ليه اطفالهم كدا ..!

السلام عليكم..
بصراحة انا مررة مقهورة ليه اطفالنا كدا انا مااعمم بس اللي اشوفه حوليا تقريبا زي بعض..
والله اليوم طول الوقت جالسه اتفرج علئ مقاطع اجنبيه ماشاءالله اطفال اعمارهم ماتزيد عن 4 سنين شفت مقطع واحدة تقريبا عمرها 3 سنين واقفه قدام خريطة العالم وابوها يسالها عن مكان كل مدينه وهيا تاشر والله اني انا مااعرفها...وطفله صغيرة عمرها سنتين امها تقولها قلدي صوت الحصان والقطة والكلب وهيا تقلد ماشاءالله..ومقطع طفله عمرها كمان سنتين تسوي كيك وتحل معادلات رياضيه وتشتغل علئ اله الحاسبه وتطلع الناتج..واغلب المقاطع اطفالهم كلامهم واضح وفاهمين اشياء عندنا طفل 6 سنين مايعرفها...ياترئ ايش السبب انا بنتي خلصت 3 سنين ماتعرف غير 5 ارقام بس والكلام مو واضح والرضاعه لين دحين مو راضيه تتركها ..حتئ لما احاول اكلمها ماتعطيني وجة..جبت لها قصص تقطعا كلها ..العابها تخربها ..بنتي من يوم تصحئ الصباح وماحس شي يسليها غير قناه سمسم وبراعم..
يابنات انا مااافضلهم علينا بس بعرف ايش السبب ..ياليت تعطوني نصايح امكن انا مااعرف اربي:44:

5 تعليق 881 مشاهدة

شاركي في النقاش

سجلي الدخول لإضافة تعليق.

التعليقات

5
  1. @ataabny_ghrory_6

    صاحبة الموضوع
    تسلمي علئ مرورك ياخت خيال..بس مااتوقع هدا سبب كافي عماتي مايرضعون غير طبيعي ماشاءالله الرضاعه مايعرفوها وفوق هدا زي طينه اطفالنا واخص كمان..
  2. @ktrat_almtr_2007

    حتى انا ودي اعرف استغرب حتى البنية الجسمانية عندهم والبشرة كلها تفتح النفس اجسامهم وعقولهم اكبر من اعمارهم
  3. قطرات المطر-2007
    حتى انا ودي اعرف استغرب حتى البنية الجسمانية عندهم والبشرة كلها تفتح النفس اجسامهم وعقولهم اكبر من اعمارهم


    اسمحي لي أن أقول مقارنتك ظالمة!! أنتِ قاعدة تذكرين "أمثلة" محددة عن أطفال الأجانب ، الذي رأيتهم هم حالة خاصة !


    ليس كلهم بهذا النموذج الذي شاهدته عبر اليوتيوب؟! أي ليس كلهم بهالعبقرية والشطارة واللباقة وحتى
    الحلاوة!


    بالنسبة للأطفال الذي أعجبتِ بهم .. آبائهم قبل أمهاتهم يعطونهم من الوقت ما يكفي وزايـد كمان حتى يصقلوهم

    بالمواهب والإدراك الحسي وتشغيل عقولهم وإثارة الفضول والمعرفة لديهم .

    نحن " البعض" الآبـاء يلتفتون لأطفالهم بالماديات غالبًا ويتركون أو لا يركزون على الجانب المعنوي والتربوي.

    أما الأمهات " البعض" فيكون جُلَّ اهتمامها .. أن يأكل ويشرب ويذاكر ويلعب وينام! لكن ماذا عن الكيفية، وفهم

    مقياس كل الذي ذكر؟ نحن نعطيهم الحب والحنان والرعاية لكن بشكل عبثي .!



    طبعًا أركز على " البعض" هنـاك أمثلة جميلة لأطفال العرب والمسلمين لا يظهرون على اليوتيوب وليس عندهم

    الوقت والأهمية لذلك.

  4. @smalmrog

    حبيبتي الذكاء والفطنه بالوراثه وهم معروفين بالذكاء

    احنا هنا نمل من اطفالنا كثير ونخليهم مقابلين التلفزيون لاننا نطفش منهم لكن هم لا يطلعوا برا البيت على طول واطفالهم معهم على طول يخالطوا ناس ثانيين والاطفال كمان وتحسي انهم اجتماعيين اكثر من اطفالنا مايعرفوا الخوف وعندهم ثقه بنفسهم لان ياقلبي التربيه من البدايه هي الاساس وانا بطبق هالاشياء مع بنتي ومابهاوشها على اي شيء اخليها تكتشف اي حاجه بدون ماشيلها عنها طبعا بنوتتي عمرها 10 شهور بس ناويه كذ1 باذن الله

تابعي تجارب أخرى من هذا القسم.