الملف الثــــــــــــــالث لحوامل المدينه المنوره ملف تفاعلي عن الاطباء والمستشفيات

الله يسهل ولاداتنا ويتم على اللي ولدوا

يابنات انا جربت الولاده يمكن قبل ثلاث سنوات ماشاء الله عنايه حلوه بس انا جيت على اخر اتحملت نفسي لين نزلت عليا موية الجنين ولمن جيتهم ع طول ع كشك الولاده وخمس دقايق وبنتي جايه لكن مررررره برررد لدرجه اني كنت حموت من البرد بس ماادري اتغييير احس بخوف من البرد معني كنت اسمع يصرخو على وحده وكاني اسمع ظرب وبعدين قعدو يتكلمو عليا ليش ماجيتهم بدري وبعدين لما طلعت فوق من فوق خشمها الممرضه تكلمني وكانت فلبينيه

اللهم سهل امر المسلماااااات ياااااااااااارب العالمين
ويسر لنا كلنا يارب العالمين
وصلى الله وسلم على رسولنا محمد وعلى اله وصحبه اجمعين الي يوم الدين

جزاك الله خير
والله يكتب لك ولاده سهله ميسره ونفرح بسلامتك انتي والبيبي

انا ولدت ثاني يوم العيد بالمواساة
نزلت علي المويه الساعه 3 ونص الفجر وما كان معي طلق نهائيا ورحت على طول للمستشفى خفت يصير نقص اكسجين بالجنين .. دخلت عندهم للطوارئ وجت الدكتورة نهى وكشفت علي وقالت الرحم مسكر وقالت راح نعطيكي 12 ساعه اذا ما جاكي الطلق بنعطيكي صناعي وطلعوني تنويم قالت لازم تكوني تحت الملاحظة ونتابع نبض الجنين .. الحمدلله الطلق بدا معي الساعه 9 الصبح وولدت الساعه 2 الظهر واللي ولدتني الدكتورة ايمان .. صراحة عجبتني جدية وكلامها قليل مهي مزعجة سألتني اذا كنت ابغى خياطة او لا وبعد طلوع الراس رحت بسابع نومة ولا حسيت لا بتنظيف ولا بغرز .. ايوا صح ووقت الولادة لمن رفعو رجولي لبسوني زي الشراريب طويله لحد الركبه مخيطه من القماش عشان ما ابرد ومنه استر لي .. والعناية والنظافة ممتازة والسسترات مررره متعاونات ومبتسمات
واحلى شي ان مو كل شوية تدخل عليكي وحده وتقول بكشف من تحت .. تاركيني على راحتي يعني خلال 10 ساعات كشفو علي بس 3 مرات

حبيت اطرح لكم تجربتي عشان تستفيدو منها

ام نوف كيف معاملة الدكتورة نهى انا ولا مره جربتها وايمان جربتها مره وحده وارتحت معاها ....
الدكتورة نهى تحسيها فاهمه وهادية والاعصبيه ؟؟؟