خطيبة اخوي فرقتنا

السلام عليكم ورحمة الله وبركاته
حبيباتي حبيت اطلع من الي في قلبي ومالقيت الا انتم توقفون معي

القصه
امي واخوي
صديقة امي وبنتها

امي على نياتها
اخوي مايعرف شي اسمه غزل حده دبابات وتطعيس بالثمامه

صديقه امي خبيثه
وبنتها من النوع الي محد يحاسبه وراعيه فلها وربك يحلها
امها مطلقه وعايشين مع جدتهم

في يوم من الايام فجاءه جاء اخوي قال ابي اتزوج هالبنت
طبعا رفضنا
وحنا عارفين البنت
وطبايعها الشينه

كيف تعرف عليها
الله لا يعود ذاك اليوم
اتصلت امها بايام الجنادريه على امي قالت خلي عيالك يودونا الجنادريه
وامي الضعيفه قال يالله
راحت وياهم ومن يومها الولد مدري وشلون شبك معها "البنت" الله العالم الام مخططه للموضوع
المهم بعد رفضنا
امي كلمت امها وقالت لها ولدي يبي بنتك
وبس سكرت الموضوع ولا عاد كلمتها

ثم كلم اخوي امها
قالها امي رافضه بنتك وانا ابيها


دقت على امي وقالت لها ولدك ماراح استقبله لين ترضين وهي تكذب

وتجين معه وراضيه على بنتي
ثم كلمت اخوي واعطته رقم ابو البنت قالت كلمه واخطبها
كلمه وقال ابوها خير ان شاء الله

واتصل على بنته قال لها زواج مافيه وياويلك اذ ا عرفت انك مسويه شي من وراي

ثم دقت على اخوي قالت تبي بنتي
جيب شبكتك وتعال وبزوجك بنتي غصب عن الي مايرضى

وبجيب شيخ يعرفه اخوي بيزوجك بدون حضور ابوها ولا موافقته مايهمنا ::ابي اعرف يصير والالا

اخوي ماصدق خبر راح شراء شبكه وراح لهم لحاله
مامعه احد


واخوي يقول بنتزوج ترا عناد فيكم ليه ترفضونها

وصارت كلما اتصلت عليها تعبي راسه على امي

امك ماتحبك وامك ماتبيني وامك وامك ::::
وتقوله من زين ابوك الحين يوم يقول مانبيها
وهو ساكت لها

حسبي الله عليها
الحين مايكلم امي ولا ابوي
ويسوي كل شي بشورها توديه وتجيبه على كيفها الحين يجهز لها شقه جعلها ماتدخلها ولا تدوسها

استغفر الله كنها ساحرته
حسبي الله عليها الله لايوفقها ولا امها والله يجعل دربها ويا امها درب المصايب والا حزان
ويجعل فرقاهم بـأتفه الاسباب

ويسلط عليهم ابوها ويجعل فراقهم على يديه ويرد
اخوي يارب ياكريم

ابوها مايدري عن الشبكه ناوين انهم يحطونه امام الامر الواقع بعد الملكه


بنات الي قرت قصتي وغصتي
امانه ماتطلع الا بدعوه
الله يبعدها عنا ويفرقهم قبل يتملك عليها ويرتبط اسمنا باسمها











163 تعليق 14,497 مشاهدة

شاركي في النقاش

سجلي الدخول لإضافة تعليق.

التعليقات

157
  1. @gy_gy_hz

    والله يااختي مااقول غير اذا دخلتها عليكم بخير الله يوفقهم واذا دخلتها عليكم بشر الله يصرفها عنكم ويعوضه بوحده احسن منهاا
    مره سمعت الشيخ يقول اذا واحد بيخطب وحده اهله يكرهونها مايتوفق معاها
  2. @mnaaaaor2011

    والله امركم عجيب غريب الحين امها عقرب رمل او انها ساحرته طيب ابوها درى مااتوقع يدري والا الزواج ماراح يتم وبما ان اخوك رايح



    معها نصيحه ثم نصيحه سايسوه احنا نحبك ونبغى مصلحتك واذا تزوجها عااد مافي اليد حيله ومصير الزواج اللي ينبني على فشل ماراح يتم الله يكتيلكم مافيه خير الك ولامك و اخوك
  3. الله يهدي و يحنن قلب اخوك عليكم

    حاولي توسطي احد يعزه ويحترمه خال عم او صديق ويكلمة مرة واثنين وثلاثة عسى الله يهدية ويغير راية

تابعي تجارب أخرى من هذا القسم.