انا بقة حقولكم على اللى حصل انا كنت مش عارفة اخد ميعاد عند الدكتورة لانى جوزى ظروفه ملخبطة جدا فى الشغل وكنا نزلين اجازة لاسكندرية بتاعت 6 اكتوبر بس سبحان الله جوزى دهره تعبه اوى وكمان احمد اخد دور برد علشان كده الاجازة اتلغت وقلت خلاص نروح للدكتورة يوم الاجازة وفعلا اتصلت واتاكدت انهم شغالين ووانا اصلا كانت الدورة مش منتظمة وكانت الدكتورة كتب لى على دوا اخده اذا اتاخرت بس لازم اعمل اختبار حمل بالدم الاول وانا كنت متعودة على النظام دا قبل ما احمل فى احمد بس المرة دى بعد ما اخدت دوا لخفض هرمون اللبن وكمان الجلوكوفاج الدورة انتظمت سبحان الله ومش اخدت الدوا اللى بينزلها خالص وطبعا انا كان ميعاد الدورة 4 /10 ولما ما نزلتش قلت هى لخبطت تانى وروحت امبارح علشان اعمل تحليل الحمل وعلشان ابتدى اخد الدا وكمان قلت للمرضة فى المعمل انا عارفة انى ما فيش حمل بس انا بعمله علشان حاخد ادوية ما تنفعش وانا حامل وحتى ضحكت معها واصحبت عليها وقلت لها دا انا حبقى زبونة عندك كل شهر عرفت اسمها وقلت لها حاخد النتيجة بالتليفون قالت طيب كمان تلت ساعة اتصلى واخدت احمد ونزلنا اشتريت حاجات من السوق وعيشت حياتى عادى خالص ولما رجعت البيت اتصلت وكانت المفاجئة ......ايوه يا مدام فى حمل ...قلت لها انتى بتقولى ايه ...انتى متاكده انى انا ....قالت ايوه فى حمل ......... تنحت وقلت طيب الحمد الله وقفلت واتصلت بزوجى وقلت له والدموع محبوسة ...وقلت انا لازم اعيد التحليل انا مش مصدقة هى ممكن تكون غلطت قال لى وانا راجع من الشغل حفوت على المعمل واطلب التقرير ومش تقولى لحد قلت له طيب ........بس ما قدرتش روحت اتصلت باختى واتفتحت فى العياط وهى تهدينى واخدت رقم المعمل واتصلت بيه علشان تتاكد انى ما فيش اى غلط وفعلا اتاكدت والبنت قالت لها انا متاكده ميه الميه فى حمل واختى تقول لها معلش اصلى الموضوع حساس بالنسبة لاختى والبنت اتاكدت لها وجوزى راح واخد التقرير والحمد الله موجب ولحد دلوقتى انا بحاول اصدق
اللهم انى استودعتك ما فى رحمى فاحفظه لى حتى اكتمل نموه وقر عينى به انك لاتضيع الودائع عندك
اللهم ارزقنى بطفل سليم معافى الخلقة والخلق
تجمع الموقنات برحمة الله ( خبرات متبادلة حول مراكز تأخر الحمل في مصر ) ج 23
متابعة النقاش، صفحة 356