اللي كانت عندها زمان قنوات غير السعوديه تدخل وتساعدني

السلام عليكم

مساء الانوار سنيورات

اللي زمان عندها قنوات غير السعوديه الاولى والثانيه تساعدني في برنامج ادوره من زمان

والله ما اتذكر يجي على اي قناة

هو كانت الام بي سي تجيبه ولا البحرين ولا قطر ولا الكويت :icon33:

هو برنامج توعوي واذا مو غلطانه للصغار وومكن الكبار يتابعونه

اذكر امي كانت تتابعه معانا مع برنامجها المفضل صباح الخير ياعرب ايام نشوى الرويني الله يذكرها بالخير

سالت امي تقول اتذكره بس ماتتذكر اسم البرنامج ولا عارفه نوعية البرنامج
هو عراقي ولا اردني

البرنامج علشان اللي تتذكره تساعدني

عباره عن حاره مغلقه .. يعني مو مكشوفه

والبيوت عباره عن فواكه وخضار مثل كذا









اقصد الفواكه نفسها .. مو المكان

يعني البيوت كانت فواكه وخضار

والناس فواكه وخضار

هم ممثلين لابسين فواكه وخضار مو مطلعين الا يدينهم ورجولهم وراسهم

يعني اللي لابس برتقال واللي لابس باذنجان ...الخ

واذا مو غلطانه الظاهر القصه على اساس ان في واحد

وهو شخص عادي ( مدري هو فنان عراقي ولا اردني بس كان كبير بالسن )

يدخل هالقريه ويتفاجئ فيهم ويعيش معاهم

وكل حلقه عن مرض

يعني مره ان الفنان تعبان وعنده انفلونزا

يجيه الفنان اللي لابس برتقال ويعطيه برتقال ويحكي له فائده البرتقال

وكل حلقه عن مرض وايش علاجه وفائده كل فاكهه او كل نوع من انواع الخضار

وكان عندهم بالقريه مثل السوق .. وعياده


قطعت اليوتيوب وقطعت قوقل صور ادور على البرنامج بس ماعرفت

اكتب مدينة الفواكه..بس البرنامج كان خضار مع فواكه

اكتب لكل مرض علاج .. ما اخبر ان في برنامج بهالاسم

هو البرنامج قديم ..

مافي ممثلين خليجيين .. هم يشبهون حقين المناهل

بس ما اتذكر اذا البرنامج عراقي ولا اردني


والله البرنامج جدا رائع ..ويستحق انه ينعاد

حرام في برامج زمان كانت حلوه وصار مصيرها الادارج

يعني هالبرنامج اللي ابغاه

والمناهل

وافتح يا سمسم

وبرامج الكبار ..

مثل صباح الخير ياعرب اللي كانت تقدمه نشوى الرويني يوم كان بث الام بي سي من لندن
ومن كثر ماكان البرنامج حلو والمشاهده كثيره حولوه من صباح الخير ياعرب الى مساء الخير ياعرب

وبرنامج يقدمه معتز الدمرداش كل حلقه شكل غير

وبرامج على البحرين وقطر والكويت

الحين برامج الاطفال مدري شلون قايله

وبرامج الكبار تجيب المرض

المهم ياجماعه

اللي تتذكر البرنامج حقين الفواكه والخضار تساعدني .. حدي مشتاقه له






169 تعليق 17,882 مشاهدة

شاركي في النقاش

سجلي الدخول لإضافة تعليق.

التعليقات

169
  1. @shkolatayh

    ادكر مساء الخير يا عرب بس ماادكر البرنامج
    دوري في النت
    وصادقه برامج ام بي سي زمان احلى بكثير من الحين
  2. @ran_mory_2

    صاحبة الموضوع
    شكولاتايه
    ادكر مساء الخير يا عرب بس ماادكر البرنامج دوري في النت وصادقه برامج ام بي سي زمان احلى بكثير من الحين
    لو يسلمني وليد الابراهيم ام بي سي يوم واحد

    كان حطيت كل برامج زمان

    علشان يعرفون ان برامجهم زمان احسن من الحين

    اللي يشفع لهم الحين

    برنامج خبايا اللي يقدمه سعود الدوسري خاصه حلقة البارح عن حريم القاعده .. الحلقه كانت نار

    وبرنامج شواهد اللي جابوه العام واللي تقدمه نيكول تنوري .. حتى عادوه هالسنه

    بس ليتك تعصرين مخك معاي وتتذكرين اسم البرنامج او على الاقل اسم الممثل

تابعي تجارب أخرى من هذا القسم.