السلام عليكم
وحشتوني جدا والله
انا ببعتلكم والكتاكيت نايمين جنبي
طبعا انا مفيش وقت اقرا اللي فاتني خااااالص بس اللي اخدت بالي ان ميكو ولدت بالسلامه الف مبروووك يا جميل
تحبو تعرفو اخباري ولا اخبار القمرات؟
اخبار القمرات الحمدلله كويسين ما عدا الترجيع والشرقه اللي مرعباني بس كل الناس بتقولي انها طبيعيه اول 3-4 شهور
المشكله انهم لما بيشرقو نفسهم بيقف
عشان اطفال خدج ولازم عيني عليهم 24 ساعه
الحمدلله ربنا يحفظهم
ويحفظ كل الاطفال يارب
اخباري انا بئه وحشه
طبعا انتو عارفيني مهسسه درجة اولي
المشكله ان الموضوع زاد اوي عليا لدرجة مرضيه
محدش طايقني في البيت من الموضوع ده حتي امي
كل شويه اقولها لالالالا
اوعييي
امسكييي كده
متنيميهاش كده
وتفضل تزعقلي وتقولي انا والده ومربيه اربعه
سيبني اربيهم انتي هيجرالك حاجه
اقولها غصبن ني خايفه عليهم خايفه يحصلهم حاجه خايفه خايفه خايفه
تقولي انتي لو فضلتي كده هيحصلك حاجه
وحماتي برده نفس الحكاية بتقولي اهدي
والله يا بنات غصبن عني
بس فعلا انا بقيت حاله مرضيه ولا ده عادي بالذات مع اللي تعبو اوي عشان يخلفو
ولا لو نعست اقوم مفزوعه عليهم
ربنا يهديني ويهدي قلبي ويحفظهم يارب
تجمع الموقنات برحمة الله ( خبرات متبادلة حول مراكز تأخر الحمل في مصر ) ج 23
متابعة النقاش، صفحة 353