قصته ذكرتني بوحده كنا مجتمعين في مناسبة وهي جالسة بجانبي جاتها مكالمة من ولدها واتغير وجهها وصارت تسأله بصوت عالي وتحلفه وش فيه وانتهت مكالمتها وجلست تفكر وتهوجس وتقول غريبة قلنا له وش فيه قالت ولدي مكلمني يقول بأروح للشرقية يوم يومين وبأجي لا تقلقين علي تقول توني طالعة من البيت وهو جالس بالصالة يقرأ صحيفة وسألته بتطلع قال لا أبجلس في البيت اليوم مانيب طالع وشككت مسكينة وزوجها كان مسافر وخافت عليه عمره تقريبا17 أو 18 سنة واتصلت بزوجها وعلمته وانهبل واتصل فيه وبعدها بشوي كلمها زوجها يقول لها إنه طلع يشتري له أكل وقطع اشارة وخذوه المرور والأم مسكينة حالتها حالة والواضح ابوه وكل احد وراح له وطلعه
والنكتة بعد عدة أيام عندما سألنا الأم عنه تقول تدرون وش يقول لي ولدي يقول أنا متعني ( يعني بالعنية قاطع اشارة) ابشوف يمسكوني أولا وبعدها تقول أخذها درس وصار يعمل حساب للإشارة وللمرور