السلام عليكم ورحمة الله وبركاته
ياجماعة الخيير والله متضايقة وبلشاانه مع ولدي
السالفة ولدي اول ابتدائي ولم يسبق ودرس تمهيد كان رااافض :mad:والحين من بداية الدراسة كل يوم سالفة وصياااح وكم يوم غاب ومايبي يدرس مع انه كان متحمس وشاري اغراضه بنفسه ومتنقيها ومخلينه ع رااحته علشان يرغب المدرسة اكثر بس تفاجئنا فيه انا وابوه
راافض يروح للمدرسة الا يكون ابوه معه طول الدوام يعني اول اسبوع كان معه وقلنا اكيد بيسلك مثله مثل غيره وللأسف رااافض
معن اخوه معه في نفس المدرسة
والمشكلة ابوه نظام عمله شفتات مايقدر يروح معه يوميا يعني ايام يكون جاي من عمله الصباح وصعبه يروح معه
والي مضايقنا اكثر انه بسم الله عليه ذكي وشاطر كل الحروف عارفها وبعض السور حافظها وخطه حلو فما نبي تظيع عليه سنة
واذا المدرس عطاه واجب يتحمس ويعلمني ونحله سوا لا يتريق ع الدروس انها بسيطة ليش يدرسونا هذي:09:
ماخلينا شي مدحنا حفزنا بالهدايا والطلعات
تخيلو اليوم ارفض يغير ملابسه جيته بالهداوة مانفع شديت عليه خاف ولبس وهو موراضي ورفض يفطر يالله جبرته يشرب شوي حليب
والحين ابوه يكلمني ويقول راافض يدخل الفصل ودخل معه الفصل والمدرس يشرح
ابوه اوصلت معه والله قاعدة اهدي فيه وقوله تحمل علشانه وعصب علي :44:عذرته وصكت
مارديت عليه
الحين ابي رايكم نخليه يبطل والسنة الجايه نرجع ونسجله بس المشكلة السنة الجاية يقولون لازم شهادة تمهيدي وماراح يطيع ندخله تمهيدي
ولا نصبر وبيسلك وترح هالأزمة:44:
انتظر تجاااربكم
وسلامة تسلمكم
شاركي في النقاش
سجلي الدخول لإضافة تعليق.
التعليقات
14- ✿✿
وعليكم السلام والرحمه ............
لا عادي أختي خليه صدقيني بيتعود .....................
بسم الله على ولــدي أول مادخل المدرسه راح أبووي معاهـ
أول يوم وثاني يوم عشان يتعود ولدي على المدرسه ........
اليووم الثالث قال ولدي لأبــوي أنت وشفيك كل يوم جاي
معايا أنا رجال ماأخاف هههههههه ...... والله لايوريك
مضاربات كل يووم وحووسه .. بس ألحين سنه ثانيه وأحسه
عقل الله يخليه لــي ÷÷ مو كنك شطحتي عن الموضوع ..!!!
لا صدق أختي خلي ولدك عسى ربي يهديه ويحب المدرسه ...
✿✿
لاإله إلا الله محمد رسول الله - الله يعينك يا اختي والله حاسه فيك
نصيحتي انكم تحاولون بشتى الطرق ومع الوقت ان شاء الله يتحسن بس قووا قلوبكم شوي
وشيلوا فكرة انكم تأجلون الدراسه لانه حتى لو تأجلت اش راح يتغير ابتبقى الفكره براسه ويبحس انه كل ما رفض يروح يتحقق له مطلبه وبتستمر المعاناه وطني أجمل ✿✿ وعليكم السلام والرحمه ............ لا عادي أختي خليه صدقيني بيتعود ..................... بسم الله على ولــدي أول مادخل المدرسه راح أبووي معاهـ أول يوم وثاني يوم عشان يتعود ولدي على المدرسه ........ اليووم الثالث قال ولدي لأبــوي أنت وشف…
السلام عليكم 00الله يصلحه وتشوفينه مستقبلا احسن اخوانه 00يا اختي عادي الي قاعد يصيرلولد ك.....اولا لانه ما دخل تمهيدي...ثانيا لانه بنحرم منك ربع الوقت 000ثالثاعموما جوالمدرسه شى جديد عليه000 الحل 1/انك كل يوم تصحينه عادي ولاتطا لعين تعابيروجه2000/شوفي وش لشي الي يحبه ولا يستغني عنه 00اذاعرفتيه قولي له اذا رحت للمدرسه بهدوء بجيبلك زيها مثلا 00شريط او كره اوعلبه الوان 300/ واذا جاء من المدرسه اسئليه وش اختم في المد رسه علمني اظهري له انك ماتفهين في المعلومه الي قاعد يقولها لك وانتي تسئلينه اتحمسي في السئوال خلي تعابير وجهك مستغربه ..4/اذا قالك المعلومه وخلص صفقيله وعلى طول كافيه ...ان شاءلله اكون ساعدتك واستفدت000بالتوفيق00- اختي خليه يستمر واتحملي هالسنه
بنتي نفس الوضع عذبتني كثيير باولى ابتدائي لانها ماكانت رايحه تمهيدي
وكل يوم قلق وبكاء وماتبغى اتروح
والحمد لله عدت السنه على خير الله يكتبلنا واياكي الاجر
بس انا ماتركتها وكنت اروح صفها واكتشفت بالصدفه انه في بنتين يضربوها
واعتقد كان السبب الي مسببلها كره للمدرسه فكلمت المدرسة ووصيتها عليهم وعلمتها عندهم
الخلاصة حاولي تساليه ازا احد يضايقة ولا يضربه ولا مهدده
وموفقة اختي - نفس ولدي اول اسبوع نفس الطريقه وكان قبل ماينام يقعد يبكي وكل يوم يطلع لي بقصه مره يدي توجعني مره خشمي مره رجلي بس انا كنت حازمه معاه واذا شفته يبغى يبكي احاول اشغله في شي ثاني والحمدلله الحين بدا يتعود حتى ابوه نفس الطريقه كل يوم يروح معاه ويقول بس جالس وساكت ولايتحرك من جنبه بس لما صار يروح في الباص ماعد صار يشتكي بالعكس ودايم اشجعه واقوله انت رجال وصرت كبير وكل الاولاد يروحون واخليه يكلم اولاد اخواتي ويحكونه عن مدارسهم وفرح لما عرف انه حتى هم يروحون وكذا لين تاقلم بس باقي عندي مشكله انه مايشارك في الحصص ولا مع المدرس مع انه ماشاء الله شاطر وحافظ كل شي بس خجول مره المدرس يفكره مو حافظ
مأايدك انكم تخلونه يبطل السنه هاذي اصبري عليه شوي وخلي ابوه ينسحب شوي شوي ويخليه يروح في الباص عشان يشوف الاولاد ويتعود انا ولدي كذا اذا ابوه راح معاه مايخليه يطلع يقعد متعلق فيه بس لما صار يروح في الباص خلاص تعود
الله يخليهم لنا ان شاء الله ويعيننا على تربيتهم ويهديهم ويوفقهم لما يحبه ويرضاه اااامين يارب
مواضيع مشابهة
تابعي تجارب أخرى من هذا القسم.