شاركي في النقاش

سجلي الدخول لإضافة تعليق.

التعليقات

1,047
  1. نوني رايحه للعدان وتثقين فيهم !!!!!!!!!!!!!!!!!!!!!!!!

    تدرين إني رايحه مستشفى مبارك الساعه وحده بالليل والدكتور ما رضى يصرف لي غير ماي والملح (الغسول) لأن يقول لو أي شي بيصير بالجنين منو اللي راح يتحمل المسئولية غيره!!!

    وأغلبية أدوية الحساسيه والبلغم تضعف من تدفق الدم للجنين ويؤدي إلى توقف القلب لا سمح الله

    لا تاخذين أي دوا بدون استشارة دكتور النسا والولادة
  2. هلا والله قوارير كثير حلو الموضوع والله ياريت نفس عن نفسنا شوي وننسى تعب الحمل مع بعض

    انا اخر دورة كانت 29-11 دي القعدة
    وموعد الولادة بادن الله 12-9 رمضان
    او 13 رمضان

    وانا هدا اول حمل لي وكثير تعبانة الله يساعدنا والنفاس برمضان
  3. @rsyl

    أهلييييييييييييييييين
    شأخباركم..
    أحلاااااااااااااا.. مين قدي... بيسمون علي..
    خلاص يا ضاع اسمي.. ولا يهمك ولادتك على حسابي..
    بس أخاف يطلع ولد.. ونروح وطي.. لا اسم ولا يحزنون..


    أعتذر لاني مستعجللللللة..

    على فكرة أم مارية تسلم عليكم.. وتقول أنه كان معها صداع نصفي قوي وبعدين اختبار تسميع سورة البقرة كاملة.. ويوم الجمعة بتسافر باكستان عند أهل زوجها.. ويمكن تطول هناك..
    تسلم عليكم واجد..
    وتقول أنها بترسل موديلات حوامل وتبي رأيكم بكل صراحة فيها بدون مجاملة..

    أنا غايبة اليوم عن الشغل لأن بنتي كانت حرارتها 40 طول الليل تعبت معها الله يسلمها..
    الحمد لله الحين أحسن..

    بالنسبة لي..
    إذا ولد عزوز.. زوجي موب راضي يتناقش في الموضوع.. أقوله أول واحد المفروض يصير اسمه خفيف وبسيط علشان تصير أبو فلان وأنا أم فلان..
    أبو عبدالعزيز أحسه طويييييل...
    أنا أموت في اسم يوسف.. لكنه مو مقتنع..
    وإذا بنوتة.. يمكن الجوهرة.. مع أن أهلي بيذبحوني ما يطيقون هالاسم.. لكن ما أدري ليش أحسه ماشي مع نجود..

    طبعاً أنا ودي بأسماء رقيقة.. رسيل.. رند.. شادن.. أمووووت فيها..

    لكن أمي ما تطيق الأسماء الجديدة على قولتها وزوجي نفس الشيء.. أحبطوني..
    مع أن زوجي واعدني أول ما تزوجنا أن أسماء البنات علي والأولاد عليه.. بدون تدخل..
    بنتي الكبيرة الحين .. قاعدة تقترح... تقول.. روابي..
    بس حامض على بوزها.. بايخ..
    والصغيرة تقول غدير.. مش بطال..

    شرايكم؟

    يووووه.. أحس يوم الأحد بعييييييييييييييد.. متى يجي..؟
    يا رب تحيينا على طاعتك..
    أنتظر السونار..


    على فكرة..
    اللي يقول لكم البكرية تطول ما عنده سالفة..
    ما فيه فرق يذكر..
    أنا بكرية.. كملت التاسع بالضبط.. اليوم اللي كملت فيه ولدت..
    وفي الثانية قبل أكمل التاسع بيومين.. لكن لأن كمية الماء بدت تقل كان فيه تسرب بسيط بالماء حفز الولادة..

    أنا ناوية..بإذن الله..
    سواء قالوا لي ولد أو بنت ما أٌول لأي أحد.. لا أمي ولا خواتي ولا زوجي..
    لأن زميلتي في العمل قالوا لها ولد.. وبلغت الكل..
    وشرت بلونات زرقاء لغرفتها في المستشفى و ITS A BOY! وهدايا زرقاء وسرير بيبي أزرق وكللللل شيء..
    وكان منظرها محرج الناس تدخل عليها بالمستشفى و ITS A BOY على الباب.. وهي جابت بنت!!!
    طبعاً خلت أختها تشيل العبارة.. لكن كانت منحرجة جداً..
    تقول أنهم قالوا لها ولد 90% واضح جداً كذا مرة..

