تجمع الحقن المجهري والأنابيب والتلقيح الصناعي في سليمان الحبيب بالرياض والقصيم

الحمد الله طيبه ياعمري انا قضيت يومي عند جدتي ام امي وتعشيت انا وزوجي عندها
بروح انام يانصوحه تصبحين على خيييييييييييير وموضروري تكتبين اهم شي تريحين حالك واعصابك عند امك الله يخليهالك ولايحرمك منها سلمي على اختك كثييييييييييير :27:

ياعمري عليهاااااا الله يخليه لها و يرزقها ويرزقنا بالذريه عاجلا غيييييييييييييير اجلا

الحمدلله على سلامتك والله يتمم لك على خير وتتلقح جميع بويضاتك وتكون من الدرجة الأولى يارب والله يرزقك منها الذرية الصالحه المعافى



الله يتمم لك على خير ولايضيع لك تعب وان شاءالله على أجر والله يهون عليك الايام الجايه







اللهم آمين جزاك الله خير ياقلبي ..الله يسعدك ولايحرمني منكم يارب




والله احاول اطلع واغير جو وقلت لكم اني رحت قطر ورجعت ولسه النفسيه مثل ماهي وحتى بعد الدوام صحيح اني صرت انشغل ولكن احس الحزن بداخلي يعني وانا بالدوام اكون في مكتبي والمكتب قزاز واشوف الطالبات وقت الفسحة واناظر فيهم واقول لو ان ربي رزقني من بداية زواجي كان انا بنتي معهم هالحين شفتي كيف ابليس لاعب فيني لعب وكل يوم على هالحال اشوف بنات الأبتدائي وبرضوا الروضة وقلبي يتحسر على عمري ..استغفرالله بس حالي من سيء لأسوء ..




يسلمو ياقلبي على كلامك صدقيني احاول والله يفرجها من عنده..
بالنسبة للي بدو العمليات سوسو الشمال والهروب الكبير وعفافي في حجابي..واللي تنتظر نتيجة التحليل ام رنيم الله يفرح قلبها ويتمم لها على خير..وبالنسبة للكرتيزون ماجربته بس ناوية هالمره اقول للدكتور يكتبه لي




دمدوم الله يسعدك على هالكلام اللي يشرح الصدر..



للأسف ياقلبي ماعندي فكره اتمنى البنات يفيدونك ..والله يرزقك بالذرية الصالحه المعافى..انتي عندك اجنة مجمده وعند مين سويتيها؟وعندك عيال او لأ؟



دمدوم كلامك أثر فيني كثير وانا هذا اللي ذابحني ماقدر على فراقه ومجرد التفكير بموضوع الطلاق اصير ابكي مدري وشلون لو فعلا صار هالشي انا بين نارين لهفتي للعيال وحبي لزوجي ..



ماتتخيلين وشلون مشتاقة لروحة البر أو البحر وشبة النار ..بس زوجي مايحب ابد من تزوجت وانحرمت من البحر :06:



اللهم آمين الله يرزقنا واياك من واسع فضله



ميرا ان شاءالله ماتعدي السنة السابعه عليك الا وانتي حامل يارب..وين سويتي التلقيح والحقن..وماجرتي مستشفيات الخبر ..انا برضوا من الخبر يعني جيران:27: وانا اغلب محاولاتي كانت بالخبر


ميرا لسه صغيرة العمر قدامك الله يرزقك دستة عيال عاجلا غير آجل يارب



البنات يمدحونه بس انا جربته وماستفدت منه



الله يهديه ويسخره لك وان شاءالله يجي بكره وهو من نفسه يقولك خلينا نطلع البحر..يالله نفسي اروح البحر بس زوجي مايحب البحر كثير

بنااااااااات رجعت غيرت رايي مابنام مابقى عن صلاة الفجر شي انتظر شوي وبعدين اروح انام