتنه والتفرقه بينك وبين زوجك ... والله الذي لا اله الا هو ما عاد اتصل ولا مره ولله الحمد ...
اسفه طولت عليك بس الله بفرج همك ....
مواضيع مشابهة
تابعي تجارب أخرى من هذا القسم.