السلام عليكم
بنات اول مره اكتب لكم في المنتدى
انا متزوجة وعندي ولد .. زوجي متزوج .. وانا الثانيه .. تقدرون تقولون اني ماكله الجوو بقوووة مع اني ياربي لك الحمد ماافتخر بهالذا الشي زي مايسوون بعض البنات هداهم الله .. بالعكس انا اشوف انها نقاصة عقل ..
ونقص دين منه ..
المهم ندخل بموضوعي .. بنات انا عصبيه عصبيه نااااااااااار .. كان متهاوش مع زوجته .. وجاني معصب منها وانا قلت له مالي علاقه فيها ولا هي اصلا تعصب اذا طلعنا ورحنا .. وكنا احنا باخر ايام رمضان رايحين نتقضى للعيد
طلعنا واتسوقت للولد ورجعنا وهي كانت طالعه بيت خالتها .. المهم ان الرجال جاني معصب وانا لي 3 سنوات معه ومليييييييييت هالوضع منت قد حرمتين ولا انت قد تفصل حياتك عن بعض يااخي لاتتزوج اف طفشني
المهم كان متنرفز حده وانا اتنرفزت كمان علما بااني حامل ووحام ونفسيتي خلقة زفت ... حصل موقف ضربت ولدي قام زي المجنون يابنات ولوى يدي علقها في رقبتي من ورى
وقامت اتكلمت عليه وهو جالس يضرب فيني يابنات زي المجنون حط حرتها فيني .. وهو اعترف بهاذا الشي بعدين قال انه كان ماخذ هذيك عشان بيضربها ولما دخلوا الغرفة مايبي يضربها عند العيال قامت قفلت الغرفة على نفسها قبل يدخل ..
ماعلينا .. الرجال طاح فيني ضرب وشكله كان مشحوووون علي ... انا بعد ماخلص ضربه المجنون رحت لغرفتي وجلست اتكلم عليه يااا وياااا وياااا ياحيوان وياحقير .. جاء للغرفة وكمل ضرب فيني الحقير والحركه اللي خلتني احلف ماارجع له .. هو انه سحبني للمطبخ وقام يتكلم علي انتي عندي زي الخدامه ترضعين الولد وتغيرين حفاظته ومن هذا الكلام والمطبخ يابنات على منور وطبعا حظرتها تتسمع للكلام كله وحسيت ان قصده انها تتسمع ...
انا سااااكته ماقلت شي قال سوي سحور سويت له ورحت لغرفتي .. وشطفته وكلمت اهلي يجون ياخذوني دق عليه الوالد وقال جيبها تعيد عندنا .. جيتهم بالعيد .. وللحين انا جالسه عند اهلي يتصل على جوالي ماارد عليه هذذا اول اسبوع جيت اللحين ماعاد يدق ولا يرسل ..
تقريبا مكمله شهر على هالحال ..
انا مااعلي منه ولا همني لو يطلق لاني اصلا مو مرتاحه معه ومن اخذته وانا من مرض في مرض وكل المشايخ يقولون حسد واللي يقول سحر والله اعلم .. انا من اعماق قلبي ماني متعلقه فيه لانه للاسف رجل كذوب واحس الكذب ماتقل منزله عن البخل من ابشع صفات الرجل .. وهو يحكني عن كل شي في حياته الزوجيه مع زوجته .. وانا اكره هذا الشي لانه اصلا محرم بالاسلام .. ومهما كان اعتبر غريبه عنها ..
المهم يابنات وش رايكم .. انا غلطانه ؟؟ هل استاهل كل هذا الضرب .. والله يابنات بدون مبالغة ضربني ضرب مو صاحي وانا حامل ..
شوروا علي .. انا بصراحه مرتاحه في حياتي عند اهلي اكثر من راحتي عنده .. يعني انا ارحمه لانه متعلق فيني وهو انسان يحب الحياة والكشخه والمباهاه والتفاخر والمناصب ومن اول انا عارفة من يوماخذني هو قاله انا ابي زوجه ترفع راسسي ... وانا الحمدلله جيته على المطلوب واكثر ...
زوجته الله يستر عليها .. لكن .. ولا 1 % من احلامه ..
انتظر مشورتكم يابنات .. هل انا غلطانه ؟؟ مو صح كلكم تتنرفزون وتضربون اولادكم .. صح حتى لو ضربت ولدي مو مفروض مايطقني كل هالطق .. لا وازيدكم من الشعر بيت .. هجرني 4 ايام .. نام عندها .. وبعدين رجع ..
يالله بنات استنى ردودكم ..
شاركي في النقاش
سجلي الدخول لإضافة تعليق.
التعليقات
113- الله يعينك صدق حقيييييييييير والله العظيم احس دمي يغلي هذا وانا بعيده
الله يعزك ولايذلك لمثل هالاشكال
وايش هالرجوله يطلع حرته على حرمه الله لا يبلانا
استغفر الله .. استغفر الله .. استغفر الله - الله يعينك بس هذه مشكلة اللي تسكن قريب من ضرتها وتعرف انتي فين رايحة وفين جاية
المفروض كل وحدة بعمارة بعيدة ع الأقل نفس الحي بس بعيدين
وكمان غلط هو يحكي عن حياته المفروض مايتكلم خير شر
ربي يعينك - حسبنا الله ونعم الوكيلعزيزتي الرجل اللى يمد يده على امرأة نفسي اعرف اش يحس فيهمن جبنه وقلة اصله يعمل كذا ما يعرف يستقوي الا على حرمة الله المستعانكل شي الا الضرب والإهانة انتبهي من هذا الشئ ولازم توقفيه عند حده لأن اللى يضرب مرة ممكن يرجع ويضرب مرة ثانية واللى يخليه يعمل كده هو موقفك انتي من هذا الموضوع يف يعني يضربك وتقومي تسوي له سحور وتدخلي غرفتك اعتقد ان هذا اول الانهزامية لكن طالما صار فالآن المطلوب اذا حاول الاتصال فيكي عادي ردي عليه لكن كلميه باللهجه الشديدة بانك ممكن تسامحي في اي شئ ما عدا الضرب والاهانهوان اقتضى الأمر تقفلي في وجهه السماعه قفلي وخليكي حاسمة في موضوع الضرب ولا يحس ابدا انك ضعيفه في ذا الموضوعصدقيني اذا حس انك ضعيفه واتحملتي الضرب راح يكررها مرات ومراتالله يهدي سرك ويوفقك ويفرج همك يارب
- سوي اللي يريحك واذا اصر يرجعك اصري يطلعك ببيت بعيد عن ضرتك
صراحة موقفه يقهر ولو انا كان لما طلب سحور قلتله خلي زوجتك اللي تممرجل علي وتضربني عشانها هي اللي تطبخلك
الله يشفيه رجال مو قد زوجتين لايتزوج
حسبي الله ونعم الوكيل بس - الله يجزاكم الخير .. انا كتبت الموضوع لاني قلت يمكن انا غلطانه ..
وسوس فيني واحنا جايين لااهلي يقول انا الغلطانه ومفروض افرش سجادتي واصلي ركعتين شكر لله على اني تزوجته ..
يمه مو صاحي ..
يالله بنات مزيد من الردود ..
مواضيع مشابهة
تابعي تجارب أخرى من هذا القسم.