زوجي وسرطان الدماغ ونفسيتي

السلام عليكم ورحمة الله وبركاته

حسبي الله لاإله إلا هو عليه توكلت وهو رب العرش العظيم

نفسيتي مره تعباااااانه وكله قاعده اصيح احس بانهيار
قبل فتره حس زوجي بصداع فضيع واخذ موعد ورجع لي وطمني انه كل شي تمام وهو فيه ورم خبيث بالدماغ
وقتها كنت حامل وتعبانه ماقال لي شي
ولدت ورجعت بعد النفاس وقت حملي كان صعب وكان معي جرثومة رجعت مبسوطه ان كل شي بيتغير والضغط اللي مرينا فيه بيروح بعد مارجعت
نفسية زوجي متغيره مره وجهه شاحب وماصار ياكل متغير مره ويعصب علي وعلى بنته تعبت منه ماادري وش فيه
حسيت وصلنا لطريق مسدود ماادري ليش يعصب زعلت منه
وقتها صارحني انه اللي في راسه ورم وماكان يبي يخوفني
انهرت وقعت اصيح طبعا ماقال لا احد وحلفني مااقول لاحد المشكله مايبي يروح يعالج
يقول ماابي كيماوي
بنات انا منهاره كل شي بحياتنا تغير احس اني مخنوقه وخايفه
ماياكل ودايم يحس بصداع يقول لي والله انا ماادري اصحى ولا لا انا تعبت وهو ماقالي ليش ماعالج يمكن مافيه امل ويمكن منتشر حتى اخوانه ماقالهم لان ابوه فيه قلب واحد من اخوانه يجهز لزواجه
بنات انا تعبت حتى الوقفه يالله اقدر اوقف مالي خلق لشي كل شي ببيتي اهملته مافي يدي شي بموت احس بحرقه بصدري والله مخنوقه
اخاف يموت وش بسوي لما اكلمه يعصب علي ويصارخ ويقول مااحب اتكلم فيه ابي انسى

تكفون ادعوا له والله تعبت 

112 تعليق 27,636 مشاهدة

شاركي في النقاش

سجلي الدخول لإضافة تعليق.

التعليقات

109
  1. اسال الله العلي العظيم انو يشفي زوجك ويطمنك عليه حبيبتي ادعي وربنا قادر على كل شي اقري البقره وربي يرفع عن زوجك
  2. @aaashkth_1

    لاإاله إلا الله

    والله حاسه فيك واللي مريتي فيه قد مرينا فيه من قيل لكن الحمد لله على كل حال

    هذي اختي من اثر الصدمه انتي توكلي على الله وثقي تماما ان كل مايصيب الإنسان من الله هو خير له لكن حنا نجزع ونتعب ونتضايق لأن مايعرف مصلحة العبد غير خالقه

    اول شي الله يشفيه ويعافيه وارقيه وخليه يشرب زمزم وادعي الله سبحانه قريب مجيب

    الله ارحم بنا وارحم بنا من رحمة الأم بطفلها

    اقنعيه حاولي يروح لأكثلر من طبيب يتأكد ويتوكل عى الله ويبدأ بالعلاج وماهي نهاية الحياة كل انسان له أجل معلوم

    والله ان ملك الموت ليس بقريب من المريض ولا ببعيد عن الصحيح حطي هذا الشي ببالك

    واصبري واعلمي ان هذا اختبار من الله احمدي الله ع كل حااال

    والله ان فيه مرضى اقوى من مرض زوجك واراد الله ان يشفيفهم بحوله وقوته

    والطب تطور والحمد لله لازم يتعالج ويبدأ في اي مستشفى معروف والله هو المشافي المعافي

    الله يكون بعونك ياقلبي شدة وتزول ومابعد العسر إلا اليسر
  3. @amoag_hayrh_1

    اختي الله فوق كل شي ادعي وادعي وادعي

    وهاذا احنا ندعي لانفسنا والله يستجب لنا ان شاء الله


    لاز ياخذ كيماوي ويبدا العلاج من اوله صحيح بيتعب وبيشقى بس الله قادر يشفيه بحوله وقوته


    خله يروح ويتوكل على الله

    كم ناس وناس تعالجوا بالكيماوي وانجحوا
    الله يفتح لكم باب الفرج
  4. صاحبة الموضوع
    الله يجزاكم خير
    واسأل الله العظيم رب العرش العظيم ان يشفي مرضنا ومرضى المسلمين

    بنات اللي حارق قلبي مايبي نتكلم في هالموضوع ويعصب ويصيح انا تعبت والله العظيم اني تعبت
  5. @dhk_roh

    الله يشفيه ولازم يتعالج ياخذ كيماوي وعليك بالرقيه الشرعية القران ثم القران والصدقة كل يوم بنية الشفاء وسورة البقرة كل يةم اقريها عليه وهو يقراها بعد
    واذا ما راح يتعالج لازم تصارحين واحد من اخوانه تحسينه يتحمل تكفين لا تهملينه والله يشفيه والاعمار بيد الله مو الامراض

تابعي تجارب أخرى من هذا القسم.