اللي ولدها عمره سنه ونص تدخل تكفون نخيتكم مانخيت رخوم

السلام عليكم بنات ولدي حبيبي عمره سنه ونص وزنه طبيعي الحمدالله ويمشي بس اللي مضايقني مايتكلم الاامممم شكلها ماما ومره قال بابا وابوه صرخ من الفرحه وماعاد قالها الولد ماالومه انفجع:06: وكمان في شغله ولدي للان يحط اي شي بفمه وربي مررررره مخوفني هالموضوع لانه اعرف من اعراض التوحد انه الطفل يضع الاشياء بفمه وانا اعرف انه الطبيعي الطفل لين عمر سنه يضع الاشياء بفمه وبعدها خلاص يكبر احيان اقول امكن من التسنين تكفون طمنوني وربي خايفه؟؟:44:

10 تعليق 43,241 مشاهدة

شاركي في النقاش

سجلي الدخول لإضافة تعليق.

التعليقات

10
  1. @am_alamam_5

    هلا و غلا ،
    ولدي عمره سنة و 9 شهور ،
    بس من عمره سنة و نص و هو يردد بعض الكلمات ،
    حاليا بدأ ينطق أكثر و يقول كلمات أكثر ، لأني كل يوم أكرر عليه الكلمات و هو يردد وراي بسم الله عليه ،
    الطفل يحتاج أنك تكلمينه و تقولين كلمات و هو يرددها ، و إذا سمع كلامك و ردد معاك ، صفقي له و شجعيه ،
    أنا دايم أصفق لولدي و أقول له بطل ، و يتحمس حبيبي و يصفق يالبى قلبه ،
    بالنسبة للأشياء اللي يحطها بفمه ،
    ولدي إلى الآن الله يصلحه ، أي شيء على الأرض أو ألعاب ، على طول يحطه بفمه ، بس مو دائما ، مرات يحطها و مرات لا ،
    أول مرة أسمع أنه الطفل لمن يحط شيء بفمه فوق السنة من علامات التوحد ،
    بنت أختي كبر ولدي و نفس الشيء ، تاخذ الأشياء و تحطها بفمها ،
    و أكيد من التسنين ، ولدي مرات يحك لثته حك ، و توه باقي له الحين الضروس إلى الآن مااكتملت الله يعينه ،
    أنت لاتفكرين كثير ،
    حاولي تعطين لولدك وقتك ، و تجلسين معاه و تكررين عليه الكلمات ، الطفل مايتعلم من نفسه ، يتعلم من اللي حوله ،
    فإذا أنت كلمتيه كثير و حادثتيه و أعطيتيه وجه ، طبيعي بيتكلم و بيصير ماشاء الله ،
    إن شاء الله ولدك ماعليه إلا العافية ،
  2. @am_ryodh

    اهلين حبيبتي
    انا عندى اولدى اللحين بااول ابتدائى ماتكلم زين الا يوم دخل الروضه كان كلامه مو مفهوم يوم كان عمره سنه ونص مايتكلم الا خرابيط مانفهمها اللحين بسم الله عليه كلامه احسن منا/شي طبيعي تاخر الكلام عادى
    والبنت عكس اخوه تتكلم من يوم هي عمره سنتين كلامها مفهوم وواضح يعني لاتخافين ولا تعطين الموضوع اهميه بس كرري معه الكلام دائما ولاتحسسين انه مايتكلم خليك طبيعيه وان شاءالله تشوفينه معرس
  3. @kly_aathooooooobh

    صاحبة الموضوع
    ياحبيبة قلبي الله يريحك زي ماريحتيني ويخليهم لنا ويصلحهم ياااااااااااااااااااااارب
    هو ولدي الاول امكن عشان كذا مافي اطفال يحتك فيهم بالبيت انا احاول فيه بالكلمات بس عنيييييييييييييد مثلا لو تقطعيه كلمة ماما ميقولها الااذا يبغى شى يسحب ملابسي ويقول ماااااام اعرف انه يبغى شي
    الله يصلحهم بس
  4. يابنت الحلال مافي ولدك الا العافيه لاتوسوسين
    ترى الاطفال يختلفون نصهم يتكلم بسرعه ونصهم يتاخرون
    ولد صديقتي ماتكلم الا وعمره سنتين ماكان يعرف لاماما ولا بابا
    لاتخاااااافين تووووه صغير بس انتي دايم تكلمي معاه انتي وابوه

تابعي تجارب أخرى من هذا القسم.