فـــــــــــن التقـــــــــديم لبنــــــــات الريــــــــاض * الملف السابع *

السلام عليكم

انا يابنات بكريه واول نفاس لي وانا اكبر خواني وخواتي ولا عندي خوات يعني كل شي على رااااسي ولا ابي اتعب امي يكفي انها شايله همي

ويمكن ولادتي بتكون نهاية شهر 12 الله يفرج علي يارب

عاد ودي بهالوقت ادور حلويات وموالح واشياء التقديم عشان اعرف وش اشتري واخلي لاني بكون ثقيله باخر ايامي مايمديني ادور وافرفر
عاد عجبتني حركة الصينيه المقسمه الي يجي تقريبا تسعه اقسام او سته وينحط بكل قسم نوع
وابي صواني موالح حلوه

انا مره قد شفت في شارع سلطان بن عبدالعزيز اتوقع هو الثلاثين محل شوكلاته في شوكلاته شفت عنده صواني موالح شي شي سي خرررافي بس حرااام ب 600 ريال وشووي مو كثير الي فيها

انا ابي صواني حلوه وانيقه بس لاتصير غاليه اذا تعرفون محلات كشخه ورخيصه تبيع موالح وشوكلا

عاد انا شقت بعد في المحل وحده جايه تاخذ صينيتها وماامداني اسال ولا حتى اصور صينيتها بس شكاها جديد وفكره حلللوه

(كانت الصينيه عبداره عن قزاز او بلاستيك بس المهم شفافه وجايبه ملاعق صين الابيض ومثبته ورى بعض بشكل حلو وكل ملعقه فيها شوكلا >> عاد السؤال هنا الضيوف ياخذون الملعقه ولا ياخذون الشوكلا بس لاني اتوقع الملعقه بثبته بقوه لان الصين ثقيل وهذي الملاعق شبه واقفه يعني مثبته بغرى) >>اذا احد قد شاف هالفكره تقولي عنها

تكفون ابي مساعدتكم باشياء معقوله مابي اسعار غاليه
وابي كيف طريقة التقديم والحركات
واعذروني انا جديده على هالشي :)

انا حابه اجمع اخواتي واخواني وعيالهم باستراحه وابي وحده تسوي بوفيه يكفي ١٥ شخص تقريبا
ويكون غير تقليدي
الله يفرج همها ويرزقها اللي تتمتى من تدلني على وحده شغلها واسعارها حلوه
وهل تتكفل بالبوفيه كامل من طاولات وصحون وحلا
او بس اكل ؟؟

 

بنات الله يوفقكم ،، وش الدارج بالترامس ،، واطقم البيالات والفناجيل من سنتين ونص اخذت البيلات الملونة والمنقشة بذهبي،، وبعد احس النوع اللي يجي عليه حروف عربية مثلجة قديم من 3 سنوات،، فكرت بالنوع المثلج اللي يكتب عليه اسم المولود،، بس احسه بيقيدني ما راح استفيد منه بعدين مع أنه غالي،، من قد شافت فكرة حلوة بالقرعاوي مثلا او العبد الوهاب او فن البيوت ،،تقولها الله يوفقكم أتوقع ما فيه امل لكثرة الدوران خاصة اني ما سويت ولا شي حتى تجهيزي وتجهيز البيبي.. فساعدوني الله يوفقكم ولكم دعوة حلوة


وبعد سكر الليبتون خاش مزاجي أبي وحدة تبيعه،،

وعشان افيدكم رحت لوحدة بنفاس مسوية توزيعات مكسرات مغلفة جاية طويلة مثل الكيس اللي يحطون فيه الملعقة والشوكة والمنديل ببعض مطاعم الرز بس مو بيضاء شفافة ،،لا ملونة ومو شفافة،،ومطبوع عليها اسم المولود،، وأسماء ماركات مثل فيراري، جوتشي، ديور.. بس للأسف ما عندي صورة..

am-maher
الصياني المعبيه في المحلات تكون اغلى لانه يحسبون سعر الصينية بس ممكن انتي تشترين صينيه من محلات المواعين او الهزازي او اي محل ابو ريالين وتخلينه يسوي لك نفس الفكره وبتطلع ارخص

يسعدني تقديم خدمات تجهيز الحفلات والضيافه والسيرفس ..