حبيباتي انا ساكنه منزل جديد و***** الله راح اسوي العشاء(النزايل)مثل مانسميها حنا المهم اجلتها بعدعيد الاضحى لان بعض اثاث بيتي ماكمل وناويه اسوي بوفيه مميز وحلو طبعا ماحد يساعدني لاني بقريه لوحدي واهلي بقريه ثانيه كلهم بيجون على العشاء مم اهل زوجي يعني حوالي 20وحده اواكثر طبعا ابحط ذبيحه مايحتاج بس بنفسي اسوي بوفيه بعضه انا اسويه وبعضه عندي مطعم رهيب يضبط
بس تكفون علموني ايش الاطباق اللي اسويها من سلطات واطباق ساخنه ومقبلات لان انا اول مره اسوي بوفيه
وسوالي الثاني ودي احطه بالحوش لان حوشي حلو وواسع وش رايكن والا ذاك الوقت برد
تكفون لاتنسوني جعل من تساعدني ماتشوف الشر بحياتها ويبعد عنها ربي كل مكروه والله محتاجه لكم انا اكبر خواتي ماعندي خوات اكبرمني
شاركي في النقاش
سجلي الدخول لإضافة تعليق.
التعليقات
107- ما انصحك تسوين شيئ مميز
تدرين ليه والله كله خوف من العين
والحسد
بس والله ودنا نسوي ونبدع
وفي النهايه تجيك عين والاحسد
تدمر كل شيئ وانتي حرة والله يوفقك
ومنزل مبارك - فعلا يانماصيه كلامك عين العقل بس ياوخيتي ايش اسوي الحريم بيجون وش احط بس ذبيحه احسه ناقص والحريم وش يقولوا عني رفله
- مع الذبيخه سلطه جريش وورق عنب وشو له الاسراف
- اايد اختي النماصيه
ومااقول حطي الذبيحه لوحدها شوفي انا مره سوى زوجي عشا فجاه ذبيحه طبعا وعملت اشيا بسيطه كملت السفره وبطريقة ترتيبك للسفره مع الكماليات راح تكفين وتوفين
سويت نوعين سلطه زبادي وخضار وحافظه كبيره جريش ونوعين حلا سفره وكريمه وسلطة فواكه ومشروبات غازيه لبن صغار ارتب وصحن فواكه كبير وبين صحنين الذبيحه ثلاث صحون بيضاويه كبار كبه ورق عنب وسمبوسه وحافظة الجريش وملاعق الغرف وصحون توزيع
البيبسي واللبن والسلطات وزعيها كل منديل سفره جنبه بيبسي ولبن والسلطتين ملعقه مع سكين وملعقه صغيره كلها ملفوفه بمنديل
وفي نهاية السفره الحلى كله مع الفواكه
اهم شي طريقة ترتيب السفره
وجعله منزل مبارك حصني نفسك وبيتك - تدمرت حياة اهلي من نزايلهم وكل عرف السالفتهم ابوي على طول رعيفه ومايحب البيت وكرهنا كلنا والله وبدون مبالغه
وتزوج على امي 3مابينهم كل وحده اسنه وانتهت بطلاق امي وعلى طول تعبانه
الناس مالها الاظاهر مايفكرون انه اقساط او دين
تقدرين تحطين سلطات وجريش وكبيبا بدون بوفيه اريح لك لان الانضار عليكم خلي البوفيه لمناسبه ثانيه
ومنزل مبارك ان شاءالله وربي يسعدكم
اعذريني طولتها بس تعقدت من هالشي
مواضيع مشابهة
تابعي تجارب أخرى من هذا القسم.