كيف انظف البيت؟؟ يوميا

انا اقولك الحمام مراا سهل تنطيفة جيبي كلورلكس الخاص بالمرحاض وصبي بالمرحاض وبالفرشاة الخاصة بالمراحيض وزعي الكلوركس ع الكرسي وغطية ويعد كذا اتجهي للبانيو بالاسفنجة حقت الغسيل واشتري بخاخ فاضي وحطي فيه كلورلكس وديتول وعبي الباقي مويا وبخي بالبانيو وامسحي بعد كذا اتجهي ع المغسله ونفس الطريقة بخي وامسحي ولا تنسي الصنبور خلاص خلصتي ارجعي للمرحاض وافركي بالفرشاة من جديد واسحبي السيفون واخر شئ رشي البلاط حق الجدار مويا وامسحية بالمساحة والارضية رشي فيها موية وكلوركس وامسحي بالمساحة .. اما اهم المنظفات عندك للحمام كلوركس وديتول .. للمطبخ المذيب العجيب من فيري و كلوركس وديتول .. اما المشمعات لها منظفات خاااااصة انتبهي دوري عليها بالسوبر ماركت اما ماعندي فكره الانو بيتي مافي مشمع طبعا كنسي المشمع قبل التمسيح ..
افضل صابون للغسيل اومو و صابون الوزير المبشور طبعا الملابس البيضا انا اضيف لها فانش

قومي الصبح وشوفي الصاله كلشي رجعيه مكانه ومسحيها عن الغببار
وبعدها غرفة النوم نفس الشي وحطي الملابس في الغساله او في سله ومسحي الغبار
والمطبخ غسلي المواعين

وبعدين غسلي الحمام وكنسي البيت ومسحيه

طبعا اشتري لج منظفات مطهر داك ريحة الصنوبر او اي ريحه تعجبج ومنظف زجاج للتمسيح او انج تسوين بنفسج
تجيبين ماي وحطيه في بخاخ مع شوي داك او تحطين داوني

وفلاش والعملاق او داك او كلوركس للحمام وللكرسي استخدمي فلاش يطلع ابييييض

وللملابس صابون تايد ومعاه مزيل بقع كلوركس الملون او فانش ومعاه داوني عشان الريحه

وللارض مويه وداك ومسحيها بمساحة الارضيات في اشكال والاوان اختاري الي يعجبج

وللمطبخ اشتري صابون فيري اكيد يعني شي للصحون وبخاخ زماك او اي بخاخ للدهون على الفرن واذا بتمسحين سطح المطبخ
وسلك حديد خشن وناعم وجف

ومايحتاج اشيا مالها داعي وان شاء الله اذا نسيت شي البنات مايقصرون

شوفي الأخوات ما قصرو بس البانيو حطي في اليفة جف مسحي وشفي الراحة بس لازم كلور لتعقيم
بالنسبة للكرسي خودي من السبرماركت اللي تتركب علية ما اعرف اسمها هي انواع نوع يتركب عالكرسي ونوع ينحط جوت السيفون اللي تخلي الموية زرقة
ان شاء الله اكون افدتك

رررفع

أول شئ فيري بالليمون عجييب ينظف ويلمع الصحون ...
ثاني شئ لمسح السراميك ديتول وكلوركس وداك بالصنوبر وشوي لوكس ومسحي وشوفي اللمعة وفي هينا بنات مدحوا العملاق الأخضر جل لتنظيف يقولون ينظف ويعقم ويلمع وسعره رخيييص...

بالنسبة لدورة المياه فلاش يخليه كأنه جديد حطي وطلعي بعد نص ساعة فركي وغسليه بالماي...

منظف زجاج...
وملمع الأثاث بالليمون مااستغني عنه بعد ما انظف ارش وامسح بفوطة صغيرة لمعة عجيييبة..