لو زوجك مثل زوجي وش بتسوين ؟؟ردوا الله يسعدكم

بناااااااات ابيكم بسالفه وابي رايكم فيها

زوجي امس طلع من الساعه 6 ليلا الى الساعه 1 ليلا وهو مو من النوع اللي يطلع ذا الطلعات يوميا تجيه ايام لازم يسوي ذا الحركه بس كنت اشغله تلفونات لين يجي ابكر على الساعه 11 واذا رجع بدري ركبني الغلط وهاوشني وسوى فيني عوم مالها اول من تالي لدرجه اني اشاهق من البكا
هالمره قلت يابنت اثقلي ومو كل مره ابكي واتضرر انا واللي ببطني وهو رجال ماهمه الا نفسه

المهم ادري انه مسوي شي غلط والدليل انه يحاول مايقعد معي عشان مااساله وين كنت ولانه داري انه غلطان وبيني وبينكم هو بالعاده اذا غلط يركبني الغلط غصبن عني بس هالمره انا ماسكه اعصابي على الاخر والدليل سويت له الغذاء وغسلت ملابسه ولاذرفت دموع كالعاده عشان كذا يحاول يفكر بتصريفه:angry:

السؤال هو كيف اتصرف معاه لارجع من الدوام والله عجزت من التفكير طول الليل وانا اتقلب ياربي وين كان غاطس وغير كذا بجواله رقم سري وياويل اللي يقرب من جواله

بنات انا وضح علي اني ماخذه على خاطري ويوم قال لي وش فيتس << ترى عاده مايسال بس يبي يتاكد انا نايمه بدري والا لا ؟ لاني بالعاده اتصل عليه وهالمره مااتصلت فقال اذا كانت نايمه بدري اقول اني رجعت بدري (( اعرف حركاته )) المهم يوم سال وش فيتس قلت ابد بس ماخذه على خاطري من سالفه وبسسسسسس




الحين وش السواه وش اسوي لاني تعبت من حركاته هاذي حسبي الله على بنات الحرام وعلى اخته اللي بتذبحني قبل يومي << لاتقولون وش دخل اخته لانها قد كوتني في قلبي كذا مره جعلها تذوق اللي ذوقتني اياه :44:




الدبره يامتزوجات وكروشات ماعندي احد اشكي له الا انتم وش السواه
اناعموما ابتصرف عاد ي بس الى متى زوجي من النوع الي لو اقعد سنه سنتين ماعنده اي مشكله خاصه ان ماعنده نقطه ضعف زي اي رجال يعني عاااااادي عنده ولو تزينت وحطيت وتكشخت ماهمه يعني بارد جنسيا معي بالعربي


ياخواتي تكفون وربي اكتب والعبره فيني وش السواااااه:(


يسلمو بنت عمي على اعطائي معرفك

50 تعليق 9,159 مشاهدة

شاركي في النقاش

سجلي الدخول لإضافة تعليق.

التعليقات

47
  1. @nnosh_9

    ماادري وين المشكله ؟ بس لانه خرج سته ورجع وحده؟
    زوجي احيانا يطلع مع اصحابه بعد العشاء ويرجع وحده او اثنين وبالنسبه لي عادي جدا ولاحتى اساله ليش تاخرت
    الله يسعدكم ويهدي سركم
  2. @frohh_alhloh_1

    زوجك مايبي وحده تسأله ولا تتصل فيه تشغله
    اتركيه براحته خليه يروح دام اشغالك مخلصها وانتي استمتعي بوقتك وقهوتك وحلاك
    وتلفزيونك
    ولاتنتظرينه ابد
    نصيحه مني
    ولا ترا بعدين اذا جاك عيال يصير مايرجع الا لما تنامون
    خليه براحته
  3. @khryf_alshtaaa

    لا تركضين وراه ولا تتصلين خليه متى ما رجع رجع
    طنشيه بس بأدب مهما كان هذا زوجك
    تبين الصراحه رحمت زوجك احسك ملاحقته تلفونات واستجواب لما يرجع
    انتي اعطيه الثقه حتى ما يغلط ويخسر ثقتك فيه
    الله يسعدك ويهدي سرك

تابعي تجارب أخرى من هذا القسم.