ايش الاشياءاللي عملتيها في بيتك وتندمتي لانها تعبتك في التنضيف

رفع......

مبرووووك البيت الله يهنيكم ويوسع عليكم
ويرزقنا بالبيت الملك وكل من يتمنى
أنا رأيي مثل البنات أبعدي عن التعتيق
والأرضيه لاتركبي سيراميك ركبي بورسلان فخم
وألوانه حلوه قريبتي ركبت بورسلان مررره يجنن

منزل مبارك ان شاء الله تسكنينه وانتي باتم العافيه والصحه

لا تغلطين غلطتي حطيت سراميك خشن متطفي والمشكله لونه

اوف وايت مشكله في التنظيف وان اخذته خشن على شان عيالي

مايتزحلقون هو مريح بالنسبه للاطفال وهالحين عيالي كبرو

وقلت لبعلي غيره وعيا قال اختيارك وتحمليه

صراحه البيت فيه كئيب

بيت السعادة يا رب وتتهني فيها
من تجاربي
ابعدي عن الدربزان اللي شغله كثير لأنه متعب بالتنظيف اختاري الناعم البسيط وفتحاته ضيقة علشان الأطفال
الأسقف ابتعدي عن المخفية فهي تجمع أتربة ووزغان .......
السيراميك أو الرخام أو البورسلان خذي السكري الفاتح ومموج بسيط غير واضح افخم وأسهل في المسح أنا عملت البورسلان اللؤلؤي للضيوف رائع
البويات الملونة الغامقة متعبة في غرف المعيشة والأطفال لأن إذا مسحتيها راح اللون مهما بلغت من الفخامة وأحياناً ينقط عليها المكيف ويا سلام على الحوسة و أما الضيوف لا بأس بس على بساطة
أنا عملت بوية صالة الضيوف أسود وفضي ورمادي طلعت جنان خاصة مع الأثاث وندمت إني ما عملت غرفة الحريم زيها
ابتعدي عن بلاط الحمامات الغامقة والله حمامات الضيوف تعبتني رغم جمال ألوانها
الحوش خذي بلاط يتحمل الغبرة لأنه يتوسخ بسرعة
هذا إللي جاء في بالي ..... وموفقة يارب