وحده وحده , عضوه عضوه , فرده فرده
( بغيت اذكركم بالغالي
) خخخ>> امحقها من ذكرى يوميات مسروقه من [ دفتر طفل ]
طبعا الموضوع وصلني قدييييييييييم وعاجبني قلت خلني انزله موضوع
وللأسف اغلبنا نعيش ونعرف هالتناقضات
غير اناا نجاهد انفسنا والله يصلح الحال
& السبت :
فتحت عيوني , ادور عن [ نور ]
قالوا لي : غمض , وغمضت
بعدها ماشفت لا ابيض ولا اسود
& الأحد :
كنت اسمعهم يقولون :
ياحمار , ياحيوان , ياثور , يابقره , يالوح , ياجدار
توقعت اني في [ حديقة حيوان ]
فتحت عيوني ابغى اشوف هالحيوانات
قالوا لي : مايصلح تشوف قلة أدب
سألتهم : طيب فيه عصفور
صرخوا في وجهي : انطم وغمض ~
& الإثنين :
سمحوا لي اشوف التلفزيزن
كنت بروحي منسجم مع افلام كرتون
دخلت امي , وكان ابو عائلة آدمز ( يبوس ) امهم
ركضت امي وغيرت القناة !
وصرخت بأعلى صوتها [ عيب عليك قاعد تشوف قلة أدب ]
ناظرتها بكل براءه .. وانا مستغرب من تصرفها : طيب
وش صار ابوهم يبوس امهم !
صرخت بوجهي وهي معصبه [ التبويس قلة ادب ]
& الثلاثاء :
كانوا بنات خالتي عندنا , وكنت الولد الوحيد اللي
يلعب معهم وابوي بس يبحلق عيونه فيني ويييين مارحت
ويييييين ماجيت , بعد ماراحوا بنات خالتي ,
ناداني ابوي وقال :
(عيب الواحد يجلس مع بنات , قلة ادب) بعدها بكم يوم , كان ابوي جالس مع عماتي بروحه
ناظرته بطرف عين وانا حاقد عليه
وقلت له : [ بابا , اللي يجلس مع بنات قليل ادب ]
& الاربعاء :
كنت اسمعهم بعد يقولون [ جيم كاري فاسد ] فكرهته من قلب
وكانوا يشوفون افلامه , ويضحكون ..
سألتهم : ليش تضحكون ؟ ماتقولون فاسد ؟
قالوا : ورا ماتنطم وتسكت
& الخميس :
كنت جالس مع ابوي , قال لي ذاكرت دروسك ؟
قول الصراحه , لاتكذب , الكذب حرام واللي يكذب يدخل النار
وفجأه يرن التليفون .!
قال ابوي , رد واذا لقيته عمك قل ابوي نايم
رديت وبكل براءه :
هلا عمي , بابا يقولك انه نايم
وينه ابوك ؟
ابوي هنا جنبي
[ بعد المكالمه ]
عصب علي , يالوح ماتفهم ؟
قلت : [ بابا انا ما ابي ادخل النار ]
&الجمعه :
اسمعهم يقولون :
ان اللي يطول بالمكالمه [ يغازل ]
واللي يروح السوق بكثره [ يغازل ]
واللي يعرف الانترنت [ يغازل ]
وانا ما اعرف معنى يغازل !
وامي تطول على التلفون , وتروح السوق كل يوم ,
وتدخل الانترنت كل يوم
رحت لبابا وانا اصيح : بابا ألحق
[ ماما تغازل ] >> شكله جاب العيد خخخخ
ياحياتي عليه تماما مثل الحديث اللي يقول فيه
الرسول عليه الصلاة والسلام ( كل مولود يولد على الفطره .... )
كذا يتعلم الطفل من الاشياء اللي حوله واللي يتعايش معها
ومثل مايقولون ( ولدك على ماربيتيه )
عشان كذا لازم الكل يكون قدوه .. عشان مايكون
بهالعقل النظيف استفهامات يعجز عن حلها
خلونا نفخر بأنفسنا كقدوه
ونفخر بأولادنا كمقتدين بقناعه
ويسعد مساءكم واعلموا ...
ان اجمل هندسه
.... بالحياة
ان تبني جسرا من الأمل
.... فوق بحيرة من الألم
لا اله الا الله