:angry:السلام عليكم خواتي الغاليات
ببداء طواااالي عندي كذا سؤال ياليت تفيدونني لان برجع لززوجي العزيز
مااكذب عليكم جلستي عند اهلي صح ضحكت عدويني بس انا تعلمت
ولقيت اني مقصره حبتين ممكن لان اطفالي يتعبونني لانهم ورا بعض
وعمليات وعمليتي الاخيره لليوم ملتهبه<كني طلعت
وممكن دوام زوجي الطويل والمتعب لي وله
وممكن تأجيل الشغل لان والله ماافضى من عيالي فأقول شوي واسوي كذا
مقصره من ناحيه بيتي وزوجي
يعني زوجي دايم ينام اقوله ليه يقول انتي منتي حولي
ومتضايق من ناحيه مااعرف اسولف وسواليفي ماتخرج من ناحيه العيال
ويومياتنا
الحمدلله مااحب احش ولا اتكلم في الناس والحمدلله
سؤالي الاول
وش اسوي بشكلي انا حاليا قصيت بس ناويه احف جسمي واشتري
كم قميص وكم بيجامه وهيك شي
سؤالي الثاني
دوام زوجي الساعه" يرجع بريك ويرجع لان بيتنا عند الدوام
ويجي ويرجع ويخلص الدوام الساعه المغرب
المهم حوسه متى اسوي الغدا والعشاء والفطور اللي ماقد سويته
زوجي احيان يقول مااحب افطر واذا تهاوشنا يسب يقول
كل الزوجات يفطرون ازواجهم الا انتي!
السؤال الثالث
اهل زوجي كيف اتعامل معهم اذا رجعت لان حضرته قال اني اكرههم
وانا مااكرههم بس ماحب اروح لهم لان خواته يضايقوني بحركاتهم
اللي مالها سنع لدرجه احيان مايسلمون مدري ماني ماليه عينهم!
السؤال الرابع
كيف انظم نوم عيالي لان يسهروني واحيان يجي زوجي وانا نايمه
وشوفوا الزعل والحوووسه والله غصب عني
للعلم
عيالي واحد سنتين ونص والثاني شهور
اعتبروني اختكم يااخواتي واذا بتهاوشوني بس بالشويش
لان من الزعل هذا زوجي طلع خبايا كنت غافله عنها شوي
اخيرا دعووولي ارجع بيتي لان الموضوع ماانتهى بس ان شاءالله قريب
ابشركم برجوعي واقولكم وش صار
انا لي شهر وشوي عند اهلي ولا عمري كلمته بس تدخل بيننا عمه
شاركي في النقاش
سجلي الدخول لإضافة تعليق.
التعليقات
17- شكلكم نمتووووا يابناااات يوه ع الحظ توكم مشعللين
- \لله يعينك بس حبيبتي لاتتضايقي من كلامي واعتبريني اختك
اهم شي في حالتك تنظيم نومك ولو تضغطي على نفسك وتتعودي
وثانيا حاولي تحبي اهله وهم راح يحبوك وزوجك راح يحبك
اعذريني مااعرف اصيغ الكلام بس اتمنى تكوني فهمتيني
ويارب يسخر لك زوجك ويرده لك ردا جميلا - اسهل شي نومت اعيالك توهم صغار طفي النور وخليك جنبهم اشوي ونامون بس اهم شي تكونين معشيتهم زين حتى لو قاموا خلي النور طافي وبيرجع ينام لو شبعان نوم.وطبخ جهزي حمست بصل وطماط يكفي اسبوع بثلاجه بيسهل عليك الطبخ وريحت البصل .واهم شي اشتريلك كم فوحه وخليها شغاله واهم شي غرفة النوم وانتبهي لا تخلينها قريبه من الصغار .وشتري كم قميص نوم مشخلعه هههههه وخليك بلبيت بشورتات لاقميص ولابيجامه .واشتريلك مكينة براون وكل ماشعرتي حفي على طول خليك تلقين واستخدمي جل الاطفال يخليك ناعمه وتلقين لق.وصبغة الشعر شوفي وش يحب واصبغي ولا حطي درجات البني .وخلي يوم بلاسبوع تزيني ودلعي نفسك اصبغي الحواجب وانتي تنتظرين تنشف شغلي المكينه وحفي ولا خلصتي شغلي الدش وتليفي ولا طلعتي نظفي اظافر رجلينك ويدينك .وبقولك شغله اهم شي لبس البنطلون الجنز ترا اغلب ارياجيل تضيع اعلومهم عنده .وريحيه بلفراش والله ان تاخذي اللي قدامه ووراه
- عادي حبيبتى نظم نومك ونوم العيال
حتى لو يكون نومك قليل ام شى تكونى حول زوجك
واهله لازم تتقبلينهم مالك بعد عنهم هم اهلك زوجك وخليك بحالك
والله يوفقك - بقولك على سر خطيييييييييييييييييييير
ومتأكده انك حتدعيلي
والله ما ضبطت اموري وانحلت معظم مشاكلي
الا بعد ماعرفت الله
وبقولك باختصار اش اسوي
ادخل المطبخ يحتاج تنظيف الارضيه وغسيل المواعين
وتلميع الطاولات
ومامعاي الاساعه يعني وقتي مضغوط وانا بطيئئئئئئه جدا
والله حدي اقول وباستشعار
لا حول ولا قوة الابالله
ما احس الا الشغل مخلص والدنيا تلمع ماشاء الله تبارك الله
لان هذه الكلمه
معناها انك تستمدين الحول والقوه من الله
واذا نفسك اموري تضبط معاه
زي لما تكونو متخالفين مع بعض
او لما تبغي عيالك ينامون او متعبينك
او اي شي في حياتك
معكنن ومو راضي يمشي زي ما تبغي
بس قولي بسم الله استعنت بالله ( على كذا الامر اللي في بالك)
يالله مفعولها عجيب هالكلمه
اللهم لك الحمد على عونك يامعين
سبحان الله تمشي امورك زي الحلاوه
ان شاء الله
لانك استعنتي بالله
ولما تجي تنامي لا تنسي
سبحان الله والحمدلله ثلاثه ثلاثين
والله اكبر اربعه وثلاثين
قال عنها افضل البشر صلى الله عليه وسلم
خير لكما من خادم
اي قالها لابنته وزوجها
رضي الله عنهم وارضاهم
امشي على اللي نصحتك فيه
وشوفي حياتك كيف تصير
لان كل اللي نسويه اسباب
نبذلها
والنفع والتأثير بيد الله خالقنا سبحاااااااااااااااانه
واذا اسفدتي من كلامي لا تنسي تدعين لي بتفريج
الهم
مواضيع مشابهة
تابعي تجارب أخرى من هذا القسم.