السلام عليكم ورحمة الله وبركاته.
اخواتي بنات عالم حوا بنتي سجلتها اولى ابتدائي ودخلتها مدرسه اهليه وفصلها مافيه الا15 طالبه والمدرسات مرة عسولات وفي المدرسه جميع مقومات الترفيه ماشاء الله اول يوم داومت مبسوطة مرة ماشاء الله وثاني يوم لما داومت وهي في ال*** قامت بنت تبكي بقوة واحسها خافت وقامت تبكي هي كمان وخلاص تعقدت من المدرسة صارت تبغى كل يوم اداوم معاها وفي الفصل كمان واذا خرجت تخرج معايه وماترضا تدخل الا اذا دخلت يحاولون فيها المدرسات مرة ماهي راضيه يوم الاربعاا راحت مع ابوها ومارضيت تدخل رجعها البيت واليوم السبت مرة مارضيت تروح وجلستك تبكي طيب ساألتها ماتبغين تروحين المدرسة قالت لا قلت طيب اسحب ملفك تقول لا جبت لها كل الاغراآت مانفع معاها جيت لها بالشدة مانفع برضه احسها تلفتلي اعصابي مين بنتها كانت كذا وبعدها تعدلت اعطوني خبراتكم..
شاركي في النقاش
سجلي الدخول لإضافة تعليق.
التعليقات
19- انا بنتي ثاني ابتدائ تقريبا دوامت معها اسبوعين الى ان تأقلمت ومن كانت سنة اولى. يمكن شهر والى الان لو اطاوعها كان داومت معها انا بنتي خوافة وحساسة مره ولكن يبي لها شوية صبر وربك يفرجها
- انا بنتي فمه ماتصكر اول وثاني يوم هي الي تبكي وتبكي كل بنات الفصل ههههههههههههههههههه
وانا مسجلتها بحكومي وعارفه معاملتهم الخايسه مايخلوني ادخل معها الفصل فأضطر احط كرسي
برا بالحر واخلي بنتي تشوفني علشان تطمن وتكمل دوامها .
مره مرتين ثلاث وبعدين وديتها وحطيتها في الفصل وقلت لها اخوك مسخن وفعلا كان ولدي عمره سنه
تعبان وقلت لها بروح اوديه المستشفى ونهاية الدوام اجي اخذك توها عيونها غرغرت دموع بستها واعطيتها عشرين ريال
ووعدتها اوديها العصر عالم الاحلام هذا يبيع العاب وهدت ودعتها ومشيت
ورجعت الظهر عادي جدا ومشى حالها. - صاحبة الموضوع #68184850والله حتى هي حساسه وخوافه الله يعين المشكلة مرة ماهي راضية تقتنع بالمدرسة ماهي راضيه تتأقلم مع البنات الله يعين حتى المدرسات حطموني يقولون مايسير تجلسين تداومين معها بتتعود ومن ذا الكلام وزوجي قال شوفي بتداومين ولاتسمعين كلام المدرسات طنشيك منهم
مشكورة ام بعبودي - اشكي لي ابكيلك اليوم راحت بالغصب انا مسجلتها حكومه والعام تمهيدي خاص واخر السنه 3 اسابيع غياب وصياح ماتبي تداوم
والسنه هاذي داومت معاها اول اسبوع والاسبوع الثاني رحت السبت بس
والاحد جلست تصيح قلبي ما طاوعني بس ابوها مسكها من يدها وجلس يسولف معاها وطلعت معاه وهي تبكي يقول لين وصلنا باب المدرسه وهي لسه تبكي وما تبي تنزل وهو شغال يقنع فيها ويشجعها عاد ربي رحمها وشافت وحده معاها بالفصل وقالت لأبوها قالها الحقيها بسرعه وتحمست ونزلت خخخخخخخخخخخخ
بس لسه كل يوم تبي تروح لازم موال بكاء الله يعين يارب وتتأقلم مع المدرسه بالنسبه لحالتك شدي عليها ولا تداومين معها واستودعيها الله وهي تتأقلم شوي شوي
بس انصحك بالتدريج يعني لوكنتي توصلينها الفصل وصليها للدرج وبعده وصليها لباب المدرسه واللي بعده خليك في السياره وخليها تبكي شوي وتسكت بتشوف البنات وتنسى السالفه - شوفي ياعمري شدي عليها معليش انا كنت في ادارت التمهيدي الاباء يدخلون اولادهم ويروحون وتعالي اسمعي الصراخ بس احنا نشد عليهم وندخلهم يبكي شوي بعدين والله يسكت من نفسه انتي دلعتيها وانتي الي ساعدتيها على الغلط اتركيها ياعمري ولاتخافين عليها صدقيني بتبكي شوي وتسكت ترضى بالامر الواقع بكره قولي ابرووح معك بعدين دخليها وقولي اي عذر انا تعبانه بروح للدكتور واجي او انسحبي بدون ماتعرف وبتسلك اكيدوالله يعينك الدروس فاتتها موفقه ياقلبي
مواضيع مشابهة
تابعي تجارب أخرى من هذا القسم.