هونوا على ياحوامل بموت ( الحموضه بتقضى على )

السلام عليكم ورحمة الله وبركاته

كيفكم يااحلى اخوات والله إنى اكتب وانا رايحه فطيس من ذا الوحام تعبت ذبحنى واكيد مافى له علاج ...فرفرت بقوقل مالقيت شى يريح
و إلى ذبحنى اكثر حرقة المعده ( الحموضه ) والله احيان ابكى
من كثر التعب والحرقه
وراجعت المستشفى اعطتنى شوى ادويه وخلاص
بس حرقة المعده ذبحتنى حتى لو اكلت بسكوت حلو خبز
قسم جوعانه ومشتهيه اكل بشراهه بس نفسيتى زفت مع الحموضه
واحيان يكون الأكل ماسخ بدون تتبيله ولاشطه وبرده ماتركتنى
والله بحملى الثانى كان اهون على الوحام وتعب وماحسيت مثل هذا الوحام
ولحين لى يومين ماسكنى صداع ما اقدر ارفع راسى منه حتى وقت سجودى ما اقدر اطول ..


والله ودى اروح لأمى بس زوجى رفض يقول انا أمك وأبوك واى شى تبينه مابقصر هو والله مايقصر ..
بس والله احتاج أمى واتصل عليها كل يومين وما ابين لها بتعبى عشان ماتحاتينى
وتعبت من كثر البكاء وجتنى حاله ما ابى البيت ولا ابي زوجى
ولا جيرانى ما ابى احد ونايمه بس ونفسيتى دمار

بنات انتم فاهمنى وحسين فينى أنا بجد تعبت خففوا عنى معناتى
بعلاج وصفه اى شى للحموضه ..

والله مالى غيركم احكى له وافضفض بالى فينى:(

68 تعليق 102,294 مشاهدة

شاركي في النقاش

سجلي الدخول لإضافة تعليق.

التعليقات

68
  1. @tboha

    الله يهون عليك

    شوفي كل وصفه سمعتيها او علاج للحموضه اتركيها جربت كللللل شي

    اشيا تفيدني مؤقت وترجع الحموضه


    الا



    اللبن وشرررط يكون قليل الدسم قسم بالله زي السحررررررر
    من يطب فمك تطفي الحموووووضه

    قالته لي دكتورتي الله يوفقها قالت حتي الحليب يبرد ع المعده
    بس من يبدا ينهضم يتحول لحمض او مدري وش المهم قالت الا اللبن هو الوحيد اللي
    ماتحتاج المعدة .....
    المهم تشرح لي عن الحامض وقلويه ومدري ايش
    واروح للبيت واجربه
    شفتي النار لاكبيتي عليها ماء باللللظبط

    المهم اشربيه بااارد وقليل دسم
    كنت احطرالعلب الصغيرة من اللبن بشنطتي عشان لااكلت برا البيت

    وبس ادعيلي بشفا امي
  2. غير الحليييييييب البارد لاتشربين
    اللبن انا يزيد الحموضة علي لكن اشربي حليب بارد
    انا جيك الحليب مايطلع من الثلاجة وجيك ورا جيك لحد الحين وانا بالشهر الثامن ادعيلي الله يفرج علي

    حلــــــــــيب بـــــــــــــــارد او ماتحسين بالحموضة
  3. صاحبة الموضوع
    تبوها

    الله يسعدك يارب ويشفى أمك ويعطيها طولت العمر وصحه والعافيه يارب

    *
    بس سؤال ؟ايش نوع البن هل هو لبن المراعى..ولاحليب
  4. صاحبة الموضوع
    دلوعة عبدالناصر

    الله يسعدك يارب والله يتمم لك حملك ويسهل عليك الولاده
    انا اشرب حليب نيدو اسويه واشرب كبايه ولاكأنى شربت

تابعي تجارب أخرى من هذا القسم.