ضعف التركيز وتشتت الانتباه وفرط الحركه......الى كل ام تعاني من هذه الاعراض عند اطفال

متابعة النقاش، صفحة 59

شاركي في النقاش

سجلي الدخول لإضافة تعليق.

التعليقات

2,546
  1. @hyaty_body

    انا ولدي عمره اربع سنوات استيعابه اقل من عمره كانه ابو سنتين وعنده فرط حركه كثير والله من اول مايصحى الين ماينام وهو بس يناقز ويراكض ومتعبني حيل الله يهديه وكلامه قليل جدا يعتبر توحدي ولا لا هو عادي يلعب مع الاطفال
  2. @konsrta

    حيالله الحبيبات ...اخباركم بالدنيا واخبار الصغار ..
    موزه..ياربي يسلم دندون والله تحفه الله يحفظها كثير محتاجين نقوي قلوبنا وبالذات في المدارس.
    ايالي..ياهلا وغلا من طول الغيبات جاب العجب بتقطعين الريسبريدال :32:وش الطاري انت ما كنت تمدحينه تحسن عليه ..لكن انت ادرى وعلى العموم مافيه اقل من ربع ملم اذا كان ياخذ من اسبوع خلاص وقفيه بس استخيري احسن من يترك ويرجع الله يكتبله الخير ويقر عينك فيه:)
    بدنيتي...حياك الله.. طبعا روحي لحكومي مافيها كلام واظن تقصدين تواصل قصو ظهري اول ..انت عندك كم خيار اذا كنت تبع مستشفى معين الحرس او الامن اوالعسكري كلها فيها نفسي اطفال وعلاج سلوكي وتخاطب ممتازه وفيه عبد العزيز المتميز بالتخاطب وفيه اللي يدلك على كل اللي يناسب بنتك وايش تحتاج مستشفى الامل هو اول كان الدخول ميسر لكن للاسف عقدوه لكن انت افتحي ملف وانتظري الموعد غالبا بعد شهرين واذا كنت تبين افتح لك ملف من عيوني ونفس كلام سكوره اقري الملف السابق بيفيدك كثير وضروري تاخذ علاج يهديها اذا كانت توصل للضرب الله ييسر امرك واذا تبين شي اامري.
    اشيل هم ..قرب الموعد تكفين لاتنسينه وطمنيني وش يصير معكم.
    بدويه..وش صار على عموري دخلتيه تعليم مكثف .
    هدير وغبير..اخبارك ياغاليه واخبار البطل الله يحفظه.
    غلا ابو ظبي ..وش صار على موعدكم اعطاه بديل للكونسرتا.
  3. @konsrta

    حيادتي بودي..هلا بك اختي ..اذ كنت اختي حاسه ان فهمه اقل من اللي في عمره اعرضيه على طبيب نفسي اطفال وشوفي وش يقول ونفس الكلام اللي قلته قبل اقري الملف التاسع فيه كلام مره مفيد عن كل شي ممكن يفيدك في ولدمك الاكل والفيتامينات والحميات والبدائل وبعض الكلام عن الادويه توكلي على الله واعرضيه على طبيب وان شالله بتلقين كل مساعده في هذا الملف من الكل.

  4. السلام عليكم ورحمه الله وبركاته
    حيّا الله كلن باسمه
    كونسرتا ياعمري الحين عموري في الروضه بس ساعتين ولسّى المدرسه الخاصه باقي الاجراءات لاني خلاص
    قررت أنقله بإذن الله والله يكتب اللي فيه خير ,,,
    سكوووره هل فيه اعانه للتوحد؟؟؟
    وهل فيه أحد من الملف ياخذ إعانه اللي تعرف تقولي ويش المطلوب ؟؟؟ :p
  5. @bdnyty

    بدويه في بريطانيا
    السلام عليكم ورحمه الله وبركاته حيّا الله كلن باسمه كونسرتا ياعمري الحين عموري في الروضه بس ساعتين ولسّى المدرسه الخاصه باقي الاجراءات لاني خلاص قررت أنقله بإذن الله والله يكتب اللي فيه خير ,,, سكوووره هل فيه اعانه للتوحد؟؟؟ وهل فيه أ…
    مرحبا سكر نبات وكونسرتا مشكورات جدا على ردكم واسمحيلي اختي كونسرتا معرفك نفس اسم دواء بنتي
    يعني صدفه ولا انتي عارفه
    انا اعالج بنتي عند عيادات ميدي كير وهم مرررررررررررره غالين وادويتهم ناااار
    بس احسهم باردين الى الان مافهمت منهم شي يعني كل شوي اختبار والنتيجه بعدين نقولك
    احسهم اهم شي عندهم الفلوس سوت لها اخر مره اختبار وقالت فيه تشتت انتباه
    وبنتي تاخذ دواء اسمه كونسرتا بس من اول مابديت الدواء وبنتي في حالة هيجااااان موطبيعي وتضرب نفسها
    وماهي طايقه احد ولما سالت الدكتوره قالت عادي استمري؟؟
    وانا والله ماني عارفه اوقف الدواء او استمر ياليت لو احد عنده خلفيه عن الدواء يرشدني؟؟؟

    ويااختي لو تقدرين تفتحين لي ملف في مستشفى حكومي اكون لك من الشاااااااااااااااااااااكرين لان ماعندي احد اعتمد عليه
    حتى زوجي مااسمع منه غير بنتك اكلت الراتب بمصاريف المستشفى خليها تنثبر احسن وانا ابغى اعالجها لان اعراضها تزداد مره وانا اخاف عليها والله ماانام من همها

    اللي يقدر يخدمني لايقصر ويبشر والله بدعوات اخر الليل ومن شخص مكررررررررووووووووووووب

تابعي تجارب أخرى من هذا القسم.