شوفي حبيبتي
انا بقولك قصتي واتمنى انها تفيدك
انا قبل سنه كنت حامل وكان عندي بنتين طبعا كنت اتمنى الولد
ويوم دخلت الرابع رحت لدكتوره ويوم سالتها عن جنس الجنين قالت بنت
طبعا ذيك الليله مانمت وقلت اكيد غلطانه باقي بدري
المهم دخلت السادس ونفس الشي قالت الدكتوره بنت
ونفس الشي ماصدقتها ورحت اشتري ملابس محايده باقي شاكه
وكنت برمضان بالسابع وماتتخيلين مع ان المفروض ما اقول بس
لاني حاسه فيك وكنت عايشه جوك كنت اصلي الترويح واجلس ابكي
وادعي ربي انه يكذب الدكتوره وان اجيب ولد
غير الصدقه قيام الليل والعشر الاواخر وختمت القران كذا مره
وفي كل مره ادعي عند الفطور والسحور والاذكار والاستغفار
وخلاص كنت متاكده انه ولد
ويوم رحت موعد باخر رمضان وكان الظهر وكان دكتور لان الدكتوره مسافره
ويوم سواء الدكتور السونار كان زوجي وبناتي معي قال الدكتور لزوجي مبروك ياابو البنات هذي البنت الثالثه
انت ابو البنات والرسول ابو البنات يابختك ياعم
ضحك زوجي طبعا زوجي ماعنده مشكله ولا واحد في ال100 الحمد لله
المهم رجعت البيت وامسك نفسي الاان دخل زوجي ينام واجلس ابكي الاان قلت بس ولا زلت مثلك اقول لا اكيد انه ولد وصرت اقراء عن الاخطاء في السونار ويوم الولاده توقعي ايش جبت
ايه جبت بنت
والله كل ماشوفها احس بذنب
والله ان ربي على قد مادعيته ما تتخيلين قد ايش لها محبه في قلوب العائله
كلها وكانها اول مولوده والله ابوها يجي يصحيها من النوم
عمرها الحين سنه الله يحفضها
انتي حامل ببنت والله يقومك بالسلامه ويخليك لبناتك
لاتعيشين حلم لانك بتعبين نفسك من التفكير
المره ذي بنت ولا انتي اول وحده ولا اخر وحده تجيب البنت الثالثه
والمره الجايه يارب ياكريم يرزقني ويرزقك بالولد الصالح يارب
اعذريني طولت عليك بس ريحي بالك ولا تخلين الشيطان يلعب عليك
حبايبي وااااااااسوني ولا تجرحوني وادعولي
متابعة النقاش، صفحة 16