    ومرت خالي قالوا لها بنت أكييييييييييد... سوت السونار 3 مرات.. حتى في التاسع قالوا لها بنت..
    يوم ولدت قالوا لها الممرضات ولد!
    تقول أني أقول لهم (وأنا تعبانة وهلكانة).. لاااااااا.. بنت.. شوفوا كويس!!
    يقولون ولد..
    أقول لهم لا اا بنت أنا دكتورة قالت بنت (واثقة).. جيبوها أشوفها..
    تقول والله يوم جابوه انصدمت.. كيف؟!.. وهم يضحكون علي..
    خاصة أنه جاء بعد 3 بنات.. الله يحفظه بس كان معه بعي يعني الأعضاء داخلة شوي علشان كذا ما بان بالسونار.. سووا له عملية بسيطة والحمد لله رجع طبيعي..


    شفتوا شلون..
    هذا وأنا مستعجلة.. خخخخ

    بنات وين حنين الفهد؟..
    من زمان عنها

    الراجية..
    أنتي معي.. شدي حيلك.. ترى ما بقى لنا إلا 10 أيام ونكمل الرابع وندخل الخامس بإذن الله.. ونشيخ عليهم.. خخخخ
    مساكين توهم يدخلون الرابع..
    بشرينا عن أخبار التليف بس واظبي على الرقية الله يشفيك..

    على فكرة يا بنات..
    أنا خفت.. أمس تقول لي زميلتي أن أختها توها مكملة الرابع داخلة الخامس وسقطت بدون سبب..!
    تقول أن له ملامح واضحة وكاملة وله شعر وأظافر سبحان الله.. وتقول أنهم غسلوه وسووا له شهادة وفاة.. ودخلوه الثلاجة.. بعدين كفنوه ودفنوه.. يا الله.. كأنه انسان كامل سبحان الله..
    ما تخيلت كذا..

    أنا في حملي ما أرتاح نفسياً إلا إذا دخلت السابع.. أحس أنه إن شاء الله فيه أمل يعيش لو ولدت مبكر سبحان الله والأعمار كلها بيد الله..


    نوني..
    ليش دعيج..؟
    كذا عاجبكم وإلا على أحد..؟
    صراحة الاسم محليه دعيج الصباح ما شاء الله..
    طيب ولد زوجك شاسمه؟

    أم عبدالرحمن..
    شماء وإلا شيماء؟
    ما أدري شماء أحسه اسم عجايز.. ما عاد أحد يسميه..
    طيب بنوتك شاسمها الله يحفظها؟

    اللي معهم امساك..
    أنصحكم بـ All Bran مثل الكورن فليكس لكن من قمح كامل.. لذيذ.. ويمشي البطن..
    حتى مكتوب عليه أنه ينظف من الداخل..
    وطعمه أحلى من الكورن فليكس حتى بناتي صاروا يموتون فيه..
    وأحس فعلاً أنه ينظف البطن ثاني يوم.. أعزكم الله..

    ضاااع اسمي..
    أنا هالأيام أسوي تخفيف.. والحمد لله ما زدت ولا كيلو لحد الآن..
    أنتي شأخبارك؟


    قوارير..
    شكلها راااااااااااااايحة في سابع نومة.. بعد قومة الصبح اليوم خخخخخخخخخخخخ
    أحلام سعيدة أم حمودي...
    أقول ليت من يكب عليك موية باردة الحين ههههههههههه...
    << موظفة شريرة ومقهوووووووووووورة من نوامات الضحى

    ..
  4. السلام عليكم،
    بنات >>>>>>>>>> كيفكم

    رسيل>>> كل هذا مستعجلة؟؟؟؟ لووووووووول
    والله ونستينا بسوالفج
    حبوبة زوجي كله ينادونه ربعه ابو دعيج من قبل لا يتزوج وليلحين حسبالهم ولده اسمه دعيج
    بس سماه عبدالكريم على خاله الشهيد
    انا حبيت الاسم وايد احسه ذرب

    ماميتو>>> انا متضطرة اراجع العدان اخت زوجي تشتغل في قسم النسا والولادة
    والي وصفتلي شراب للبلغم دكتورة حمل وولادة>>> اقولج انا استغربت
    وحطيت حيلي بالعسل والليمون

    ضاع اسمي>>> حياج الله مرة ثانية وخلج من هالدكاترة الداجيين >>> وايد اكو من هالاشكال

    الدمعة الدافية>>> حياج الله عرفينا على نفسج

تابعي تجارب أخرى من هذا القسم.